¹ Mo n'tungeyo , koena ka Mokolo , nokoiteyai mosombo wane ka moto woose bana bino baome na bana bino bamokali boolondowai , bekongo bino boomonai n'ndjoli ke mesombe na meseka boomonai boeme ya Mokong . ² Ango ko bato ba n'kasi baome m'mba bamokali , nekaiteyai mosombo wane mo n'su sieyo . ³ Neka buwanyesai beyaeli baememe kowa kiyo ke kono kose . ikaikai na mokiya , na kaya ke na obonge ya moosi . ⁴ Looba ekaikai iphfuwe ke meeli koteya m'mba mokiya , boso wakula ka Mokolo , botusi yaema ke yokoiyanai . ⁵ Na boobo moto woose siowa ookombowa Mokolo okoondai . mo Yelusaleme , kiyo na mokondi ya Siona , baphfe bekaisamai mo m'pa m'mba bowa Mokolo waenanga . ekaikai bowa weete bo mo tsheondesa . ^{6 7} Monai noo sumboli bo mo asima si baolesanga bo, ke obaba ino nookelsi yoko metchwe ino. ⁸ Nokoolesi mesombe na meseka ino mo banaba Yuda, ke bekaoselekai o ba Sabene, mophfindi ya kpaaya ; mondiya iki koena ka Mokolo. ⁹ Enai maondi si mano o bato ! endjekai bita! imolai baesi! bale kono, bato boose ba bita! ¹⁰ Endjekai bima baike Apanda ko nona yo yaike matumo! Baa beobeobe baene mbele : Tikai na tchekamba ! ¹¹ Tai kabeyobeyo ke waayi, ane boose mephfindi yoose ya kaowa songanai ! ao, oooh Mokolo, selelesa baesi babe! ¹² Eka mbele mephfindi yaimoke ke yale kowa mo n'nkelani ya Yosafata! mondiya ao nokoiki mo oosomesa mephfindi yoose ya kaowa. ¹³ Tingeayi n'seba ino, mondiya touma ta kowake! waai, tchotai mondiya kayingilo keiye, kopo weiye! mondiya lisomi yande yeemekula. ¹⁴ Be buwe, mo n'kelani ya ko samba, mondiya botu ya Mokolo, yaiyeeyake n'kati ya n'nkelani ya ko someseleka. ¹⁵ Looba ba meeli ya n'ngeyake uphfuwe, ke n'kenin'keni itoo sana kae. ¹⁶ Kowa Siona Mokolo ooluma, kowa Yelusaleme looki yande yokon'ngbekana kiyo na kose koo teka teka. n'ndi Mokolo uka asima ya kaisama mondiya bato bande, mondiya Isalaele. ¹⁷ Ke bokoebi mbele niki Mokolo, Mokonga wino, owa uka mo Siyona, Mokondi yane ya phfenena, Yelusaleme uka phfenenai, ke baenyi biteke baikaande moo. ¹⁸ Mo n'nyanga sieyo maale mokoeti ko mekondi, maziba mokoiki mo to mekondi, ke yokoiki na maale mo tosowe toose ta Yuda ; ke mosowe omo yokoomoki kowa mo lumba ya Mokolo, yaiteka iteka mo n'kelani ya Sitima. ¹⁹ Endjipito yoobakelai, Edome yoobalanganai moobandjala ya ibunge, mo isina ya ko moneya ba Yuda, eeya baiteake makiya na owa we kose kota kobeya n'kati ya motanga. ²⁰ N'ndi Yuda okoiki andi, ke Yelusaleme mo liboti ya maili. ²¹ Noosomeyi makiya mabo maa n'ti na someyi ane ; ke Mokolo okoikai mo Siyona.