¹ Tchéombé tcha Pasika na tcha mekati ya buwa na moté ya engamangai mo kotéléka n'su ibé maili mekota ya meiya ya Mokonga na méalimo ba phanangai mboka yoose mo kaisama ambe baiye Mbali. ² Ba enangai:" Ité éngame ande nyanga ya tcheombé mo kotina mbe iyeeye ité ikangi n'nkati ya chese. ³ Ambe Mbali uka Bethania no lumba ya Simon owa suli, amokali omō na ko n'ngeya mbe uka ko mesa mo ko endea koanga. Oyo amokali we biye mò kòmba ya malasi masáali na maiyoli ya kobeya, we nakoka mokomba si owo, na koiteya masali si amo ko motchwe ya Mbali. ⁴ Bato bamo n'nkati ya bo na komesa biso yabo:" mo tchéi koséa malasi si mano?". ⁵ A éngamangai ko oléa mo moiyoli ya olongeya beeya mia isato mo koesa towe. Bo na kósóma na amokali si oyo. ⁶ N'ndi Mbali na koena:" ekai we. Bondia tchei kosoma nandé? Wa téléaki noo kofoa. ⁷ Bondia boosiya na touwé n'nkati inó, éké batéléa bo kofoa bówa éémè banè, n'ndi bito koika bino na nè n'su yoose. ⁸ Amokali si oyo watake ééya ééngame nandé, waiselake mobé yane malasi bósó wa koika chéliyo. ⁹ Na enake nino na liti, béikanéo boose kowa konangoli. ¹⁰ Yuda Iskarioti, ómò wa baeki bandé ikomi ka mosao ya tchéondesa, mo chésé chétondo, békasaowa mo isina ya amokali si óno mo bówa éte we. Na babé, wa éléya batiba ko beya moko olésa Mbali. ¹¹ Maili wa ko n'ngba we, baa bo baika na óme, ba akowa koésa we bééya. Eké Yuda na ko phana namuna wa koaba we. ¹² Botu ya boso bosó ya mekati ya buwa moté, mba bówa atélékanga mo Pasika, baeki bande Mbali na koena na Mbali: "weemi mbe tiye koni mo koenyekea owe asima ya kota chéombé cha Pasika?" ¹³ We na kotoma baeki bande babe, na koena nabo:" yaai ko motanga; bo osanganai ma móto omó we biye kabole ka malaé, ondai-we". ¹⁴ Asima si aabowa okongeya we, enai ka mokolo wa lumba: "mokota mbele: "m'mba boikaneo si owa o koanga we mo chéombé cha Pasika asima-amo na baeki bandé?" ¹⁵ Wo omoeni bane boikaneo ya ema kiyo, yé enjekeleke bosaali, choose chéengame ko; kóókoi bo koenjekea base asima ya koanga Pasika. ¹⁶ Baeki na kiya, ko koma ko motanga, na kosangela choose m'mba bowa eène-waena nabo, bo na ko ongonya boikaneo ya koanga Pasika. ¹⁷ Iyo na ko engama, we na ko koma na baeki bande ikomi na babé. ¹⁸ Amba bika ko mesa mbe bo koanga, Mbali na koena:" na enake nino na liti, omo wino, wó koanga asima-amo nane; we kaabai noo". ¹⁹ Bo na koika na obaba, na koena nandé, "omo-na-omo ki noo?" ²⁰ We na kosumbolea bo:" ki omo n'nkati wino ikomi na babe, watake kaako asima-omo nane mo saani. ²¹ Mana Moto okiyai chandé bówa eenèke bondiya ndé, n'ndi chombo iboka ka moto si owa waabake wana Moto, ite angamanga-andé mbe wa botékē. ²² Ambe bó kóanga, Mbali na kobiya mokati, na maili ya kolifea yo, we na kobuka yo, na koésa bo, na koena:" tombai, ó ómoi móbé yane. ²³ Mbali we na kobia ophata kopo na koliféa yo na koesa bo, boose na koma. ²⁴ Na we na koena nabo; éénoi mokiya yane, mokiya ya iyakano, yeitékei mo isina ya ba buwa, bundai yo, we na koésa bo yo, boose na koma. ²⁵ Na enake nino na liti, n'té kamikaé bena botu-si owa ne kamayo mo bokota ya Mokonga. ²⁶ Maili wa koémba boèlè, bo na kiya ko mokondi ya ba Olive. ²⁷ Mbali na koena nabo:" bane boose boose amai", bondia y'eenekei:" noo lubeyai mo imanei wa nyama, na bóóbo mekoko yóo balangama". ²⁸ Maili na ko imoka kane n'nkati ya bagbi, noki boso ino mo Galilea. ²⁹ Petele na koena nande abowa bato boose bo koseama, noo ntokoseama bane. ³⁰ Mbali na kona nande na enake nabe liti, owe moono botu, mbe nkoko ina eyi mala ibe, owe o ko lingowa noo mala isato. ³¹ Petele na koebesa:" we mbe, aengama nane kagba asima amo nabe, nto ko lingowa ane owe. Boose na kowa akowa looki ya Petele". ³² Boose na kiya Gestmane, Mbali waena baeki endea, noo ano -n'naya kosombola. ³³ Waya na Petele, Yakobo na Yoani eke waika na n'kakatima ena maengeli ma obaba. ³⁴ Eke waena mbe obaba aleeteyake noo akomeake noo motema ya obaba. Bena kogba, siye, abona na kesai. ³⁵ We na keya na boso wa lubana na ase mo n'seke eke wa sombola mbe aika m'mba gaengama, membe si enoo yaelee noo gbaaya. We na koena mbe, ouka mbe yeengama, sindeka kopho si ono kpaaya nane. ³⁶ Wee mbe Abba, Tata, besima boose beengame kowa kabesindeka kpaaya nane kopho boande bowa eemee nondi bowa eemee owe omune. ³⁷ Waya kowa ika baeki bande wa sangela bo mbe, belame eke waena na Petele-Simona olame, ute kese babe, ango saa omo lika. ³⁸ Kesai, sombola mbe bite ngeangai mo toteo la kogeyo motema ika bosaali n'ndi mobe eene. ³⁹ Waekana nabo ephé eke wa sombola. ⁴⁰ Wa sumboka, eke wa sangela bo nn'kati ya too, bondia maiso ma bo ma litoake na too. Bo bande koebo owa na maana ya kotimbolea we. ⁴¹ Mara wa isato, wa simbokee eke wa sangala mbo mo too bo ephe eke waena nabo lamai enekeke, omonai. Aengamake, n'nyanga yaengamake, monai Mana Moto wa abelekake komako ma bato ba beya. ⁴² Imanai, tiye, monai moto owa wakanyake noo okula. ⁴³ Buwa ango komana koena eke Yudasi, omo nn'kati ya ba ikoma na ibe, na nguma ya bato na n'nkoba, mepanga, tote, ba tomeka na mekota ya beya na melimo na bakolo bato. ⁴⁴ Moto owa wa koaba, waesa bo n'nembe, ombe baebe weye waena na bo mbe, owa na kuuwa na uwe, mbe kolengea wee oyo, ba banda we. ⁴⁵ Mokula ka owa wa abanga we, eke wa ba kamea Mbali eke Wa ena:" Rabbi" eke wa komba we, wa bakamesa metutu eke wa komba-komba we. ⁴⁶ Aowo eke bato i baa bo bakanda Mbali. ⁴⁷ Omo n'nkati yabo, na ko omala opanga eke we na kubaka itu yande. ⁴⁸ Mbali wa ena . Ba alake mba bofana moeta omo, na mepanga na tote mo ko kanda noo?. ⁴⁹ No koikangai wino nyange yoose, na ebesa bato mesao mo ma lumba ma mesao mo ma lumba ma Mokonga. Bita kondanga bino noo. Aikangai mbe maoki mainyane. ⁵⁰ Ao, boose na koeka we eke baya abeyo. ⁵¹ Maana omo wa leemba wa ondangai we, wa ikangai na monuku ya ntulu ya phophoka ba lumba we. ⁵² Eke waka ntulu yande mo kiya obeyo, mokanga. ⁵³ Bo nakiya Mbali boso mbi ya mekota yabo, abowa ba songananga mekota yoose na bekoloba babo. ⁵⁴ Petele wa ondesana nabo ena kowa mo boikaneo ya mokota ophème. Waika n'nkati ya bato boose waika na kongba kaya nabo. ⁵⁵ Mekota si eya beya na baphē baika kophana bondi abeya owa étè Mbali ombe baiye we. Ndi, bita, monanga ango omo. ⁵⁶ Bondia bato ba buwa ba ikangai na ko tchongeya we maondi ma olanga. ⁵⁷ Ndi maondi si mitangama bondi bondia nea we maondi ma olanga eke baena:" Ta n'ngba we mbe wo koena". ⁵⁸ No ko munaï lumba, eleleke na keleke na maako ma bato e na koesa yo n'nkati ya n'so isato-no kesa ephè eya ito koesaka na maako ma bato. ⁵⁹ Ango mo bondi oyo, ko ena kabo kita foanga bande. ⁶⁰ Aowo, mekota si eyo, bo ma ko imana, na koena na Mbali n'nkati ya nguma ya bato, eke wa ena. Uto koena bande ango omo, mo koeba mba ko ena ko boKiki ka lilemba kaolenga? ⁶¹ Mbali na ko bibana chande waeka ko ena bondi ango omo:" mokota si oyo wa phiphea we ephe na waena nade:" owe Klisto, Mana Mokonga owa oliphèke?" ⁶² Mbali na koena:" Ikai noo békomona Mana-Moto ombe wika mo Kakalanga, mo kaoko ka ilome ka Mokonga o mbe o koenda n'nkati ya oboa". ⁶³ Mokota owo na ko asowa ntulu eko na koena to koikai na ophe bandi ā koena? ⁶⁴ Ba n'ngbakei ko ena ka bea bo monakai? Boose bo mbe weengamei na kogba. ⁶⁵ Baphe, batufe we mata ba kanda chundi chande na ntulu eke balubea we tokimbo mbe bo koena:" eba, nani alubeake owe, bato ba lubesana nande tote". ⁶⁶ N'nyanga si eyo mbe Petele uka n'nkati amokai omo moko wa molombi na ko bakamea we. ⁶⁷ Wa mona Petele mbe o kongba kaya, eke wa moesana na nde eke wa ena na nde owe waikanga na Mbali mo Nazareti. ⁶⁸ We na kolengowa, na koena:" nteli bane, ntoebane ane bowa weeme koena owe. Ke we na koomoka mo keya mali, na we na nkoto na koeya (Kauakay)". ⁶⁹ Mokobe si byo, na ko mona ewe, mo ba ikanga mo, o'ono wikai omo wa bato si baa bo, na wasi na kolingoa awe ephè. ⁷⁰ Maili kombo, boa ba ikanga asima amo na koena ephe na Betele:" ikai omo wa bato si baa bo, banda ukayi mogalila". ⁷¹ Aowo we na kunja kalingoli bane moto ono okena ba ena we. ⁷² Maili si ephe, nkoko na koeya mara ya ibe. Eke Petèlè na ko engaleya looki ya Mbali aeneanga we nande:" booso ya nkoko koeya mara ibe; olingowai mana isato. Mo ko en'nyalea boobo, we na koeya.