¹ Lulolusugubalagule witabo ya Musa u matu ma batu bose; na mnda mwayo mumoneye bino binywa bili bigolwe, ugana Mmamoni na Mmoabibashigingile mnda sumbilo lya Abetcha milumbu; ² bululi bashibagaile baana ba Isileli wa iliwa na wa maadi, yulu bammigile Balaamu yulu yabo gbaloge; haho Abetcha gugalule bubo buloga uba mihaa. ³ Haya habahuliche m'bindo , bababagule Baisilaeli na batu bose bene balilungile nabo. ⁴ Hambeleha bibyo, Eliashibu, ibuli, mine gubiilwe yulu ya ubigimena byumba bya ndu gya Abetcha etu, bululi gubele hoka na Tobia, ⁵ gubele mlongeche yumba yaata , haya haala hene hababele hubiya lutangi lwa busu, na buswenge, na bitundu, na imwechi ya umi, nabiliwa,na divai, na mauta, byabasambilwe ubaha Balawi, na bagimbi,na buugimana u mchango; iyaka lutangi lwa uginuna lwine lubele lwa bibuli. ⁶ Bibyo mamo mengo mosw nene nishibele uya Yekusalemu; bululiha mwaa gwa maumi matatu na gibili gwa Altashasta oolo lya babeli, nimgiwilile oolo; na hanyuma ha mamwe masugu nibele husaba ugitabichiwa iyaka uli oolo. ⁷ Nene nichwile iyaka Yelusalemu, nimanine buya buubi, bwine Eliashibu bweligilile yulu ya Tobia, wa umlongecha yumba mnda lagala lya ndu gya Abetcha. ⁸ Nene nichigililwe abisa; haho nibitelile bitundu byose bya Tobia hambuga bihume mmo myumba. ⁹ Hanyuma nihanene alago, nabo babihahache byumba ; nene nibigiwiche mmo bitundu bya ndu gya Abetcha hamwechi na lutangi lwa busu na buswenge. ¹⁰ Iyaka nimonine Balawi bashihelwe ibaa yabo; haho Balawi basinine na bagimbi, bene babele hugila mgilo gwa masugu mose, bagile kila mtu u lubala lwage. ¹¹ Haho nigumene na maata ba ihwilo, niganine, Bululi bwai ndu gya Abetcha gyashigwa? Hanyuma nibaongole Balawi na ubabiya ha bihana byabo. ¹² Haho Bayuda bose habaleshile imwechi ya umi ya biliwa, nabyunywa, na mauta u lindo. ¹³ Nene nibiile baushi ba bibya hegulu ha bibya, noo, Shelemia, ibuli, na Sadoki mgochi, na Balawi, Pedaya, na gwa bubili gwabogubele Hanani, mwaana gwa Zakuli, mwaana gwa Matania; bululi babalilwe uba bawilile, na bibele wabali ubagabila bashiwabo. ¹⁴ Ukengeledeche bibyo, Ee Abetcha anyi,na ushichimye yano yanyi yandigilile wa yulu ya ndu gya Abetcha anyi, na wa lingililo gyage. ¹⁵ Mamo masugu nimonine hawingi ha Bayuda bamwe batu bali huswaga bitibi bya malwa lusugu lwa sabato, nabange babele higuha byaama bya mikanda na uswiya punda chabo; iyaka na malwa, na zabibu, na tini, na mioga gyose gya michigo, gyabahilile Yelusalemu, lusugu lwa sabato; nene niubangisiye yulu yabo luya lusugu lyabagudiche buliwa. ¹⁶ Iyaka bashamine mmo batu ba Tilo, bene bachwile na swii, na byudagulanya bya mioga gyose, babagudiche baana ba Yusa lusugu lwa sabato, uka mmo m Yelusalemu. ¹⁷ Haho nigumene na maata ba Yuda, nibasambike, Ino iyinywa nai isone yamulihugila benywe, na ubiya bunyenye lusugulwa sabato? ¹⁸ Wi wii! Bishi bibyo byabagilile bamasenyu; na Abetcha etu, wi wii! Gushilushiche buubi buno bose hegulu henyu, na hegulu ha gino mbuga? Benywe ata bibyo muli hugililila ulusha uchiglilwa hegulu ha Isilaeli wa ubiya bunyenye lusugu lwa ulitucha! ¹⁹ Haya michango gya Yelusalemu gisibele huchwa mdoo hambele ha lusugu lwa ulitucha, nuganine michango gibugalwe, niganine gishibugulwe ata byihwa lusugu lwa ulitucha; nabamwe bagichi banyi nibabiile u michangoyulu gushigingile mchigo go gose lusugu lwa ulitucha. ²⁰ Bibyo bene bali na byugucha na budagulanya bibya bya mioga gyose balalile hambuga ha Yelusalemu nyendo chibili chitatu. ²¹ Haho nibabangisiye, nibasambile, Yulu yai mwalala umbele wa ibambacha? M'begila bibyo iyaka, nim'bwata. Utula maya mengo bashichwile iyaka lusugu lwa ulitucha. ²² Hanyuma nibasambie Balawi balihahache, nabi baachwe ugimanau michango, yulu ya uluhahacha lusugulwa ulitucha. Ukengeledeche bibyo Ee Abetcha anyi, wandeelele ulamanana uleelela obe. ²³ Iyaka masugu mokamamonibamonine baya Bayahudi benebabelebagonde baachana ba Ashdodi,na Baamoni, na Bamoabu; ²⁴ na baana babo babele hudogoma liidi ihindi ya ba Ashdodi, na bashibelehuosha udogoma Iyahudi, bibyo wa liidi lya bange batu ka. ²⁵ Nigumene nabo, nibalogile, nibahulile bamwe babo, na ubachula njuli chabo, nibalahicha uli Abetcha, niganine, Mushibagonje baana babo misiha gyenyu, na mushiguhe misiha gyabo yulu bagonjwe na baana benyu. Na ata benywe bene mushibagonde. ²⁶ Wi wii! Sulemani, mwaanagwa Daudi, gushigililebuubi wa uita bibyo? Bibyo u mioga giingi hashibele na maoolo ulingilishiwa nage. Iyaka guunjilwena Abetcha age, nage Abetcha gubiile uba oolohegulu ha Isilaeli; ata bibyo baachana ba bagenyi bamlubiche gee, ²⁷ Biino, na beswe, wii! Tummuliche benywe udogoma inywa ino isone, na ugyata inyume na Abetcha etu wa ubagonda baachana ba bagenyi? ²⁸ Na mwaanagumwechi gwa Yoyada, mwaana gwa Eliashibu, ibuli ya yaata, gubele sagebuo na Sanbalati, Mmoholoni, haho nimchingile wandi. ²⁹ Ubaengeleche Ee Abetcha anyi, byababiile bunyenye bwibuli, na malagano bwibuli na ma Balawi. ³⁰ Haho nibahahache na kila itu ya igenyi, nene nibalagile mengo ma boo ushama mnda mgilo, bibuli na Balawi, kila mtu mnda mgilo gwage. ³¹ na lutangi lwa kunyi mengo mene maganinywe, na mitomwe, Ukengeleche, Ee Abetcha anyi, yulu ungilile bisoga.