¹ Kwa wakati oso Herode auwa habari eso ya Yesu. ² Akaeera watumishi ake "Oyu ni Yohana mbatizaji afufuka kuduma wafu. Kwa ogo mvinya isho shi oru yake." ³ Kwa kikala Herode arimkwata Yohana ammova na kumwicha gerezani kwa sababu ya Herodia, moka wa Filipi tata ake. ⁴ Kwa kuwa Yohana amwera,'' Se halali kumgua warewe kukala moka wake.'' ⁵ Herode akeri mwera lakini asesa atu mamwona Yohana kukala nabii. ⁶ Lakini wakati siku ya kusharwa Herode ikavika binti wa Herode atinda katikati ya atu na kumpendeza Herode. ⁷ Ndeni ya kujibu aahidi kwa muma kwamba asamova chochote akivoya. ⁸ Baada ya kushauriwa ni nyinya, amba,'' ndevo inye ava ndeni ya kombe motwe wa Yohana mbatizaji.'' ⁹ Mfalme ari na sikitika kwa kuvo ya kwa mweretu, lakini kwa ajili ya muma wake kwa sababu onde makeri ngandeni vamwe nake, aamuru kwamba naipasa iketwe. ¹⁰ Atuma Yohana aretwe kuduma gerezani ¹¹ Ili ayemwe motwe wake, na ukaretwa oru sinia na akavawa binti na akachitora kwa nyinya. ¹² Kesha anafunzi ake makasa kuugua mwiri na kuurinda, baada ya reri mareje kumwera Yesu. ¹³ Naye Yesu akaua aya, aiteugakuduma vatu vara akatweja ndeni ya mashua akaji sehemu yateugwa. wakati umati ukimenya akari mamtua kwa maaru kuduma msheni. ¹⁴ Kesha Yesu arasa moja yao akaona umati mwingi. Akaona huruma na kuvonga mararwi ake. ¹⁵ kiwaro akitimia makasa kwake na kwamba,'' Eno ni sehemu ya jangwa na siku tayari irika. Atawanyisheni makutano ili maende kijijini madoje ngande kwa ajili yao. ¹⁶ Lakini Yesu akaera,'' Tamari hoja ya kuji koo avane imwi ng'ande'' ¹⁷ Makamwera,'' Ava tina mikate hano na samaki eri tu,'''' ¹⁸ Yesu akaamba, "Nyireteni kwakwa.'' ¹⁹ Kesha Yesu akaamu umati kukala endi ya nyagi. Akagua mikate itano na samaki eri akakala oru mbinguni akabariki na kukombola akaera anafunzi. Anafunzi wakawapatera umati. ²⁰ Makayoonde na kuvona. Kesha makashikusanya ipande shonde sha ng'ande na kuosoja ngavu ikomi na eri. ²¹ Ara maya makadiriwa arume elfu idano bila kuhesabu aka na ana. ²² Mara emwe aamuru maanafunzi wadongore ndeni ya mashua wakati oso warewe akaalaka umati maende vyoo. ²³ Baada ya kuwalaka umati koji koo akatweja oru ya rukoka kuvoya wengwa. Wakati ikivika kiworo arikoyo wengwa. ²⁴ Lakini ndevo mashua ikari katikati ya bahari ikiyumbayumba kwa sababu ya mawimbi kwani mvevo yari ya mpisho,. ²⁵ Ndeni ya kivundu cha zamu ya nyaa Yesu aakaribia akirata oru ya masi. ²⁶ Wakatianafunzi ake mamwona akwata oru ya bahari mahofu na kwamba, "Ni mzuka,'' na tweja sauti ndeni ya hali ya ugowa. ²⁷ Yesu akawaera mara emwe akiamba, "Ieveni ngoro ni warinye mtie sesa." ²⁸ Petro aamjibu kwamba, "Bwana, kama ni warue niamuru nese kwechu oru ya masi.'' ²⁹ Yesu akaamba, "Soo.'' Ogo Petro akaduma ndeni ya mashua na akarata oru ya masi koji kwa Yesu. ³⁰ Lakini Petro aona mawimbi akasesa na akaanza kuzama endi akaeka sauti na kwamba, "Bwana, niokoa!'' ³¹ Haraka Yesu akanyoosha koko kwake akamwokela Petro na kumwera, "Uwe mwene imani ndodo kwa gindo weri na mashaka?" ³² Ndevo Yesu na Petro madongora ndeni ya mashua mvevo wagoma ³³ kuvuma. Anafunzi mashuani makamwabudu Yesu na kwamba, "Kweli uwe ni Mwana wa Mungu." ³⁴ Na makikenja kuvuka mavika ndeni ya ende ya Genesareti. ³⁵ Na atu ndeni ya eneo rera mammenya Yesu matoma ujumbe kila sehemu shang'anda na kureta kila akari mwari. ³⁶ Mamsihi kwamba ili maweze kulawata pindo ra vazi arke na engi marikwata mapongika.