1
MoBotu ya sabato na koeta , Maliya wa Magadala, Maliya, n'na Yakobo , na Salome , baowa malasi, mokiya koiteya mo buyako wa Mbali ,
2
Botu ya boso ya m'poso, ke baaya mo Boyako, na m'pendu yoose, m'ba bowa mo koomoka ka looba.
3
Baenesana n'kati yabo : nani osinde keya base iwe pkaaya na boyako ?
4
Ke , boo nako imowa maiso kiyo, ke ba mona ambele mo mbele ya iwe si owo yaombolekake.
5
Ba n'ngeya n'kati ya buyaka, ke ba moma mosombe omo mbe uka ase mo kaako kailome obate n'kandjo emo ya phfuphfoka , batina iboka.
6
We na koena nabo : bebuwai kotina; boophfani Mbali wa Nasaleta, owa we teleke Molieka; Wa imokake seno, ouwo kae abono ; monai boikaneo watelekawenga we.
7
N'ndi koeni na Baeki bande ke kowa ka Petele waonde bane kowa mo Galilaya. Kookoi boomona we, mba bowa aenanga we nino".
8
Bona koomoka mo Buyako ( bolundu ) ke baya kaobebeyo. bowa na kotekateka aikangai nabo ; bitaenangaabo na moto ango omo, bondia bowa yabo.
9
Mbali, waimokangi na m'pendu yoose mo osu ya boso ya m'poso, nakobuanyeya oso Maliya wa Mangandala, owa wabenganga kowa kande Mesambo motchomwendi .
10
We na kiya koebesa baa baikanga nane, baika na tchombo.
11
N'nyanga sieya yam'ngbanga bo mbele uka ke bamonaki we , bitaakowangaabo .
12
Maili na eeyo, wabuanyeabo , mo ophfe boyaeli mo babe n'kati yabo baa baikanga mo m'mboka mo kosumboka .
13
Ke Bala kosaowa ko baphfe, bitaakowangaabo .
14
Maili si , we nakobuanyeya bo ikomi na omo aabowa aikangabo kiyo na mesa ; ke waesa bo m'mbela mo kokobeya kabo metema, na kokamba kowakowa, bondiya biteakowe yabo baa bamonake we koimoka .
15
Ke waena nabo : yai asima yoose mo tchese tchoose , ke nangolai mesao n'saali ko bato boose .
16
Owa okoakowa ke wan'nyeka okoondai, n'ndi owa utokowakowa okapkai .
17
Monai kosangalesa kokoondesanai kobaa bokowakowa : molinane , boobengai mesombo yabe-yabe ; bokoeni beeneli ba m'mbesi;
18
Boobundi n'ndjoka ; aikamba bama besima bakoesa kopka , itootaande bane kobeya ; botalei bato ban'so maako , ke bato ban'so bokoondai .
19
Mokolo, maili yakoena nabo, ke wayayoka mo obowa, ke waika mokaako kai ilome ka Mokonga .
20
Ke baaya kiya konangola asima yoose . Mokolo watangai nabo mekambo asimaamo nabo , ke wamoesa looki na maondi mamaniinii maondesanganabo .