¹ Biino hano baya bene bali banuna banyi bali humbiila wenja, Bene bamasabo babanenune ndaa na ubabiya hamwechi na ihichi yanyi ya tuuwa twanyi. ² Ehe, Uosha wa maboo mabo wimbwatilicha ii? Batu bene uoma wabo usungile. ³ Bagonda wa usaba usaba na ndala; Bali huuta bitete bya bigumu, mnda mdoona mauwa na ugugila. ⁴ Basuchula minanyi gya byaanyi gya miinyu wilindi ya mti; Na miching gya byelo noo biliwa byabo. ⁵ Basuchingwa uhuma hawingi ha batu; Basubaitila mdodo nahi umitila miibi. ⁶ Haho basushama hawingi ha bibetabeta, Mnda biina bya m'bitete nabya hawingi ha mawe ma mata. ⁷ Basulila nahi punda bya gihambe wilindi ya mti; Basusumbila hsi ya lwasi. ⁸ Boo noo bana ba bahugi, ehe, baana ba babengi; Bachingilwe na misheledi bahume mnda ibaloo. ⁹ Na bino nene nisililwimbo lwabo, Ehe, Nisiliiina wabali. ¹⁰ Boo balihukonywa, naulibagula nanyi, Bashihuleya uusulila mate u nyenyi. ¹¹ Bululi gwaogola migochi gyage, na ususula, Na bashihulichibila iyaka u mbele wanyi. ¹² Luubi lwa uboo wanyi wa ulume ulihuginyua ihichi; Balihulung magulu manyi mibamba, Na ungimyiila mandila mabo ma magugichu. ¹³ Bagugicha ndila gyanyi, Bandibyiila asusu anyi, Batu bene bashi na m'bwatilicha. ¹⁴ Banjwilila nahi bahishi ba hawingi na mtanji gwa gwata; Hawingi ha bibunduguchu basumbilila. ¹⁵ Byudidibula byangalwila; Basuchinga unyemiwa wanyi nahi mnaga; Na ugililwa wanyi ulihuhita nahi timba. ¹⁶ Biino ichuli-chuli yanyi ya mwego yageseya mnda mwanyi; Masugu ma asusu mambwata. ¹⁷ Mengo ma busugu mauda manyi macheya mnda mwanyi, Na usumwa ulihuutauna ushihulitucha. Bululi bwa lubaba lwanyu uba uoma wiingi Bichalaganywa byanyi byagugila; Bilihuwenya nahi ushilya kanju lyanyi. ¹⁹ Gee gwambulaga m'biswaswa, Nene nisili nahi ihwili na mto. ²⁰ Nuulilila gogwe, na ushi hungitabuwa; Nagimana na gogwe uli hundolaka. ²¹ Gogwe wangalwila uba na buhuchi wandi; Gogwe wandegya wa uoma wa uboo obe. ²² Wanginuna hegulu ndaa na umnaga, Na uusecha hegulu hage; Gogwe wasumbulula na mabimbi. ²³ Nigidi ugana winjisha ndaa na ulubu, Nagihyiile ndu gyine gyabagolelwe bose bene bali na mwego. ²⁴ Wi wii! Mtuha ugwa wage gusugolola uboo? Na umlilila mbwatilicho mnda asusu age? ²⁵ Wi wii! Nene nishi lilile yulu ya guya mine gubele mnda asusu? Ichuli-chuli yanyi ya mwego, wii! gushi monine inyokolo yulu ya basabi? ²⁶ Haya handilolele bisoga, noo byo nunjwila bya bigugichu; Nene handihembile lwenge, ho nuuchwa mdoo. ²⁷ Miila gyanyi gili huukula,na gishi huleya; Masugu ma asusu manjwila. ²⁸ Nihugya ulilila ihna yine ishi na chuba; Nagimana hawingi ha sumbilo na ugulilila mbwatilicho. ²⁹ Nene nili mshiwabo gwa mibwabwa, Nili minabo na magomba. ³⁰ Ibambi ynyi iliihisu, nayo ilihugubuwa, Mauda manyi mali huchiga na yuda. ³¹ Wa bibyo bigomba ganywa byanyi bya ugimba nabyo bygaluwa uba malilo, Na ihonde yanyi uba liidi lya balichi.