¹ Maili ya sabato, mokotcha kea osu ya boso ya mposo, Malia Magandala na owa ophfe Malia na kiya kia komo na buyako. ² ke mona, aikangi na koteka-teka ka ema ka n'seke, Malia aikangi na mokitomo omo wa Mokolo waselele kotoka kio, wala kosokowa iwe, ke waika kiyo nayo. ³ Boyaeli yande ya ikangi m'mba kabali-bali, ke ntulu yande ya phfuphfoka m'mba obonge. ⁴ Bachungi ba teka-teka na bowa, ba ika m'mba bakpi. ⁵ N'ndi mokitomo na ko bunda looki, ke waena ko bamokali:"Mo isina ino, bebua kotina; n'ndi neli mbele boophfana Mbali si owa waikanga molieka. ⁶ Obuande aabono; waimokake m'mba bowa aenanga we. Wai, monai boikaneo alekelekanga we, ⁷ ke koeni na baeki bande kaokookee be wa imokake. Ke mona, waakee boso wino mo Galilaya:"Kookoi bo o mona we. Monai, naenake nino". ⁸ Batoka koakooke mo buyako, na bowa kena ome yaema, ke baaya obeyo koesa mesao ko baeki. ⁹ Ke mona, Mbali na kula ko sangana nabo, ke wa ena: "Naimolake bane". Ba bakamea mo ko bunda mao mande ke ba tulama boso nande. ¹⁰ Na boobo Mbali na ko ena nabo:"Bebuwa kotina, yaai koena na ba nduku bane baye mo Galileya, kookoi boomona noo". ¹¹ Aabowa ba ikanga mo m'mboka, bato bamo batangani ba n'ngeya o motanga, ke ba saowa ko baandeki eeya yoose ya lake. ¹² Eeno, maili ya koika asima amo na bekongo ke maili ya ikumbe, ba esa basola iboka ya buya, ¹³ na koena:"Koena:Baeki bande bili na botu ko iba we, mbele telame". ¹⁴ Ke aika m'mba tomelali waeba boobono tokoowesi yo keya toesa bane mobondi. ¹⁵ Basola ba bunda beeya, ke baondesana na maoki aesekake bo. Ke lokndi si ya balangana ko bayuda bena moono, botu. ¹⁶ Baeki ikomi na omo na kiya mo Galilaya, kiyo na mokondi siowa Mbali wemoese bo. ¹⁷ aabowa bemone we, ke ba tulama boso nande n'ndi baphfe ba ikangi na kokamba kowakowa. ¹⁸ Mbaliwa bakameya bo, wa ena nabo boobo; looleya yoose yae sekake noo n'nkati ya obowa na awo mo n'seke. ¹⁹ Yaai, bete batchese tchetondo, baeki, benyi bo molina Tat maana ke na mosombo ya phfenena. ²⁰ ke ba fundisa bo eeya yoose neene nino. Ke mona, nika nino n'su yoose, bena n'tungeya ya tchese.