¹ Oyu ni mwanzo na injili yaYesu Kristo, mwana wa Mrungu. ² Kama ora yaandikwana nabii Isaya, "Lola, ningumtoma ujembe wakwa monja yechu, ni womwe asaatarisha yechu. ³ Sauti motu akora nyikani, "Nyikamilisheni sera yake". ⁴ Yohana akasa, akibatiza nyikani nakuhubiri ubatizo wa toba msamaha wa dhambi. ⁵ Endi yonde Yudea na atu a a Yerusalemu makanji kwake, makeri makibatizwa nakekatika rosi Yordani makiunga dhambi shoo. ⁶ Yohana akeri agwivoya vazi ra ndobwi sha ngunia na mkanda wa duara kubiruni mwake, na akeri nakuya nzige na asali ya ndakani. ⁷ Akahubiri na akiamba, "Awavayo womwe nakosa baada yakwa mwene mvinya azwadi kuliko inye na seri hadhi hata ya kuzama endi na kufungora ndwi shake irato shake. ⁸ Inye ninguabatiza kwa masi, lakini warewe asaabatiza imwi Ngoro Mtakatifu. ⁹ Ikadumera katika matuku asokwamba Yesu akasakuduma Nazaretiya Galilaya, naakabatizwa ni Yohana katika rosiYordani. ¹⁰ Wakati Yesu akiokelakuduma maseni akaona mbingu shivongokamwazi na Ngoro akiolomoka endi oruyake kama njiwa. ¹¹ Na sauti ikaduma mbinguni, "Uwe umwanokwani mwenda. Ningwayerwa sana nawarume." ¹² Kenja maremwe ngoro akamzimisha konji nyikani. ¹³ Akeri akayo nyikani matuku arobaini akajezwa ni shetani. Akeri vamwe na anyama a nyikani na malaika akamhudumera. ¹⁴ Ndevo baada Yohana akakwatwa, Yesu akasa Galilaya akitangaza injili ya Mrungu, ¹⁵ Akaamba "Muda utimia na ufalme wa Mrungu uvaguze. Tubuni na kuamini katika injili". ¹⁶ Na akipalanganda ya bahari ya Galilaya, akaona Simoni na Andreandugu wa Simoni makaicha nyavu shoo katika bahari kwa kuwa makeri ni avuvi. ¹⁷ Yesu akaeera, "Sooni nituani na nisaaketa avuvi a atu." ¹⁸ Na warewe makatia nguvu na na makamtua. ¹⁹ Wakati Yesu akweha mbali kidogo, akamona Yakobo mwana wa Zebedayo na Yohana ndungu yake, makeri kwene matumbwi makishiiketa nyavu. ²⁰ Mara akaeta na aso makamtia papa yoo Zebedayo ndeni ya mtumbwi na atumishi makodiwa, makamtua. ²¹ Na makavika Kaperinaumu, mondu wa sabato,Yesu akadongora kwene sinagogi na kufundisha. ²² Makari shangaa fundisho rake, kwaora akeri akiafundisha kama motu ambae ana mamlaka na seo kama aandishi. ²³ Wakati oso osokukawa na motu katika sinagogi roo akeri naa ngoro chafu na akaala ngeni. ²⁴ Akiamba, "Tina gito cha kuketa nauwe, Yesu wa Nazareti? Ukosa utiangamize? Ningukumenya u omwe uweni Mtakatifu wengwa wa Mrungu!" ²⁵ Yesu akamkemera pepo na kumwera, "Gra na udume ndeni yake!" ²⁶ Na ngoro mchafu akambwaga endi na akaduma kwake wakati akera kwa sauti ya oru. ²⁷ Na atu onde makaashangaa, ndevo makaonja na kila womwe, "Eno ni jindo? Fundisho evyarene mamlaka? Hata kuamuru pepo achafu nao na mamtii!" ²⁸ Na habari kuhusu warewe maremwe shikasambaa a kila vatu ndeni ya mkoa wonde wa Galilaya. ²⁹ Na warewe baada ya kuduma esa ya sinagogi makadongora nyombani mwa Simoni na Andre amakeri na Yakobo na Yohana. ³⁰ Ndevo nyinya wa mdoniwake Simoni akeri amamani mruari wahoma, na marewemakamwera Yesu habari shake. ³¹ Ndevo akasa, akamkwata kwa moko, na kumokela oru homa akamtia kwake na akanzika kuwahudumia. ³² Kioro keye wakati mwedo ukenja kuzama, makamretera kwake onde aruari au mapagawa ni pepo. ³³ Moshi wonde ukamkusanyikera vamwe katika mvingo. ³⁴ Akaavonocha engi nduari na nduari mbalimbali na kudinywa pepo engi, bali takaruhusu pepo kwamba kwa sababu na mammenya. ³⁵ Akaokela keri keri na mapema na wakati ikeri badoni kivundu,akaoka na konji hatu faraghani na kuvoya koyo. ³⁶ Simoni na onde makeri mavamwenake makamlacha. ³⁷ Makapata na makamwera, "Kila womwe na nakulacha" ³⁸ Akaaera, "Hindeni vatu vangi esa katika meshi itizunguluka ili niweze kuhubiri koyo pia. Ndeyo sababu ningosa ava." ³⁹ Anjikupalela Galilaya yonde , akihubiri katika masinagogi yoo kukemera mapepo. ⁴⁰ Mwene ukoma womwe akasa kwake. Akeri akimsihi ,akamuta maru na akamwera, "Kama nulacha nuweza kuniketa nikale safi." ⁴¹ Akisukumwani huruma,Yesu akanyooosha koko kwake nakumkwata akamwera, "Ningulacha.Ukale safi. ⁴² Marewe ukoma ukamduma na akaketwa akala awe safi. ⁴³ Yesu akamkanya kwa ukali na akamwera aende maremwe. ⁴⁴ Akamwera, "Hakikisha tukwamba neno kwa yoyote, lakini enda ukamonye kuhani naukadinye dhabihu kwa ajili ya utakaso ambao Musa akalagiza kama ushuhuda koo." ⁴⁵ Lakini akanji na kwanzikakumwera kilawomwenakueneza neno zaidi hata Yesu takawezakenja kudongora msheni kwa uhuru. Ndevo akalavatu va faragha na atu makasa kwake kuduma kila vatu.