¹ Mwami Solomono alisimire abakazi bahalehale bwenene,ali gwerhe mwa Farao,mwami we Misiri : Ali gwerhe abakazi b'Abamoabu,n'Abamoni,n'Abaedomu,n'aba Abasidoni n'Abahiti. ² Abo bakazi bali b'omulubaga Nyamuzinda ahanzaga aba Israeli amango aderhaga eri : Mumanye mwaja haguma n'abo Bantu, nenyu murhazigaga baja haguma nenyu, li barhabahindamula muleme mwahera balyangombe babo. Solomono ayumvikana n'abo bantu eri kusima abakazi kurhuma. ³ Abaga aherhe bakazi magana mushanvu aha mwage, n'abandi magana masharhu b'embunga, n'abo bakazi bamuhindamula omurhima. ⁴ Amango g'obushaja bwa Solomono abakazi bage bajirherekera balyangombe babo, chiro banaleka okusima Nyamuzinda wage n'omurhima gwoshi nko ku'Eshe Daudi amusimaga. ⁵ Solomono arherekera Astarte, oyo Astarte yali nama ye chikazi y'abantu b'e Sidoni, hafi na milikomi byoshologosa abamoni. ⁶ Solomono ajira ebigayisize Nyamuzinda, arhachimukoleraga nka k'Eshe Daudi. ⁷ Mwe zola siku oku ntondo ayumbaka eshumo y'obudaka y'e Kemoshi yokuhererakwo bya shologosa abanyamoabu, na milikomi n'okushologosa bene Abamoni. ⁸ Ntyo kwo Solomono ajirire abandi bakage bahalehale boshi baziyokera ha balyangombe babo. ⁹ Nyamuzinda akunira Solomono bulala alihindamwire omurhima gwage oku Nyamuzinda, Namahanga w'Israeli wamubonekeraga kabiri koshi. ¹⁰ Amuhanza oku arhajaga haramya abandi balyangombe; S'aliko Solomono arhalonzaga okulolereza amarhegeko ga Nyamuzinda. ¹¹ Bulala wajirire ntyo, orhakengaga kulala rhwalaganaga rhwembi, mbuhereze mwambali wawe hagua. ¹² Nji ntajira ntyo onachizene eri isho Daudi orhumire, chaliko mugala wawe waleka ye mburhola. ¹³ Nji ntabanyega obwami boshi; s'aliko njinaleka mulala muguma eri isho Daudi, orhumire n'eri chishagala ch'e Yerusalemu nachishogaga cho chirhumire. ¹⁴ Nyamuzinda ahindamula omurhima gwa Hadadi w'omu buko gw'abami b'e Edomu mpu bagaye Solomono. ¹⁵ Amango Daudi ajaga lwisa echihugo che Edomu, yoabu ye waliri mukulu wa basirika ajihamba abantu balemaga bafaomu ntambala, ayirha ababi boshi baliri Edomu. ¹⁶ Abera omu Edomu myezi ndarhu n'abanya Israeli boshi ayirha abarha bana na balume makulu baliyorhere mwo boshi. ¹⁷ S'aliko agomango Hadadi achiriri musole, afulumuka n'abambali b'eshe b'aba edomu, bayakira e Misiiri. ¹⁸ Barhenga e midiani baja e parani, barhola abantu bayo, baja boshi e Misri aha mwa mwami Farao, mwami ahereza eshwa amulaganyaga n'okumuhereza ebiryo. ¹⁹ Hadadi abona olukogo oku mesho ga Farao amuhereza mulumuna wa mukage. Mwami wa makamba tapanesi. ²⁰ Oyola mukazi aburha omurhabana, amuyirika oku zino lya Genubati, amulembera omu mwamwami Farao. Oyola mwana bamulembera haguma na bana ba mwami. ²¹ Babwira Hadadi e Misri oku Daudi na Yoabu mukulu wa basirika bafire, abwira Farao eri : ondeke nshubire omu chihugo chani. ²² Mwami Farao amubaza : Bichi birhumire? ka hali ehintu okola ompunire nakuyimahyo che chirhumire walonza oku galuka emwenyu? Amushuza eri : Nanga ntacho mbulire aliko ondeke. ²³ Namahanga ashubi hindamula omurhima gwa Rezoni mwene Eliyada mpu agaye Solomono abaga ayakire emw'owabo mwami Hadadezeri w'e Zoba. ²⁴ Ashubuza, agisha abantu aha burhambi bwage; amango Daudi ayirhaga ebigusho eri ye mwigiriza wabo, bayakira e Damaski aluha aba ye rhambula eyo. ²⁵ Rezoni aba mushombanyi w'abisraeli esiku zoshi solomono abaga azene. Ashombana n'aba Israeli amango goshi abaga ali mwami omu Suriya, ayushula obobi kulusha obu hadadi abaga amajira. ²⁶ Yeroboamu alimwambali wa mwami Solomono. Ali mwene Nebati w'e Sereday'omu Efuraimu, nina ali mukana izino lyaga ye waliri seruwa. ²⁷ Lolaga gurhe agomaga; amango Solomono abaga yayumbaka e milo, ashubula okukwiza olukuta lwe chishagala ch'eshe Daudi. ²⁸ Haliri musole muguma ezino lyage ye Yeroboamu, eri mwami abona gurhe ali akola n'obushiru amujira mwimangizi wabakozi b'omu buko bwa yusufu. ²⁹ Lusiku luguma eri Yeroboamu arhenga e Yerusalemu, eri abalama ashiganana n'omulebi ahiya eri naye arhenga e shilo, babugananago bombi omu luchiga eri ayambere egoti lihyahya oku chirhugo. ³⁰ Ahiya arhole eryo goti lihyahyaaliyambere, alibera mu bichira ekumi ne bibiri. ³¹ Abona bwira Yeroboamu eri : Orhole ebi bichira ekumi, bulala Nyamuzinda Namahanga w'ab'israeli aderhere ntya : nkola nanyega obwami nguhe buko ekumi. ³² Hayorha buko buguma eri mwambali wani Daudi orhuma, n'e chishagala che Yerusalemu nachishogaga omu buko bw'Israeli yoshi chirhuma. ³³ Njirire ntyo bulala abisraeli baderhere, bakazihera Astarte, ye lyangombe w'abasidoni, ne kemoshi, ye lyangombe y'abamoabu, na milkoni y'abamoni, barhashimbaga enjira na bayekeraga, barhanakengaga amarhegeko gani, barhajiraga n'ebyokuli embere zani, barhakengaga amarhegeko n'amahano gani nka kulala Daudi eshe wa Solomono alemaga ajira. ³⁴ Ntamunyega obwami bwoshi, namuleka abere mwami amango goshi azene eri eshe mwambali wani Daudi arhuma, nachishogaga yewe bulala alikengere amarhegeko n'amahano gani. ³⁵ Aliko nanyega omugala obwami, woyo Yeroboamu naguha obwo buko ekumi; ³⁶ Nalekera omugala buko buguma, lyo mwambali wani Eshe Daudi akaba agwerhe omwana wakayima obwami embere zani esiku zoshi omu Yerusalemu, bulala chiri chishagala nachishogaga na kazi yerekanira mw'okubaho kwani ³⁷ Njina kurhola, njiorhambule obwami nko kuwalonza, obe mwami wa buko ekumi bw'Israeli. ³⁸ Eri wakakenga ngasi kwoshi nakurhegeka, okashimba enjira nakubwiraga oka jira eby'okuli embere zani okakenga oku marhegeko n'amahahano gani gaderhere nka kulala mwambali wani Daudi alemaga ajira, nanaba haguma nawe nguhe n'eburha lya yima omu chihugo nka kulala Daudi aliyorhere. Nakuhereza buko ekumi bw'abisraeli. ³⁹ Njina rhohye omu burha lya Daudi, s'aliko arhali esiku zoshi. ⁴⁰ Solomono alonza kurhe akayirha mwo Yeroboamu. saliko Yeroboamu ayakira e misri, emwa mwami shishaki, aberaeyomunda kuhika Solomono alinda afa. ⁴¹ Ebindi bijiro Solomono ajirire n'obumanye n'obwenge aliherhe ebiri biri biyandikirwe omu chitabu chebi Solomono ajiraga. ⁴² Solomono abera e Yerusaleu arhambula omu Israeli mwoshi myaka makumi mane ⁴³ Enyuma ly'aho, afa, bamubisha haguma n'ahabahambaga eshe omu chishagala cha Daudi, omugala Roboamu ayima ahali hage aba mwami.