¹ Bene Rubeni; omwambere kuburhwa omu Israeli. Bulala aliri mwambere kuburwa; aliko, bulala arholaga muk'eshe, echigabi chage ch'okuburhwa embere bachihereza abana ba Yusufu, mwene Israeli; na ntyo Yusufu arhali yandikirwe omu bana ba Yakobo nka murhanzi. ² Yuda aliri, omu kuli, wa buhashe kulusha bene babo, omu mwage mwaburhwa omu mwami; aliko Yusufu ayorhana akashambala. ³ Bene Rubeni, olubere lwa Israeli: Henoke, Palu, Hesironi na Karmi. ⁴ Bene Yoweli: Shemaya, omugala, Gogi, omugala; Shimeyi, omugala; ⁵ Mika, omugala; Rehaya, omugala; Baali, omugala; ⁶ Beera, omugala, ye Tilgati-Pilneseri, mwami w'e Asuriya, agwarha mpiru amuheka buja: Aliri mushamuka muluzi w'omulala gwa Rubeni. ⁷ Bene babo Beera, kukulikira emilala yabo, nk'oku baliyandikirwe omu bibusi byabo n'okuburhwa kwabo: Omurhanzi, Yeiyeli; Zakariya; ⁸ Bela, mwene Azazi, mwene Shema, mwene Yoweli. Bele alilamire 'e Aroeri, n'okuhika omu N'e Baali-Meoni; ⁹ ebushoshokero bw'ezuba, balilamireyo kuhika ewa kuj'omumpinga kurhengera ewa lwinji lunene Efurati, bulala ebirhungano byabo byali binene omu chihugo ch'e Galadi. ¹⁰ Amango ga Saulo,bajira entambala n'Aba Hagari, bafira omu fune zabo; baja balama omu mahema gabo, ewalunda lw'ebushoshokero bw'ezuba e'Galadi. ¹¹ Bene Gadi bali lamire haguma nabo, omu chihugo ch'e Basani, kuhika e' Salika. ¹² Yoweli, omurhanzi, Shafami, owakabiri, Yaeni, na Shafati, omu Basani. ¹³ Bene babo, kukulira oku baburhwaga omu nju za b'eshe: Mikaeli, Meshulamu, Sheba, Yorayi, Yaekani, Ziya n'eya Eberi, mushanvu. ¹⁴ Lolaga bene Abikaili, mwene Huri, mwene Yaroaki, mwene Galadi, mwene Mikaeli, mwene Yeshishayi, mwene Yakido, mwene Buzi; ¹⁵ Aki, mwene Abdieli, mwene Guni, ye waliri mushamuka omu mulala gwabo. ¹⁶ Baliri omu Galadi, omu Basani, n'omu bishagala balibibikene nabyo, n'amalambo g'e Saroni kuhika ewa bwa mbibi. ¹⁷ Boshi baliyandikirwe omu bibusi, omu mango ga Yotamu, mwami w'e Yida, n'omu mango ga Yeroboamu, mwami w'e Israeli. ¹⁸ Bene Rubeni, aba Gadi n;echi chira ch'obuko bwa Manase baligwerhe entwali z'abantu, baligwerhe empenzi n'engorho, n'okulik'emishambi, n'okulwa entambala, baliri luganjo lwa bihumbi makumi mane na bine na magana mushanvu na makumi gali ndarhu, babajag'oku ntambala. ¹⁹ Bajilwisa Aba Hagari, e'Nafishi n'eNodabu. ²⁰ Bahabwa oburhabale, n'aba Hagari na boshi baliri haguma nabo bahirwa omu fune zabo. Bulala, amango g'entambala, balihunire Nyamuzinda, bulala bali chishwekerw'okuye. ²¹ Barhola ebirhungano byabo, Ngamiya bihumbi makumi marhano, na bibubzi bihumbi magana mabiri na makumi marhano, punda bihumbi bibiri n'abantu bihumbi egana; ²² Bulala haliri mirhumba minene, bulala entambala yalerhwaga na Nyamuzinda. Baja mw'ebyo bishagala byabo kuhika amango bahekwagwa buja. ²³ Chichira chiguma ch'omulala gwa Manase bali lamire omu chihugo, kurheng'e Basani kuhik'e Baal-Hermoni n'e Seniri, n'oku ntondo y'e Hermoni; baliri banene. ²⁴ Lolaga Abashamuka bw'omu nju za b'eshe: Eferi, Yisheyi, Elieli, Azrieli, Yeremiya, Hodaviya, na Yakidieli, ntwali z'abantu, bantu n'ezino, bashamuka b'enju za b'eshe. ²⁵ Aliko bachir'echaha embere za Nyamuzinda wa b'eshe, n'oku rherekera embere za banyamuzinda w'embaga zabo omu chihugo, balala Nyamuzinda ashandulaga embere zabo. ²⁶ Nyamuzinda w'aba Israeli achula omuka gwa Puli, mwani w'Aba Suriya, n'omuka gw'aba Tigaliti-Pileneseri, na mwami w'aAba Suriya, na Tiligati-Pileneseri alerha bene Rubeni buja, Abagadi n'echi chira ch'obuko bwa Manase, n'oku baheka e'Kalaki, e'Kabori, e' Hara, n'ebwa lwinji lunne lw'e Gozani, emunda balamaga kugera z'ene.