² abafarizeyi bayinja eyomunda,aliri bamugeza, baderha bishinganene omulume okulibirha kumukage. ³ nayeabashubiza: gurhe Musa alibarhegekere? ⁴ nabobaderha, oku Musa ayemerere okuhereza omukazi amaruba gokushanda obuhya, nakumuhulusa? ⁵ Yesu ashubiza ababwira: enyanya zoku komera kwe mirhima yenyu charhumaga Musa abaha elyo rhegeko. ⁶ Aliko omurhondero g'okulema kwa Nyamuzinda alema omulume n'omukazi ⁷ Checharhuma omukazi aleka eshe n'anyina achishwekere kumukage. ⁸ Banaba bombi mubiri muguma, y'ibarhachili babiri, sibakola mubiri muguma. ⁹ Nantyo echi Nyamuzinda ahebere haguma mwene omuntu arhaka chilekanisa ¹⁰ Eli bahika omunju abigirizwa bage bamubaza k'ogo mwazi. ¹¹ Ababwira, ngasi yeshi yehuluse mukage akashaba owindi eyamajira obumaguza ¹² Neri omukazi akalekeba akashabwa n'owundi naye eyamayumaguza ¹³ Bamulerhera abana badorho mpu abahume'ko, aliko abigirizwa bage baba kalihira. ¹⁴ Saliko Yesu abona ntyo, agaya ana babwira: muleke abana bayinje emunda ndi; murhababuzaga; bulala obwami bwa Nyamuzinda buli bwabo ¹⁵ Omukunali mbabwirire ; orhaka yakira obwami bw'empingu nka mwana budorho, arhaja eyo munda haba n'ehityu ¹⁶ Honaho a'ba bagalira, abaheba kwa maboko abagisha ¹⁷ Achi'genda omu njira, muntu muguma ayinja amulibirhira, afukama embere zage, ana mubaza, "Mwigiriza mwinja, kurhe njirage himbona akalamu k'esiku namango? ¹⁸ Yesu amu bwira: Chirhumire wampamagala mwinja? Ntaye oli mwinja orhali muguma, yena Mungu. ¹⁹ Oyinji amarhegeko: orhahira okaniga, orha hira oka baraga, orha zimbaga, orha yemerezaga obubeshi, orha beshaga, okenge yisho nanyoko" ²⁰ Ola muntu amushubiza: Mwigiriza ebyo bishi mbikenga kurhenga okuburhwa kwani. ²¹ Yesu amulolereza, amusima, amubwira: Chiguma chikubulire. ogende oguze eby'ogwerhe byoshi, obigabire abakeni, yinjo oba n'enguli empingu orhole omusalaba ; okuhandi oyinje onshimbe". ²² Aliko eli ayunva og'omwazi oyo mulume agenda y'agayire, agonya amalanga, agenda n'oburhe bulala aligwerhe obuhirhi bunene ²³ Yesu alola eyi n'eyi abwira abigirizwa bage: "Kuli kudarhi kwa bagale, okuja omu bwami bwa Nyamuzinda" ²⁴ Abigirizwa basomerwa kweyo myazi yage. Aliko Yesu abashuza, ababwira: Bana, mumenye oku bikomere oku mugale omukuja omu bwami bwa Nyamuzinda. ²⁵ Kuli kulembu oku geza engamiyaomu ntule y'esindani ahali ok'omugale okuja omu bwami bwa Nyamuzinda ²⁶ Basomerwa bwenene, babwirana baguma oku bandi, " Nde wchunguke? ²⁷ Yesu abalola aderha: " Birha kashoboka oku bantu, aliko emwa Nyamuzinda byoshi bishoboka. ²⁸ Petro ajaho amu bwira; lolaga oku rhwalekere byoshi rhwakushimba. ²⁹ Yesu amu shubiza: Nkubwirire okunali, ntamuntu wakamala kuleka enju yage, benebabo, balibabo, changwe nyina, changwe eshe, changwe abana n'amashwa oku izino lyani n'enyanya z'emyazi y'obuholo. ³⁰ afundwe kuhabwa kaligana mukano kasanzi rhulimo, enju, beneberhu babalume naba bakazi, nyama, abana, na mashwa, haguma n'amalibuko n'omugulu lyayinja omu kalamo k'esiku n'amango ³¹ Aliko banene bali barhanzi njobaba bazinda nabalala bazinda njibaba barhanzi ³² Baliri omu njira bazamukira e Yerusalemu na Yesu abarhanga; basomerwa. Nabala bali mukulikire bayubaha. Ashubi rhola kandi bala ekumi nababiri, arhondera kubabwira emyazi y'ebyahika enyanya zage, ³³ Aderha: mulole rhuzamukire e Yerusalemu, n'amwene omuntu ahibwa omu mabaoko ga'abakulu g'abakohani n'abandisi, n'abo bamuchira olubanja afe, bamuheba omu maboko g'olubaga ³⁴ Njo bamugayaguza, n'oku muchirako, n'okumushurha enkoni, n'oku muyirha, n'enyuma za siku esharhu njo afuka ³⁵ Yakobo na Yohana, bene Zabadayo, bagenda embere zage, bamubwira, Mwigiriza, rhwalonza orhujirire mwazi muguma rhwakuhema. ³⁶ Ababwira: mwalonza mbajirire bichi? ³⁷ Bamubwira: Orhuhe obulengajira, rhuyikale mukuma omu kuboko kwawe kwe kulyo n'owundi omu kuboko kwe kulembe omu buchesibwa bwawe ³⁸ Aliko Yesu aba bwira, murha menyere ebi mwahunire. Mwakagala kunywera omu gopo njinanywera mo n'okudubikwa omu budibuko njonadubikwamo? ³⁹ Bamubwira: Rhwabishobola, "Yesu ababwira: mwashobola kunywera omu gopo na nyweramo n'okudubikwa obudubike n'edubikwe mo. ⁴⁰ Saliko okuyikala ekuboko kwani kwe kulyo chiro okwe kulembe, ogula mwazi gurhali gwani oku guhana si gwa bantu bali bahebere ho mira. ⁴¹ Chiro balala ekumi babere bayunva, barhondera oku kaliha enyanya za Yakobo na Yohana. ⁴² Yesu abahamagala ababwira. Mwamenyere abaganjirwe kuba boburhanzi b'olubaga barhegeka n'emisi, n'abakulu babo bana bakolesa. ⁴³ Aliko arhalintyo omu kagarhi kenyu. Owalonza kuba mukulu emwenyu, aba mukozi w'ababo, ⁴⁴ n'owalonza kuba w'oburhanzi emwenyu aba mukozi w'aboshi. ⁴⁵ Bula mwene omuntu arhayinjaga kukolerwa si ahubwe kukola n'okuhana obulamu bwage bube buchunguke bwa banene ⁴⁶ Bagera e Yeriko, chiro babere barhenga e Yeriko haguma n'abigirizwa bage n'omushimanano mukulu, mwana wa Timayo, Bartimayo, oyo ohuna w'empumi, aliyikere ahaburhambi bwenjira. ⁴⁷ Abere ayunva oku Yesu w'e Nazareti arhonderi yama oku mulenge n'okuderha; Mugala wa Daudi, Yesu, ombabalire. ⁴⁸ Nabanene bamukalihira mpu yasira. Aliko agendikera kweba omulenge: mwana wa Daudi, ombabalire ⁴⁹ Yesu ayimanga aderha: mumuhamagale. Bahamagala ey'ompumi, bwamu bwira, chiha omurhima, y'imanga akuhamagere. ⁵⁰ Akweba omwambaro gwage, akitora, agenda amalangambere ga Yesu ⁵¹ Yesu amushubiza, aderha: Bichi walonza nkujirirage? Eyo mpumi y'emubwira: Nahano, ngale kubona. ⁵² Yesu amu bwira: Chigendera, obwemere bwawe bwama kufumya. Okuliguma abona akulikira mwami Yesu omu njira