¹ Mndi gugo Naomi gubele na bashiwabo ba mlumyage, mtu mmata na butunga,babuswa nage na Elemeleki, na china lyage gugitilwe Boazi. ² Na Luti Gwamoabu gumsambile Naomi, bino nagye ulubala , natole mihunga gyagishigachu hanyuma ha guya nime gwandimona ubenjiwa u meso mage. Gumsambile, ehe, mwananyi,ubegya. ³ Mndi gee noo ugya, guchwile gwahutole bitolwa ulubala hanyuma ha baeshi; na mwando gwage gummyile helihiile mmiba ya lubala lwine lubele lwa gugo Boazi, guya mine gubele mshiwabo na Elemeleki. ⁴ Noo ulola, Boazi ge noo uchwa ukuma Betelehemu gubataninye baeshi, uganine, Mlume gashame neenyu. Nabo bagitabiche, Mlume na guhale mihaa ⁵ Hanyuma boazi gubudiche mgimaninyi gya baeshi, na guno wi wii! ii msiha gwa nanyi? ⁶ Guya mgimenyi gya baeshi gumgaile, guganine, ii guya msiha Gwamoabu mine gugiwile hamwechi na Naomiuhuma m mmibaloo ya ba Moabu. ⁷ Nage gwagana, ibumbu mundee natole bitolwa, na uongola hanyuma ha baeshi mm bikanda gyabo; haho gee noo uchwa, nage twahungicha nage utula halwelo ndaa na mamno mengo, ila wa mengo macho abisa noo hagaba mshame undu ⁸ Haho Boazi gumsambile Luti, Mwananyi, hulicha; gogwe ushigye utola bitolwa mlunge lubala, na ushihume hano, Ushame hoka hano alibu na bange bawamisiha banyi, ⁹ Meso mobe na malole ulubala lwabalihuesa, Ulamane nabo; wi wii! ati nabalaga bashiuude? Iyaka wahumona yuma , ugye uu ubibiilo bya madi unywe mene mabataha babo bawamilongo. ¹⁰ Haho gumginamine, uginama ndaa na hasi, gumsambile, nahewa iuku yata u meso mobe, wahiya na uumana, nene mine nile mgenyi? ¹¹ Nage Boazi gumgaile, gumsambile, nisambilwe byose byoligilile mnobe buo, utula hene hawile mlumyobe; na byolishigile ba sobe na mnobe, ibaloo yobe yolibushilwe, na ubalanga batu boshigidi miyaa gyose. ¹² Mlume na ga ugiluche wa mgilo gobe na gogwe uhewe alambwe awilile na Mlume, Abetchaa Isilaeli, ene awachwila usinina hasi ha bihwahwa byage. ¹³ Haho noo heliganine, Mlume gwanyi, na nahewe anyemu u meso mobe; yulu gogwe wapemya mtima, na umsambila bisoga mgichi gobe, inangwa nene nishilimlingamane na bagichi bobe ba baachana ¹⁴ Iyaka mengo ma iliwa gugo Boazi gumsambile ugye wetu undu uye wi iliwa yetu, na uchunde itolo yobe mmilego yetu. Haho gushamine hamwechi na baeshi, nabo bammele mmaso, nage gulile na ugyuta, na ubishiga ¹⁵ Nage heliginywine iyaka yulu gagye utola bitolwa, Boazi gubalagile bawambaga bage guganine, muleye gatole ata m'bwingi na lubala na gabe na mikanda na mushimmambile. ¹⁶ Iyaka mugabile bichoo u biya bihambo na ubileya, na gatole nangu umaninya, ubiguha. ¹⁷ Hahao Luti noo utola bitolwa mlubala ndaa na igolo; hanyuma gee noo uhula chiya ngano chelitolile chihiile alibu itungu igima. ¹⁸ Guliswiiche na ugya umbuga. Gummoninye mnage buo biya byine byelitolile; guhanene biya biliwa byeli shigile hu uyaa, gee noo uha mnage buo. ¹⁹ Haho mnage buo gum'budishe, watolele uhi liino? Wagilila mgilo uhi lino? Gahelelechiwe guya mine guumana. Nage gummele mwano mnage buo wine weligilile mgilo wage ,guganine Guya mtu gwandagilila mgilo mlubala lwage china lyage gulihugiswa Boazi. ²⁰ Naomi nage guusambile mma mwanage, Na gahelelechiwe gugo na Mlume, mine gushileile bwema bwage, Gugo hii gumwe gwa ibushi yetu gwa hoka abisa wa ubuswa. ²¹ Nage Luti Gwamoabu guganine , Ehe, Gusambile , Ushame haho hoka na bawambaga banyi, na byine byabihwa usula biliwa byanyi byose. ²² Hanyuma Naomigumsambile Luti mma mwanage, ii bisoga ulanmane na baya bawamisiha bage, na batu babge bashyubange mluunge lubala lolose. ²³ Bibyo gee noo ulamana na bawamisiha ba Boazi na utola bitolwa, ndaa na isula ya uesa wa shayiri na uesa ngano, nage gubele hushama wa mmnage buo Naomi