¹ na boobo ke namona iki mokitomo , omo koselela kotoka kowa kiyo , waikanga na bokangeyo ya mololo ke na mokpala omo ya ema omaako mande . ² wenakobunda n'ndjoka , n'ndjoka ya ilela , wei ikiyo ke setani , ke wakanda kanda we bemo elefu omo. ³ wan'mbola we n'kati ya mololo , wakanda ke , wata n'nembe mo bon'ngeleo , kiyo nande , moisina mbele obua kokelesa kae cheese , bena kowa bemo elefe omo bekaengama . maili na eeyo , weengami mo kokandoka , mon'nembe emo kakolokolo . ⁴ kenamonaiki tokalanga tamekota ; ke baa baikaneyanga to beeseki isosa ya kobuka maondi . na boobo namonaiki mesombo ya ba bebukeke makoti , moisina ya mokambo ya Mbali ke moisina ya looki ya Mokonga , ke moisina ya baa , beeke kutulamea n'nyama ao chelendela chande , ke baa bite lubeke mo bendi yabo n'nembe ke momaako mabo . basumboka koika , ke bailela na Klisto bena bemo elefu omo . ⁵ baa baphe bakpi bite imokeabo mokosumboka mo koika , bena aabowa bemo elefe omo bekaengama . iki koimoka ka bakpi ka booso . ⁶ ome ke bapheneni baa bika na omonye mokoimoka ka booso ! kokpa kaibe kauwande na chekamba kiyo na bo ; n'ndi bekaikai batoli oso ba Mokonga ke Klisto , ke bekailelai nande bena bemo elefu omo . ⁷ aabowa bemo elefu omo bekai yana , setani oka kandokai mo moololo yande . ⁸ ke okakandokai mokoisesa bato boose ba cheese baa bika komako mana ma cheese , iko sieno na eno iko , mokotabo asimaamo , moisina ya bita ; n'keti ya bo m'mba iseeseke ya iyaba . ⁹ kebo nakolinya kowa kiyo ko mophopho koekana na n'seke , ke bakomba boikaneo ya bapheneni ke motanga ya moboto . ndi kaaya kamo kotoka kowa kiyo , kaselela ke katitikanesa choose . ¹⁰ ke setani wakelesanga bo , wem'mboleki moitumbo ya kayano obaba, kowa ikai n'nyama na balondoi ba olanga . ke bekamonai obaba botu m'mba looba , bemo na bemo . ¹¹ na boobo na monaiki kakalanga , kamo kaema kabokota kauphoka , owa waikanga ase moko . oboowa na n'seke kiya obeyo kotina chondi chande , ke bitemone kae boikaneo bondia bo . ¹² ke namona iki bakpi , bakolobato na banuke , mbele beimane boso na kakalanga ka bokota . babuku na kokandoka . ke ophe buku nakokandoka , buku sioyoi buku wakoika . ke bakpi babukeka maondi koondesana na beteleli ba bo , koondesana na eeya ekpaloke mo babuku siabo . ¹³ iyaba na kosumbola bakpi baikanga n'kati yande, kokpa na melango ya kokpa ya sumbola baa baikanga n'kati yande ; omo na omo wabukeka bondi koondesana na beteleli bande . ¹⁴ ke kokpa na melango ya kokpa yem'mboleki n'kati ya itumbo ya kaya . ikai kokpa yaibe itumbo ka kaya . ¹⁵ moto siowa linande itemoneke kokpaloka n'kati ya buku wa koika wem'mboleki n'kati ya itumbo ya kaya .