¹ Makondjekeo ma mesao isaali ya Mbali Klisto, Mana Mokonga. Mo eya yeandekeleke mo kaani ka Yisaya, molondoi: ² " Monai, na tomeake boso wabe moenei wane, owa o ko endjeka m'mboka yabe; ³ Ikai looki ya owa okoakaya kowa mo tchebandjala tcha ibunge: Endjekai m'mboka ya Mokolo, nyolosai tokili tande". ⁴ Yoani na ko buanya n'nkati ya tchebandjala tcha ibunge, mo ko n'nya bena kolondoa ko ekeleka ka ko beya. ⁵ Bato ba metanga yoose ya Yudea na ba bika mo Yelusaleme ba yangai kowakande; ke na ko kalanganya ko beya kabo, ba n'nyekangai nande mo iyaba ya Yaladene. ⁶ Yoani wa ikangai na ntulu ya m'puu ya m'ponda, na mooli ya tatala ko komba m'mpondjo yande. Wa angangai makele na booki ya okonda. ⁷ Walondoangai ambele: "Owa weeteye noo na tchekamba okula maili yane, ke n'nteengame ane ko tulama, mo ko kandowa meeli ya bilato bande. ⁸ Noo ne nn'nyi bane na maale; we o kon'nyai bane na Mosombo mosaali". ⁹ Mo n'nyanga sieya, Mbali na kotoka mo Nasalete mo Galileya, ke wa liphelekangai na Yoani n'nkati ya Yalaolene. ¹⁰ Mo n'nyanga si eeya yetoke maale, we na komona obowa ko kandoka, ke Mosombo na koselela kiyo nande m'mba n'njiwa. ¹¹ Ke looki na ko m'mbgekana mo obowa mbele:"Ukai mana ane wa ikenya ko wakabei yete noo tcheema tchane tchoose". ¹² Mo kabeyo beyo, Mosombo na ko sindeka Mbali mo tchebandjala tcha ibunge, ¹³ kowa keetese we n'nsu n'nkama ina, mo ko sondjeka na Satana. Wa ikangai na n'nyama ya okonda, ke bakitomo na koteleya we mokambo. ¹⁴ Maili wa Yoani koabeleka, Mbali na kiya n'nkati wa Galileya, kolondowa mesao ya Mokonga. ¹⁵ Waenangai mbele: N'nyanga ya engamake, ke bokota ya Mokonga ya iyeyake. Kalanganyai, ke beakowei ko mesao isaali. ¹⁶ Bowa ya pkatolanga we mo m'mpkagba ya iyaba ya ema ya Galilaya, we na ko mona Simona na Andeleya, nduku wa Simona ambele bo ko m'mbola osaka mo iyaba ya ema; bondiya ba ikangai baoti. ¹⁷ Mbali na koena nabo mbele:" Ondai noo, ke nootai bane baoti ba bato". ¹⁸ Mo kiya kande kambu pkaaya, we na ko mona Yakobo, mana Jebedai, na Yoani, nduku wandé, baa baikanga kae n'nkati ya waato mbele bo ko endjeka masaka mabo. ¹⁹ Mo kiya kande kambu pkaaya, we na ko mona Yakobo, mana Jebedai, na Yoani, nduku wande, baa baikanga kae n'nkati ya waato mbele bo ko endjeka masaka mabo. ²⁰ Mo kabeyo beyo we na koeta bo; ke, baeka ise wabo Jebedai n'nkati ya waato na bato ba mokambo, ke baonda we. ²¹ Bo na kiya mo Kapalanauma, ke botu ya Sabato, Mbali na ko n'ngeya kasa boso mo lumba ipheme ya bosonganeo, ke we na ko fundisa. ²² Ba isokangai na boyaeli yande; bondiya wa fundisangai m'mba owa uka na tchekamba, ke buwa m'mba baandeki. ²³ Moto omo wa ikangai na mosombo ya beya, wa ikangai mo lumba yabo ya ema ya bosonganeo mbele o ko akaya. ²⁴ Oh! Weemei tchei mo isina ito Mbali wa Nasalete? Waalaki mokoseya base i? Neli uki nani:"Mophfeneni wa Mokonga". ²⁵ Mbali na kosuleya yo nakoena mbe:"Bibana ke omoka ka moto si oono". ²⁶ Mosombo ya beya na koomoka ka moto si oono na konyengesa we iboka na koakaya iboka. ²⁷ Boose na ko iya na bowa, mo isina si ke baphfifesana:"Oni ono? Oitaka opheya eneeke! We o ko amowangi ango na tchekamba mesombo ya beya, ke ya litosa we! . ²⁸ Ke okuku ande na kobalangana asima oose bena beikaneo ba baka baka na bo. ²⁹ Mo koomoka mo lumba ipheme ya bosonganeo, bo na kiya asima amo na Yakobo na Yoani mo lumba ya Simona na Andelea. ³⁰ Moko wa Simona wa amokali wa lamangai, ambele uka na tcheeta. Ke mo kabeyo beyo ke ba ebesa bondi yande ka Mbali. ³¹ Mo ko bakama, ke wa imetcha we ambele wetingeye we mo kaako, ke mo n'nyanga si eeyo tcheta na koeka we. Ke wateleya we mokambo. ³² Na iyo maili ya koselela ka liiso ya botu, ke ba luleya we na bato boose ba beeta na baa bika na mesombo ya beya. ³³ Ke motanga otondo ya songanangai boso ya molango yande. ³⁴ We na koondesa iboka ya bato si eeya ya ikanga na beeta okitakana okitaka; wabenga kae mesombo ya buwa ya beya, ke utaesanga ande isosa ambele mesombo ya beya yaene, mo bondiya ya ebangai we. ³⁵ Mo ko ondoonda ko tcha ka botu, ambele iphfue eke na ikaya ema, wa imana ke woomoka mo kiya asima amo ya kaisama, kowa kesombole we. ³⁶ Simona na baa ba ikanga nande na kophfanesana nande; ³⁷ ke, abowa bemone we, bo na ko ena nande mbe bato boose boophfana owe. ³⁸ We na ko sumboleya bo mbele:"Tiyei ophfe obalu mo tometanga tango tango ta baka baka nito, mo isina mbele nelondoe kae kooko; bondiya mo isina sii ya omokake noo". ³⁹ Ke waya ko londowa mo besonganeo ba emeema, mo Galileya motondo, ke wa benga mesombo ya beya beya. ⁴⁰ Moto omo wa oso ya bekundo na kula kowa kande; we na ko muna malu, we na ko ena nande na looki ya ko bondjabondja we:"Aika m'mba wa ema, kokola na kophfenenesa noo. ⁴¹ Mbali, na ko iya na tchombo, na konyoloseya we kaako, na komata we na ko ena mbe:" Neeme yo pheneneseleka". ⁴² Mo n'nyanga si eeyo oso ya bekundo na koeka we, ke wa phfenena. ⁴³ Mbali na ko sumbola we mo n'nyanga si eeyo emo lika, na maoki ma koekesa we menemene. ⁴⁴ Ke na ko ena nande ambele:"Tangana mo ko ebesa moto; n'ndi yaa ko moesa mobe yabe mo batombi ba mafaefi, ke aba mo isina ya ko phfeneneseleka kabe eya yeandike Mose ambele yaike n'nembe kowakabo". ⁴⁵ N'ndi moto si oono, abowa iye we na ko andja ko balanganesa na kosula bondi si ke wa ebesa kaisama si, mo isina si Mbali uta engamanga kae na ko n'ngeya motanga omo mo phfololo. Wa siyangai ko andja, mo beikaneo ba ko kanga bato, ke ba tokesangai mo m'mbalu yoose mokula koakande.