¹ Bene Isakari: Tola, Puwa na Yasubi na Shimuroni, bane. ² Bene Tola: Uzi, Refaya, Yerieli, Yamayi, Yibusamu na Samweli, Abo bashamuka baliri omu milala ya b'eshe, kurhengerera ku Tola bali mw'enfola miherho z'entwali omu bana babo; oluganjo lwabo, amango ga Daudi, baliri bihumbi makumyabiri na bibiri na magana ndarhu. ³ Mwene Uzi: Yizirahiya. Bene Yizirahiya: Mikaeli, Obadiya,Yoweli na Yishiya, boshi haguma baliri barhano. ⁴ Baliri haguma boshi, kukulikira nk'oku baburhwaga, kukulikira n'emilala ya b'eshe, baliri nfola miherho bihumbi makumi masharhu na ndarhu bw'okuj'oku ntambala, bulala baliherhe bakazi banene n'abana. ⁵ Bene babo, b'omu milala ya Isakari, abalume b'entwali, balihikire bihumbi makumi gali munane na mushanvu, baliyandikirwe omu kuburhwa kwabo. ⁶ Bene Benjamini bali basharhu: Bela, Bekeri na Yediyaeli. ⁷ Bene Bela bali barhano: Eshibone, Uzi, Uzieli, Yerimoti na Iri; abo bali bashamuka b'omu mulala. Bali nfola miherho bihumbi makumyabiri na bibiri na makumi masharhu na bane. ⁸ Bene Bekeri: Zemira,Yoasi, Eliezeri, Eliyohenayi, Omri, Yerimoti, Abiya, Anatoti na Alameti, boshi abala bene Bekeri, ⁹ n'oku yandikwa omu bibusi, kukulikirana n'ebibusi byabo, nka bakulu b'enju za beshe babo, entwali z'abantu baliri luganjo lwa bihumbi makumyabiri na magana mabiri. ¹⁰ Bene Adiyaeli: Bilani. Bene Bilani: Yeusi, Benjamini, Ehudi, Kenaana, Zetani, Tarasisi, na Akiskakari, ¹¹ boshi abala bene Yediaeli, abashamuka bw'omu nju za beshe, ntwali z'abantu oluganjo lwabo bihumbi ekumi na mushanvu na magana mabiri, bahiheker'emihere n'oku genda oku ntambala. ¹² Shupimu na Hupimu mwene Iri; Hushimu, mwene Aheri. ¹³ Bene Nafutali: Yaziyeli, Guni, Yezeri na Shalumu, mwene Biliha. ¹⁴ Bebe Manase: Asrieli, amuburhaga oku mukazi w'e Suriya; amuburha Makiri, eshe w'aba Galadi. ¹⁵ Makiri ashabira Hupimu na Shupimu abakazi, Ezino lya mwali wabo yi wali Maaka. Ezino lya mwene Makiri wa kabiri ye wali Zelofehadi; Zelofehadi aburha abanyere bonine. ¹⁶ Maaka, muka Makiri, aburha murhabana muguma, n'oku muhamagala oku zino lya Pereshi; n'ezino ly'omulumuna lyaliri Shereshi, n'abana bage baliri Ulamu na Rekemu. ¹⁷ Mwene Ulamu: Bedani. Abo babaliri bene Galaadi, mwene Makiri,mwene Manase. ¹⁸ Mwali wabo Hamoleketi aburhaga Ishido, Abiezeri na Makila. ¹⁹ Bene Shemida baliri: Abiyani, Sikemu, Liki na Aniyamu. ²⁰ Bene Efurahimu: Shutelaki, Beredi, Takati, Eleyada,Takati; ²¹ Zabadi, Shutelaki, Ezeri na Eleyadi. Abantu b'e Gati, baburhwag'omu chihugo, abanizi, bulala bayandagala kuhagula ebirhungano. ²² Efurahimu, eshe wabo, abashibira siku zinene omu mishibo, na bene babo bayinji musiririza. ²³ Na ntyo babuganana na mukage, n'okuba mubukule n'oku burh'omwana; amuhamagala oku zino lya Beriya, bulal'obuhanya bwabaga bwajir'omu nju yage. ²⁴ Omwali aliri ye Shera, ye wa yumbakaga Beti-Horoni eshishi n'e Beti-Horoni y'enyanya, na Uzeni-Shera. ²⁵ Refaki, omugala, na Reskefi; Telaki, omugala; Takani, omugala; ²⁶ Laedani, omugala; Amihudi, omugala, Elikama, omugala; ²⁷ Nuni, omugala; Yoshuwa, omugala. ²⁸ Echihugo ch'e Beteli chali chabo n'ebishagala byalirimo byoshi; n'eche Narani, ebushoshokero bw'ezuba, ewa buzikiro bw'ezuba, Gezeri n'ebishagala byage byalirimo, Sikemu n'ebishagala byalirimo kuhik'e Gaza n'ebishagala byalirimo. ²⁹ Bene Manase ba baliherhe echishagala ch'e Beti - Skeani n'ebishagala byalirimo, Tanaki n'ebishagala byalirimo, Megido n'ebishagala byalirimo, Dori n'ebyo bishagala byalirimo. Mwaliri mw'ebyo bishagala bene Yusufu mwene Yakobo balimo, bene Israeli. ³⁰ Bene Aseri: Yimuna, Yishiva, Yishivi na Beriya; na Seraki, mwali wabo. ³¹ Bene Beriya: Heberi na Malikieli. Malikieli ye waburhaga Birizaviti. ³² Na Heberi aburhaga Yafuleti, Skomeri na Hotamu, na Skuwa, na mwali wabo. ³³ Bene Yafuleti: Pasaki, Bimuhali na Askivati. Abala ba bene Yafuleti. ³⁴ Bene Skameri: Aki, Rohega, Huba na Aramu. ³⁵ Bene Helemu, omugala: Sofaki, Yimuna, Skeleski na Amali. ³⁶ Bene Zofaki: Suwaki, Hareneferi, Skuwali, Beri, Yimura, ³⁷ Bezeri, Hodi, Skama, Skiliska,Yitirani na Beera. ³⁸ Bene Yeteri: Yefune, Pisipa na Ara. ³⁹ Bene Ula: Arachi, Hanieli na Riziya. ⁴⁰ Aba boshi baliri bene Aseri, abakulu b'omu nju za b'eshe wabo, abantu bw'obwenge n'entwali, abakulu b'abaluzi, baliyandikirwe omu luganjo lw'abantu bihumbi makumyabiri na ndarhu, omu borhere bw'okuheka emiherho n'oku genda ewa ntambala.