¹ Mbali maili ya koboteka kande kowa Beteleyemu, ko motanga ya Yudea, mo n'nyanga ya Mokota Herode, eke bephiphi ba mekota bo nakokoma mo Yelusaleme kotoka ko metanga motchwela yabo bo nakophipheya, ² "Wikai ani mokota a ba Yuda owa wa botekake? Bondia tamonake; okeni-keni yande". ³ Mokota Herode abowa an'ngbanga we, eke wa tchokowa we na bakumi bande boose ba Yelusaleme. ⁴ Eke we na koeta melombiya, na ba andiki batowani boose eke wa phiphéa bo m'mbe Masiya wekabotekai mono kokani. ⁵ Eke bo nakoebesa we m'mbe mo:"Kowa Beteleyamu ; ko motanga ya Yudea, bondia motondoli wa andikangai. ⁶ "Owe Beteleyemu motanga ya Yudea, "Owe wabuabe ka motanga ka angowa n'nkati a metanga ya ema-ema ya Yuda n'nkati yabei eka omoka, "Mokota owa ekatchunga tchese tcha Isalaeli". ⁷ Eke, aowo Herode na koeta mekota mo kaowa, eke wa phiphéa bo ambe waebe bowaali n'nyanga si eya nkeni-nkeni yamonekanga, ⁸ Eke watoma bo Beteleyemu wa ena, "Yaai kophana asima si owa abotekake we, m'mba noo kae niye kolombesa we". ⁹ Abowa an'ngbanga bo maondi ma mokota bo nakotoka, ambe okeni-keni si oowo bamonangai yo koomoka obalu ya motchwela, yo na kiya bena mo lumba si eya maana waikanga. ¹⁰ Abowa emone bo okeni-keni, baika na ome ya ema. ¹¹ Na n'ya nga sieyoa we bua nya yowani mo n'nyi, wa nyangola ngai moo baba ya ibunge ya Jodeé. waena ngai mbele : timbokai, bondia bokota ya kiyo yai yeya ya ke. ¹² Yoani uki oyosieyo waene lekanga na ësaya, Molondoi, na awo weene we mbele : eno iki loki waoyo wakayanga, mo asima ya ibunge : enjekai m'boka ya Mokonga, koe njeka m'boka wa nge. ¹³ Abowa atokanga bo, eke mokitomo wa Mokonga wabuanyeya Yosefu mo n'njoli; yaena:"Imoka, biya maana na nina, yaai obeyo mo Ejipito ikai kooko, bena abowa neka ebesa mono owe:" Bondiya Herode woophana maana ambe waiye we". ¹⁴ Yosefu na koimana we na ko biya maana na nina na n'nkati ya botu eke bo nakiya mo Egypito. ¹⁵ We na koika kooko bena kogba ka Herode, ambe yaengame bowa aenanga mokolo mo kana ka motondoli:"Mokoetai manane bena Egypito". ¹⁶ Eke Herode na ko mona m'mbe, mekota ya kesangai we, we na kosoma iboka, we na kotoma bato bande mbe baiye baana banuki boose ba bika na bemo bibe na kose na aowo baa baikanga Bethelemu ena baa bika mo tometanga tande toose,koondeya bowa aenanga baa bayanga kolengeya Mbali mo koboteka kande. ¹⁷ Aowo, yo nakoiyana bowa aenanga moeki Yeremia. ¹⁸ "Ba n'ngbangai looki kotoka mo Rama, Beli na kophophesa ka buwa:"Iki Rachele wokoeya bana bande, Eke uta emanga mbe ba baphfophfese we, bondia ba buwa kae" ¹⁹ Maili ya kogba ka Herode, eke mona mokitomo wa mokolo wa buanyea Yosefu mo Egypito. ²⁰ Eke wa ena:"Imoka, biya maana na nina, yaai mo tchese tcha Isalaeli, bondia baa baemanga koiya maana bagbake". ²¹ Yosefu nakoimoka, wabiya maana na nina eke ba sumboka mo Isalaeli. ²² N'ndi abowa an'ngbanga we m'mbe Arkelaus wasiake mo bokota ya Ise Herode, eke watina kiya kooko; eke maili wa koebeseleka na Mokonga mo n'njoli, we na kiya mo motanga ya Galileya, ²³ eke waya koika mo motanga ya Nazareti, ambe yaiyane bowa yaenekanga mo kana ka batondoli ambe wokoetekai Munazareti.