¹ Matomekai bane motamba ito foibe, owa uka motoli oso mo etanda ya kenkelea, ² Mo isina mbe be pokeyei we n'nkati ya mokolo wito na boyaeli si ow yeengame na ba pheneni, ambe beuneyi we mo besima boose baa bokoika nande na n'nkati, bondiya weuneyei ba buwa benaneke kae. ³ Salimiyai Pilisika na Akila masau mane ma mekambo n'nkati ya Mbali, ⁴ Baa beyabe mebe ya bo mo ko ondesa noo; yo buande noo mune liki noo lombesa bo, ika kai baetanda boose ba bapakano. ⁵ Salimiyai kae etanda, si eya ika mo lumba yabo. Salimiyai Epaineto, mo emesani wane owa waikanga moto wa boso mo isina ya Klisto mo Asia. ⁶ Salimiyai Malia owa wete mekambo ya buwa bondi ino. ⁷ Salimiyai Adoloniko na Yuniya, ba boti na binakane ba mo ololo, baa bika na okuku ya ema n'nkati ya batomeki, ke baika kae boso wane ka Klisto. ⁸ Imolahii Amphia, moemeleki ane n'nkati ya Mokolo. ⁹ Imolahii Uluba isau ito o mokambo ya Klisto, na sitaki, moemeleki wane. ¹⁰ Imolahii Apelese, owa wesonyeke n'nkati ya Klisto. Imolahii baa bika mo lumba ya Ariditobula. ¹¹ Imolahii helodian, owa webote noho. Imolahii baa balumbaya Nalasise baa bika n'nkati ya Mokolo. ¹² imolahii Telefeno na Tilifose, baa bootaa n'nkas mondia Mokolo. Imolahii. Peleside, moemleki waamokali, owa wete n'kasi mondia mokolo. ¹³ imolahii Lufusi, owa wesoneke na Mokolo, na nina, owa uka nina ane. ¹⁴ Imolahii Asinikilite, Filezone, Helenese, Patolobase? Helemase, na banduku si baa bika na bo asimaamo. ¹⁵ Imolahii Filologena Yulia, Nele na nduku ande wa amokali, na Olipe, na bapheneni si baa boose bika nabo. ¹⁶ Imolahii omo na omo na bese wa ophenena. Molumba na Nzambe moose na Klisto na imolaki bane. ¹⁷ Na boya banjaki bane, banduku, mo baa beeme kobaanya bane na koteleya ane. Ika hii kpaaya na. ¹⁸ Mondia bato siabo bito oteleyande Klisto Mokolo wito, n'ndi mesolo yabo bemine, na, maoki ma opholeyapholeya na kokese, boolimesa metema ya baa beselele. ¹⁹ Mondia ino, kolitosa kino kaebekanakehii na bato boose; nika na ome mo isina ino, na neemi mbele Duku na boweli mo eya ye mome kofowa na kophenena, mo eya ye mone kabeya. ²⁰ Mokonga wa bii okpatahii oneene Satana kose na maa mino. Eka mbele m'mgbemgbele ya mokolo wito Mbali Klisto yaike nino! ²¹ Timothee, owa wesaunganane nane o mokambo, wa imolaki bane, na Lusiase, Jason na Sosipatela, bazazi bane. ²² Naimolaki bane n'nkati ya mokolo, noo Telitiusi, owa wa kpalowanga koani si kaakano. ²³ Gayusi, owa osunga nohoo na owa lumba ya Mokonga yoose, waimolaki bane. Elasete, mobundi wa n'falanga ya motanga ya mosongo, waimolaki bane, na nduku wa kalatusi. ²⁴ Eka mbele m'mgbemgbele ya Mokolo ito Mbali Klisto yaike nino ane boose! boobo! ²⁵ Na owa o kobesakobesanga ane koondelesa na mesao n'saali na manangoli mane ka Mbali Klisto, koondesana na komeneka ka koisama ka n'nyanga na n'nyanga. ²⁶ N'ndi komoneka eneeke omaoki ma balondoi, maili ya kopanga ka mokolo wa bemo na bemo, na koika na koeba ka beikaneyo boose, mondia ya litose mo kowakowa, ²⁷ kowa ka Mokonga, we mune wa boweli, yaike na okuku o bemo na bemo, mo m'mboka ya Mbali Klisto! Boobo!