¹ Wakati Yesu akiolomoka endi kuduma rukokani umati mbau ukamtua. ² Lola mkoma akasa na kusujudu monja yake akaamba, "Bwana, ikiwa utayari, nuweza kuniketa nikale safi". ³ Yesu akanyoosha koko kwake na kumkwata akaamba, "Nitayari ukale safi." Vayovayo akatakaswa ukoma wake. ⁴ Yesu akamwera, "Lola ndevo utiekwamba kwa motu yoyote.Kwata sera yendu na kaiyonyeshemwene kwa kuhani na udinye zawadi ambayo Musa anyilagiza kwa ajili ya ushuhuda woo" ⁵ Wakati Yesu akavika Kapernaumu, Jemedari akasa kwake akamonja, ⁶ akiamba, "Bwana, mtumishi wakwa amama nyombani aholola na ana maumivu ya kutisha." ⁷ Yesu akamwera, "Nisasa kumvonocha". ⁸ Jemedari akajibu na kumwera, "Bwana,inye sewewa thamani hata wese na kudongora ndeni ya dariyakwa, ambaneno tu na mtumishi wakwa. Asavora. ⁹ Kwa kuwa inye pia nimotu mwene mamlaka na ninao askari ara maendi yakwa. Nikiamba kwa oyu, "Enda' nakonji na oyu 'Soo' nakosa na kwa mtumishi wakwa. Keta ao na warewe naketa aso" ¹⁰ Wakati Yesu akawa aya, akashangawza na kuwaera ara makeri makimlacha, "Kweli ninguera savikapata kona motumwene imani kama oyu katika Israel. ¹¹ Ninguaerani engi masasa kuduma mashariki na magharibi masakala katika meza vamwe na Abrahamu Isaka na Yakobo katika ufalme wa mbinguni. ¹² Lakini ana a ufalme masaichwa katika kivundu cha esa ambapo kusakala na ngeni na kudia meyo." ¹³ Yesu akamwera jemadari, "Enda! Kama ora waamini na iketeki aso kwechu". Na mtumishiwakwa akavora katika saa era ¹⁴ Wakati Yesu akavika kwene nyoma ya Petro akamwona mayo mdoni wake na Petro amama akeri ni mruwari wa homa. ¹⁵ Yesu akamgusa mkono wakena homa rake rikamtia kanja akaokela akaanzika kumhudumera. ¹⁶ Na ikavika kiworo atu makamretera Yesu engi niaruari a mapepo. Akagodocha mapepo na ara arusi makavora. ¹⁷ Kwa jinsi eno matimia ara makenja kwambwa na nabii Isaya, "Warewe mwene akaguwa nduari shetu na kuguwa maradhi yetu" ¹⁸ Kenja Yesu akarona kusanyiko rumzunguluka, akadinya maelekezo a konji upande wongi wa bahari ya Galilaya. ¹⁹ Kenja mwandishi akasa kwake na kumwera, "Mwalimu, nisakutua vovote vara ukonji. ²⁰ Yesu akamwera, "Mbweha mana mashimo na nyoni wa angani mana nyombo shoo lakini mwana wa Adamu tari sehemu ya kumaminja motwe wake." ²¹ Mwanafunzi wongi akamwera, "Bwana, niruhusu kwanza nenda nikamrinde papa wakwa." ²² Lakini Yesu akamwera, "Nitua na utie afu mazike afu oo." ²³ Yesu akadongora kwene mtumbwi, anafunzi ake makamtuwa mtumbwini. ²⁴ Lola isaokela dhoruba ngoru oru ya bahari kiasi kwamba mtumbwi ukanjekwa ni mawimbi lakini Yesu akeri amama. ²⁵ Anafunzi makasa kwake na kumokela makiamba, "Bwana, liokoe injinatielekea kogwa!" ²⁶ Yesu akaaera, "kwakena msesa imwi mwene imani ndodo?" Ndevo akaokela na kuukemera mvevo na bahari. Kenja kukakala na utulivu mbau, ²⁷ arome makakwatwa na mshangao makaamba, "Oyu motu ni wa namna gani kwamba hata mvevo na bahari nashimtii warewe?" ²⁸ Wakati Yesu akeri akosa upande wongi wa endi ya magadala arome eri matawaliwa ni mvevo makakutana nake. Makeri makidumera makaburi na makeri makiketa vurugu sana kiasi kwamba takori msafiri atiaweza kupalela sera era. ²⁹ Lola makaicha ngemi kwa sauti na makiamba, "Tinanjindo cha kuketa kwechu mwana wa Mrungu? Ukosa ava kutitesa kabla ya wakati kuvika?" ³⁰ Ndevo kundi bau ra ngorowe rikeri na rirenja vakeri seo varasa sana na vara, ³¹ mapepo makaendelea kulalama kwa Yesu na kwamba. "Ikikala usatiruhusu kuduma utitore kwene kundi ra ngorowe." ³² Yesu akamwera, "Endeni!" Mapepo makaduma na konji kwa ngorowe. Na lola,kundi ronde rikaolomoka kuduma rukokani kolomoka baharini na ronde rikagwa maseni. ³³ Arome makeri makirenja ngorowe makagodoka.Na makanji msheni makaamba kila gito hasa kera cha adumera kwa arome ara matawaliwa na mapapepo. ³⁴ Lola moshi myima ukasa kukutana na Yesu. Makamona makamsihi aoki kwene mkoa woo.