¹ Nibiile malagano na meeso manyi; Biino ninaosha wi umlingamina msiha? ² Bululi ihindi ya Abetcha yuhuma hegulu yisuba ii, Na buhyana bwa Dambe buhuma hegulu? ³ Wi wii! Ashi ahonasonga ubaya bene bashi na kiine, Na asala u bangila biibe? ⁴ Wi wii! Gee gushihumona madila manyi, Na ubala matamba manyi mose? ⁵ Ugana nigyatile mnda bya bunene, Na ugulu wanyi ugile abilo u bya lugugicha; ⁶ ( Na nalingililwe mnda ulingilila wa lulingo lumwechi, Bululi Abetcha gaumane uhola wa mtima gwanyi); ⁷ Bululi matamba manyi magaluwa na ushiga ndila, Na mtima gwanyi ulama meeso manyi, Iyaka ugana ihele yo yose yamena u maboo manyi; ⁸ Mndi naune, nagunge gaaye; Ehe, biliwa bya mlubala lwanyi na bichulwe. ⁹ Nambo mtima gwanyi gwabichiwa na mmachana, Nambo nene nihembele ha mchango gwa m'binji nanyi; ¹⁰ Haho naho mmachanyi na gaagye uhela bulo ugunge, Na benge baginame weli. ¹¹ Bululi ubo wisuba uluba wa wata; Ehe, Wisuba usona wa uononywa na tululiya; ¹² Wa bululiiyahya uchigya ndaa na ugugila, Nao wabachula byunaganywa byanyi byose. ¹³ Nambo nabanenuna mlandu gwa mgichi gwanyi, ao gwa mgichi gwanyi gwa mmachana, Habahimene nanyi; ¹⁴ Bino Abetcha haiginyuwa niita ii? Nage helichwa, Nimgaa wi? ¹⁵ Wi wii! Guya gungitile mnda gumo lya mago, gushi guya gummitile nage? Gushi guya gutubumbile mmagumo ma baminetu? ¹⁶ Uba nibagimine bambuchi usaba wabo, Na uba nimabiile meeso ma bawile tuhongolo; ¹⁷ Na uba nilileitolo yanyi nene buchima, Mashige nabo bashibiye; ¹⁸ ( Nangu, utula buwalubaga bwanyi guya gubele hamwechi nanyi nahi wa sage; Nene nibele alombwe a m'bwile utula mnda wa mago); ¹⁹ Uba nimonine mtu uchimineyulu ya uhulwa bichwalaganywa, Ao basabi uhulwa byuchwala; ²⁰ Uba munda chage chisapalila mihaa, Ao nambo gusamona aahya u maso ma miyoo gyanyi; ²¹ Uba niginunine mashige uboo, Handimonine m'bwatilicho ha mchango gwanyi; ²² Mndi bino ombe lyanyi ligwe uhuma ha ihana yage, Na uboo wanyi unogeye mauda mage. ²³ Bululi asusu haasuhuma wa Abetcha abele na booba wandi, Na ibalo ya bwata bwage nishioshiche ugila inywa. ²⁴ Nambo naita nolo uba maudagilo manyi, Na usambila nolo ch chihaha gogwe noo bugegamino bwanyi; ²⁵ Nambo niseelele ugana bitundu byanyi bibele biingi, Na ibalo uboo wanyi upashile bibya biingi; ²⁶ Nambo nililolile chuba halibele ugema, Ata mwechi hagugililile ugema; ²⁷ Na mtima gwanyigwabichiwa wa lubisagulu, Na milomo gyanyi nigibiile hegulu ha uboo wanyi; ²⁸ Ube nao wisuba usona wa uononywa na tululiya; Bululi nabamsambile lulimi Abetcha ene ali hegulu. ²⁹ Nambo niseelele yulu ya ususulwa wa guya mine gukonywine, Na ulitona heligwile mnda usona; ³⁰ ( Ehe, nishileile anywa anyi ugila buubi Wa ubenja mwego gwage wa umlahya umona tata); ³¹ Nambo batu ba mnda itula yanyi bashiganine, Mnanyi gunaosha umma mtu gushibagyushiwa nage wa uya nyama? ³² Mgenyi gushilile mndila; Bibyo nim'bugwile mgyata madila michango gyanyi; ³³ Nambo uba mwana gwa mtu nabuunina bulubi bwanyi, Wa ubisa usona wanyi myaali mwanyi; ³⁴ Wa ibalo nibamonine booba masumbilo maata, Na mnenuna gwa ibushi gumbiile booba, Na nishamine pii, nashitobowe u mchango. ³⁵ Oh nisuba na mtu gupulicha! (Loola, yaalayanyi noo ino, Dambe na gangae); Oh nisuba na uya uchingwa wine ugolilwe na tumangu twanyi! ³⁶ Chigilwe nabauswalau maombe; Nabaluwila loo nahi mlingiisho gwa lushungi. ³⁷ Nabamsambila lubalo lwa matamba manyi, Nabamshenena nahi biya mmata. ³⁸ Nambo sii gyanyi gilihulila hegulu hanyi, Na mituta gyage gilihulila hamwechi; ³⁹ Nambo nilile biguma byage wa nangu uhana bumona, Ao nambo nibagilile boo uchiminya mwego gwabo; ⁴⁰ Miigwa gutote hene hisuba ngano, Na biwawa hene hisuba shayili. Binywa bya Ayubu byatangu usungila hano.