¹ Yakobo, mukozi wa Lulema na wa Nahano Yesu Kristu, endamuso zani zihikire amashanja goshi ekumi na mabiri hoshi bachikwebere. ² mubirhole nkacintu ch'obushagaluke bunene bene berhu amarhangulo aga n'aga muherhe mwageramo. ³ mumenye oku erhangulo ly'obwemere bwenyu ly'okubalerher'okuchihangana. ⁴ Muleke obukomerere bukol'akasi muli mwewe, yi mukula nw'okuba nw'obushinganyanya buzira kubulirwa n'echintu. ⁵ Aliko eyihakaba muguma wenyu olonzez'obwenge obuheme Lulema yehana byoshi buzira kulondola, buzira kusidaka naye ⁶ Aliko aheme n'obwemere buzira ngangane, bunol'oherh'engangane ashunyanyizwe n'omulaba gz'omunyanja guli gwahekwa eyi n'eyi n'omuhusi. ⁷ Oyu muntu arhakengeraga mpw'abon'echishubizo emwa Nahano. ⁸ Ali muntu wa mirhim'ebiri, w'okuhindamuka hindamuka omunjira zage. ⁹ Eyi hakaba beneberhu b'abakene, basime nk'okubali. ¹⁰ N'oli mugale asime obwirhonzi Lulema amuhere bulala nj'agera nka bwaso buli omushwa. ¹¹ Ezuba eyi likaliha lyana yumy'emirhi, n'obwaso bwana hungumuka n'obwinja bwage bwanahweraho. ¹² Olala wa lember'erhangulo ali munya ragi bwenene, bulala ahabwa eshungwe ly'okulembera lya laganyagwa kubalala basima Lulema. ¹³ Ntaye okwanene aderhe akachanji arhangwirwe : mpw'elirhangulo lyarhengaga emwa Lulema, bulala Lulema arharhangulwa nabubi na yenyine arharhangula muntu. ¹⁴ Ngasi muntu arhangulwa n'enyifinjo zage yenyine zila zimurhebeka n'okumuheka hale. ¹⁵ Ahanyuma enyifinjo erhi zikula zanaburha echaha, n'echaha erhi cikula cana burha olufu. ¹⁶ mumenye murha cirhebeka bene berhu bazigirwa. ¹⁷ Ngasi mpano nyinja, ngasi mpano ekwanene rhengera enyanya, emwa Darha w'omucho. Omu yewe murhaba mwizimya changwa ekicu cho kuhindamuka hindamuka. ¹⁸ Oku bulonza bwage yenyine arhuburhire kugerera omwazi gw'okuli, omu kulonza rhube fula omu bilemwa byage. ¹⁹ Bene berhu bazigirwa, mumenye oku ngasi muntu abe duba omu kuyumva, aliko arhabaga duba w'okuderha n'okugaya. ²⁰ Bulala oburhe burhayukiriza obulonza bwa Lulema. ²¹ Checirhumire, mukwebe hale ezinga lyoshi n'obubi bubazungulukire, murhole obwrhonzi, omwazi gwarwerwagwa omu kagarhi kenyu. ²² Mukenge omwazi gwa Lulema, murhana hweraga omu kuyumva muka cirhebeka n'obukenge bwenyu mwenyine. ²³ Bulala nka omuntu akayumva omwazi buzira kuguhiba omu bijiro, ²⁴ ashushanyizwe n'omuntu walemaga alola eshusho lya ge omu kiyo, aha nyuma anayibagire kurhe alishushire. ²⁵ Aliko oshimbulira amarhegeko gw'okuli bwinjabwinja, rhegeko ly'omurhula anagenderere okulikenga, arhachiba mumviriza konyine, agishwa enyanya z'okuhiba eyo myazi omu bijiro. ²⁶ Ely'omuntu akakishoga edini, akagambwa kurhegeka n'olulimi lwage, aherhe arhegeka omurhima gwage n'edini lyage buli busha. ²⁷ Embere za Darha Lulema werhu, edini linja lyo lilala lishibirira abashumbakazi n'efubi omu malibuko gabo n'okukilanga na ngasi bubi bwa lino gulu.