¹ Yambai owa unapholea-lea mo mboka ya kowakowa, ena bobuwa kota nande meango mo maenyeli mande. ² Owa o kowakowa mo tchei ko ango tchoose, owa ophe, wa phophowa-lea, uto ko anga meleli ya toani. ³ Eke owa o ko anga, utesekangi ango kambu owa uto ko anga, eke owa uto ko anga utesekangi owa o ko anga, bondi Mokonga wayambake mono we. ⁴ Owei nani, owa o ko sambesa munakabe? Aika m'mba waimana, m'mba wakeya, eeyo eangaliye mokota yande. N'ndi aika m'mba weimune, m'mba wakeya, eeyo yoose eangaleye mokota yande. Aika m'mba wo kaimanai, bondi Mokolo wika na tchekamba tcha koimetcha we. ⁵ M'mba owa okota ko ekanesa n'nkati ya nsu; owa ophe wa ena nsu yoose ikai namuna omo, ikai moongo mongo ephoe mbe, moto na moto aike ko motema yande ko eba kosaali. ⁶ Owa wokota nteya n'nkati ya nsu wokota boobo bondia Mokolo. Owa wo ko anga, ikai bondia ya Mokolo n'ndi o ko anga, bondiya o kolombesa Mokonga; owa uto ko anga eke wa lombesa Mokonga. ⁷ Mo boobo, ango omo n'nkati ito obuwa bande motchese bondiya yande omune, eke ango omo uto kogba bande, mo ko ema kande omune. ⁸ Bondiya mbe aika m'mba lika motchese, tikai bondia Mokolo, aika kae mbe to kogbai, to kogbai bondiya Mokloo. Aika m'mba tika mo tchese, aika m'mba to kogbai, tikai bondiya Mokolo. ⁹ Bondiya Klisto wagbangai eke wa ikangai bondiya koika kiyo na bagbi ena kiyo na baa binaika mo tchese. ¹⁰ N'ndi owe, bondiya tchei o ko bukeyanga binakabe maondi? Ena owe, bondiya tchei owe oseke nduku wabe? Bondiya, base boose tekasambai, boose ya to meli ta Mokonga. ¹¹ Bondiya eandikelekei:"Nika na ooya, we na ko ena Mokolo, malu moose mo lubekai boose nane, ena tona toose to ko lombesai Mokonga". ¹² Mo boobo, omo na omo omune wo ko moesai maondi mande boso na Mokonga. ¹³ To buwa kuhukumisana n'nkati ito base mine, n'ndi teikangai na maenyeli mbe tite telesangani maondi mabeya n'nkati ito mbe miteikangi ma ko sembola base maili, ango ma ko kelesa base. ¹⁴ Neli, ek nika na kowakowa kae mbe buwa bande tchesima tcha beya, eke tchesima tchemo tchutebeye bande, sakolo ka moto si owa o ko senda tcho. ¹⁵ N'ndi aika bondi ya moleli, nduku wabe wasoma, uto ko enda kae m'mba bowa eeme moboto ka oowa, mo isina yande Klisto wa gbangai. ¹⁶ Ekai mbe, eeya ika okuku ino, itekangi na isina ya ko eneya munakabe olanga. ¹⁷ Bondiya bokota ya kiyo yo bowa bande bondiya ko anga ango koma, n'ndi liti, bii ena ome, mo mboka ya Mosombo-osaali. ¹⁸ Owa wo koteleya Klisto mokambo namuna si ooyo o kolengesai Mokonga eke ya akoleka kae na binakato. ¹⁹ Mo boobo, tephanei eya ya ko isa bii ena ya ko kobeya omo na omo. ²⁰ Bondiya ya moleli, buwa koseya mokambo ya Mokonga, mo liti, besima si beebo bephoei, n'ndi ikai ko beya kowa ka moto, aika m'mba wa anga, mo koika tchesima tchabeya. ²¹ Ikai bosaali mo ko kanga ko anga n'nyama, mo ko anga koma malu, ena koeka tchey tcheengame, na koika, bondiya nduku wabe isina ya ko kelesa we, ena mboka ya koisa mo ko beya ena na ko enesa. ²² Mo kowakowa si kooko kaa kika nabe, ika na ko booso ya Mokonga ome, kaa owa uto ko kanda mobe yande omune, moeya eyakoleke. ²³ N'ndi owa, o ko sita-sita mo tchesima tcheya tcha ko anga we wakande tchesima na ko eba kosaali. Tchoose tcheya tchobuwa kauma ka ko eba bosaali, ikai ko beya.