¹ Mona kobajabaja si na koena noo na banze ba bika kati ino, noo mokolo imba bo, bayaeli mo obaba ya Klisto. Kosongama mo boweli eya o moneka: ² Lesamekoko ya Mokonga eya ika kose mo kotchungeleka kabe, yauwa nde na mekuwa, indi mo koema, imba koenga, ka Mokonga yawa nde n'kasa ya opata kolipheka, mondi a koesa bule; ³ Imba kaika mekota kiyo nino, ke indi a komoeseleka kiyo na etanda. ⁴ Abua o moeka mokota motchungi, bo photai m'mpo ya bokota itoseya mande. ⁵ Na bobo, ban biki mesombe, ishimuangai bekongo. bane bonse, kati a moboto ino wa kosungana, batai koselela imba n'ntulu; mondia Mokonga okaimaneya bato ba omuli, ndi okoesa bato ba koeslela gbegbele. ⁶ Mo bobo beseleli ko se a kaako ka tchekamba ka Mokonga mondi a walinyise ane mo nembe si aengame; ⁷ ke esa obaba ino yoose kwa kande, we ume oselelesa bane. ⁸ Selelai, tchungai. Adui wino, setani, oluna imba n'ngo, kophana nani oseyaiwe. ⁹ Imeneai we na koakaa ka ema, ko eba mbele obaba modele si omo, yatelekai ka banduku bino mo tchese. ¹⁰ Mokonga na ngbegbele yonse, wa waetake an mo mboka Mbali klisto mo okuku ande wa layalaya, maili bopati kangaa ka koteseka, ke we owezesi ane, ke okebesi ane, ke ophenenesai ane, kokomesa ane na tchekamba. ¹¹ Na nde tchekamba tchaike mo inyanga na inyanga! Boobo. ¹² Mo mboka Silwao, owa uka mo maiso mane ndi nduku wa liti ke naandikiyake bane nusu si a maaki; mondi a kobaja-baja a Mokonga eyane ba kutanekake iki liti. ¹³ Etanda ya basoneki eya ika Babilone ya salimake bane, indi na Malako, maane ane. ¹⁴ salimisanai omona ophena koesana bese wa mapendo, ekai mbe bi waike nino boose eba bika kati ya Klisto.