¹ Moowe, ena maondi simaa engame mo moyaeli yaabo tekea. ² Ena naba kolo bato baike na koselela, baike kayee bato liti, boyaeli ya phoa, kophenena,n'kati ya motema ya eme. ³ Enambe ba mokali siba baeteake beno bee ngamei koanja kabo ka engame moko phenena, utai kingi moto fuyor, keute esangi konalu ye ngami nakoesa iyano tafoa. ⁴ Moisina ya koe besa koema baome meseka babo na baana. ⁵ Baike kae balili, nako nakota ngana ome kambo ya malumba, bosali, kosele la kobaome ba bo, mondia mbe looki ya Mokonga itesea ma ngai. ⁶ Moesa ikae mesombe mbele baike nabo yoeli osaali. ⁷ Komoesa owo mune mo maondi koose maphoa ma mekambo n'sali, na koesa be kimo ba phenema, na tcha. ⁸ Kooki omo ya phooa, owa mondia mbele owa ite katimboleka, owa uka m'ba wa ikena n'soni wite ika ngai nakoena ango kamo kabeya kwa kito. ⁹ kobonja bakolengasa bo koma ondi moose ke bitei kangi ango kambu mokotimbola koena. ¹⁰ Mbe bite ikangi ndi komo esa kilabobu boyaeli ya ko phenena, mondia ba litose bo yaeli ya Mokonga ito moendesi. ¹¹ Bondia mbgwe bgwele ya Mokonga, kasuwe ka koondesa bato boose, ka muese laka ngai. ¹² Yoo moese ase mokomola kobeya nkasa ya tchese, kena tcha, kemo ko phenena, ¹³ Nakomoesa tche kamba tcha Mokonga mophene kena tcte onde sa tchi Mbali Klisto. ¹⁴ owa weose ew omune mongia ito ombe ya toesa bose mokobe koose, ke nakoika bato siba bika bande oo phenena mondia we na nka ya mekambo ya phoa. ¹⁵ E nama ondisimano, toma, bunda na tche kamba tchoose mbe moto ute ite monangai we bule.