¹ Mokolo na koena na Amose, waena : ² Ena baana ba Isalaele okoeni na bao mbele : Niki Mokolo Mokonga wino. ³ Bitoota abino eeya yooteleka o motanga ya Endjipito, ke bitoota abino eeya yooteleka ko motanga ya Kanana kowa noo biya bane. Bite tangi eeya boobota. ⁴ Booti eeya ika maoki mane, na koondesana na ba angile bane, booti yo. niki Mokolo wino. ⁵ Bokoondesani na maoki mane : Moto si oowa oota yo okoiki na koika mondiya yo. nini Mokolo. ⁶ Moto ango omo uteengame ande na ko mona mokanga wa moboti wande, nini Mokonga wande. ⁷ Ute monangi mokanga ya so na n'ndjoko. Uki n'ndjoko uteengame ande na koma mokanga yande. ⁸ Ute monangi mokanga ya mokala so, iki mokanga ya so. ⁹ Ute monangi mokanga ya mana n'ndjoko amokali, moseka ya so ao moseka ya n'ndjoko, owa we boteke mo lumba ao koandja na lumba. ¹⁰ Ute monangi mokanga ya moseka ya manabe wa amoome ao moseka ya moseka yabe. Mondiya iki mokanga yabe. ¹¹ Ute monangi mokanga ya moseka ya mokala so, uki nduku wabe wa amokali. ¹² Ute monangi mokanga ya nduku wa so waamokali. Uki n'nan'na be. ¹³ Ute monangi mokanga wa nduku waamokali wa n'ndjoko. Mondiya uki manuke wa n'ndjoko. ¹⁴ Ute monangi mokanga wa nduku waamoome wa so. Na ute bakamangi baka baka na mokalande. ¹⁵ Ute monangi mokanga ya mokala manabe. Uki mokala manabe. ¹⁶ Ute monangi mokanga ya mokala manuke wabe. Uki mokala manuke wabe. ¹⁷ Ute monangi mokanga yaamokali na moseka yande. Ute mokanga ya moseka na manande waamoome, ao moseka wa moseka yande. baabo i baababe : Iki kobeya. ¹⁸ Ute monangi mokanga ya nduku ya mokala be, ute kpesanisangi bo, ko mona mokanga yadne. ¹⁹ Ute bakamangi baka baka naamokali siowa wakomake mo n'nyanga yande ya komona makiya ma meeli, mbele ute monangi mokanga yande. ²⁰ Buwa kota ngondjo na mobe ya mokala manuke wabe, bondiya unakoseya okuku yabe. ²¹ Buwa ko esa omo wa bana babe kowa ika Moloko, eke buwa ko seya lina ya Mokonga Ise wito. Noo wikai Mokolo wa kose na kiyo. ²² Buwa ko enda ko lamesana na munakabe amoome, m’mba bowa bo ko lamesananga na amokali ikai ko beya kaema. ²³ Buwa ko enda ko lamesana na n’nyama, mo ko seya boikaneli yabe. Ena amokali witeengame bande kolamesana na n’nyama ango eemo, mokota ilemba. Ikai ko lungutana. ²⁴ Ilefowe bande kota maondi si maamo ma beya, bowa atanga bese wi beya na benganga bo boso wino. ²⁵ Tchese tchaseyamangai, no koazi buwai ko beya kande ena tchese tcho ko okai bato bandé. ²⁶ Beengamei na ko litosa baangile bane ena maondi mane moose ango maana wa motanga, ango moeni owa welame nino asima amo. ²⁷ Bondiya ko beya si kooko katanga baa ba ikanga boso ino, eke tchese mo ko beya. ²⁸ Ikai na kaeli mbe tchese tchite okangi bane, m’mba bowa a okanga tcho baa ba ikanga boso wino, ²⁹ bondiya baa boose bokota ko beya namuna si bo ko lengelekai mo tchese. ³⁰ Ba litosa ba angile bane, na kota mekambo yane. Eke bito ko seyama bande. Nikai Mokolo wa kose na wa kiyo.