¹ Petele, motomeki ya Mbali Klisto, mo baeni boose baa bika ko motanga ya Pont, ba Galileya, ba Kapadose, ba Azia na ba Bitinia, ² ena baikake basoneki mo ko ema ka Mokonga Ise wito, mo ko phenena ka Mosombo osaali mbe baike bato ba ko litosa, na ko iteka ka makiya ma Mbali Klisto, ekei mba ko epheleka na bihi wabuwe n'nkati ito. ³ Wa lipheleke Mokonga, Ise Mbali Klisto, bondia tchombo tcha imoke, bondia ko eya ka metema, mo ko imoka ka Mbali Klisto wa o;okanga mo malundu n'nkati ya bagbi; ⁴ Bondiya botiko owa ito ko sela sela, ango ko seyama, ango ko kamena, botiko si oowa etelekee bato bato kiyo mo obowa; ⁵ mo bane si baa, mo tchekamba tcha Mokonga be ko kamesa kowa kowa kino kowa ko koebeseleka bane mo n'nyanga ekala. ombe kowa kowa kino ka moneke, ko saali ko longeya olo owa o ko bowanga, wa moneke mo ko lengeleka, na okuku ena osabo obowa ekala Mbali Klisto; ⁶ Aowoi ika ome yabe, ango enekeke, yeengamei, ombe weike na ko soma mo n'nyanga ya angowa na ko sondjeka okitaka yoose, ⁷ mbe ko sondjeka ka koa-kowa kabe, ka ema ko longeya wolo owa wo ko bowanga, nde kaya ko komunangai we, wika na isina yande n'ndi ko sumboleya, okuku ena eshima (ko litosa) abowa ekale Mbali, Mokota ya kose na kiyo. ⁸ We owa beeme we mbe bina moni mono we, owa beakowe mbe binamoni mono wem bo koika na ome ya ema, ⁹ bondiya bo koika na ome ya metema ino, mo ko lipeka kino bondiya kowa kowa kino. ¹⁰ Batomeki baebesanga maondi bondiya kophowa ka keisameye bane, balangai kophowa mo bondia kophana kabo, ¹¹ ko ema kophophowa n'nyanga na beyaeli ba mosombo ya Klisto owa wa ikanga n'nkati yabo ena owa o ko ebesa obaba ya Klisto ena okuku owa ekaeseleka maili. ¹² Ya ebelesekangai bo mbe, ome ito koika bande bondia lika n'ndi bondi ino bane boose. M'mba bowa belesekanga bane na looki ya ilonga na mekuwa owa wetomeke kolinga kiyo, kowa ba malaika boose bika na ko moesana na bato kono kose. ¹³ Mo booboi, kandai mpondjo ino, ikai na ko n'ngbesana, ikai na koendeya kula ka Mbali n'nkati ya ome. ¹⁴ M'mba baana basaali, bowai koonda maondi mabeya-beya maa maikanga bane na kota mo mbe biteli. ¹⁵ Bondiya owa wa etanga bane wikai mopheneni mo maondi mino moose bane kae ikai bapheneni, mo koenda kino, bowa eandikeleke. ¹⁶ Bako bowa bo koikai bapheneni, bondia nika kae mopheneni. ¹⁷ Aika m'mba wo ko ombowa Ise wino, owa o ko bukanga maondi bowa eengame, omo na omo bowa ko uneya omo, enda na biwa mo n'nyanga ya koenda beikaneyo babuwa. ¹⁸ Ebai mbe, bua bande na besima beya ba ko wanga, ango na beeya na wolo n'ndi yo ko ondesa owe na maondi mabeya mo koika, n'ndi ekoleke owe na ba ise bino, ¹⁹ n'ndi na makiya masaali ma Klisto m'mba maana wa mokoko owa obuwa na kilma ango tchemo. ²⁰ A ebekananga mbe tchese tchinaiki eke ko moneka maili ya n'nsu, bondia ino, ²¹ bondi yande ba akowake Mokonga, owa wa omolanga we n'nkati ya bagbi eke wa esa w okuku, m'mba kowa-kowa na ko endeya kino yaika mo maako ma Mokonga. ²² Wa phenenesa metema ino mo kolitesq liti mo koika na ko emesana ka liti, emesanai iboka omo na omo. ²³ Bondiya ba botekake ephe, buwa bande na touma ta kobowa n'ndi maoki ma nsu na nsu maa makotoka ka Mokonga. ²⁴ Bondiya:" Monuku yoose ika m'mba kaani, eke okuku m'mba matunda ma kaani. Kaani ka kamena na litunda,yo ko ikangai. ²⁵ N'ndi looki ya Mokolo yo koikai nsu na nsu ena looki si owo ekai owa a ebelesekanga bane mo looki ya ilonga".