¹ Mlume, uhugonone, yulu gumnyemya Abetcha gwasunga, Bululi babawashe bachingwa uhuma u batu. ² Balihudogomyana bishilingye kila ,mtu na miinage, Bina milomo gya ulibenja; Hudogomyana wa mitima gya lububa umeso ; ³ Mlume gwigigeda milomo gyose gya ulibenja, Nalo lulimi lwa udogoma binywa bya uliginina; ⁴ Baganine, Wa ndimi chetu twihima; Milomo gyetu ii gyetu beswe, Ii nanyi mlume guli hegulu hetu? ⁵ Wa yulu ya umonenywa wa tulema Wa yulu ya ulila wa basabi, Bino nigimana, gwagana Mlume, Nim'biya na talala guya mine gwabali huhyilila. ⁶ Binywa bya Mlume ii binywa bibenju, Ii bomona butonjilwe wa ahyaa hano hamgala; bihahachiwe nyendo ndwii. ⁷ Gogwe, Mlume, noo witubisa, Wituusa na ino ibushi milumbu. ⁸ Bene bashi na kiine balihugya ngubi chose wa buubi bulihuliginuna hawingi ha batu.