¹ MLUME, umengeledeche Daudi Tususu twage tose twelisusuile. ² Noge gumlahile MLUME, Gubiile ulibindila wa ilume pambwa ya Yakobo. ³ Nishigimgila mmitula ya ndu gyanyi, Na nishichina bigandanywa bya ingo yanyi; ⁴ Nishileya meeso manyi uba na tuloo, Na ata bilili byanyi uhongela; ⁵ Ndaa na hene handiha MLUME ihana, Na Ilume pambwa ya Yakobo bushamo. ⁶ Lingwe, tuhuliche mwano gwage uya Eflata, Mnda ihongelela ya Yealimu tuimonine. ⁷ Na tugingile mnda bushamo bwage, Tuginame ha iti ya ubiya magulu mage. ⁸ Ee MLUME, uginyuwe, ugye bulihodecho bobe, Gogwe na lindo lya uoma obe. ⁹ Bibuli byobe na bichwiiwe kiine, Basobolwa bobe na baseelele. ¹⁰ Wa yulu ya Daudi mgichi gobe, Ushiigiwiche unyuma yenyi ya mshinyiwa mauta gobe. ¹¹ MLUME gumlahile Daudi inywa ya winene, Gushigiwila unyuma gaidogye, Ubamwe babuswa ba m'bili gobe Nibabiya wiiti yobe ya buoolo. ¹² Baana bobe babewasha malagano manyi, Na ubangisiya wandibagigya; Baana babonabo bishama wiiti yobe ya boolo milumbu. ¹³ Bululi MLUME gusobwele Sayuni, Gubendiche gashame moo. ¹⁴ Iyo noo ihana yanyi ya ulihocha milumbu. Haho nihashama bululi nihabendiche. ¹⁵ Winene nibihalila mihaa biliwa byage; Basabi bage nibagyusha na biliwa. ¹⁶ Na bibuli byage nibichwiya na uhogonona, Na basobolwa bage biseelela. ¹⁷ Haho nimnagicha Daudi lwiga, Na yaa nimlongedecha mshinyiwa mauta gwanyi. ¹⁸ Tumangu twage nituchwiya abule, Bibyo hegulu ha mswee gwagesala gyage gyigema.