¹ Haleluya. Namunda MLUME bululi guli hupulicha lidi lyanyi na usaba wanyi. ² Bululi gwategela litu lyage, Wa bibyo nimgita masugu manyi mose. ³ Migochi gya lubu gyanyunguluwa, Asusu ya usinda apata. Nimonine asusu na unyogwa; ⁴ Niligishile china lya MLUME. Ee MLUME, nihuusaba abisa, Uhugonone ichuli-chuli yanyi ya mwego. ⁵ MLUME ii gwa keene na kiine, Ehe, Abetcha etu ina uleelela. ⁶ MLUME gusuusa bashi na abachi; Nibele mnda asusu, gupogonone. ⁷ Ee ichuli-chuli yanyi ya mwego ugiwile mnda ulitucha obe, Bululi MLUME gugilila bya bosoga. ⁸ Bululi gwaponya ichuli-chuli yanyi ya mwego na lubu,Meeso manyi na byosochi, Na magulu manyina ugwa. ⁹ Nigya umbele wa MLUME mnda ibaloo ya batu bali na mwego. ¹⁰ Niwashiche,noo yulu nigana, Nene nisusuile abisa. ¹¹ Nene nidogomine wa abilo anyi, Batu bose basudogoma lulimi. ¹² Namgiwidiche MLUME ii wa uhana wage ose welingilele? ¹³ Niigaa isengo ya uhogononywa; Na usambila bange china lya MLUME. ¹⁴ Nihunya ulibundila wanyi wa MLUME; Ehe, Umeeso ma batu bage bose. ¹⁵ Lwina anyemu u meeso ma MLUME lubu lwa basobolwa bage ba Abetcha. ¹⁶ Ee MLUME, chigilwe nene nilimgichi gobe, Mgichi gobe, mwana gwa mgichi gobe gwa mmachana, Watusula tumangila twanyi. ¹⁷ Niutangila lutangi lwa uutona; Na ulisamba china lya MLUME; ¹⁸ Niuhunya ulibindila wanyi uli MLUME, Ehe, Umbele wa batu bage bose. ¹⁹ Mnsa ibanja ya ndu gya MLUME, Mnda mobe gogwe Yelusalemu.