¹ Hanyuma Ayubu gugililile na mihingu yage, na udogoma, ² Nambo nisuba nahi byandibele mwechi gya aala, Nahi maya masugu Abetcha helikushile; ³ Haya tala lyage halindamiye mpala lubombo lwanyi, Nene nigyashile mnda mdoo mndila gya ugema wage; ⁴ Nahi byandibele ha asugu manyi mandiomine, Haya lubisagululwa Abetcha halubele mnda itula yanyi; ⁵ Maya mengo Dambe gwilibele hamwechi nanyi, Nabo baana banyi hababele banyungulubu; ⁶ Mengo ugyata wanyi haubele ugogwe na mabele, Nalyo liwe lya lwata halibele hupongolwela ngudi cha mauta! ⁷ Mengo machuwile na ugya mmbuga, ndaa na umchango, Handuibiile isubayanyi u masango nandila, ⁸ Babo bawalubaga bamonine na ubisama, Nabo baulu balibagule nanyi naugumana; ⁹ Miungu gishamine pii nangu udogoma, Na ubiya maboo mabo u tunywa twabo; ¹⁰ Milonge gya madi mabo gishamine pii, Na ndimi chabo chiwatene na bibanga byabo. ¹¹ Bululi liitu halipuliche, noo halipalile mihaa; Na liiso halimbonine, limangisiye. ¹² Bululi nimmogonone mbuchu helindilile; Shige nalyo, na guye mine gushibele na mtu gum'bwatilicha. ¹³ Mihaa gyage guya mine gubele hoka na uuwa ginjwilile; Niguitile mtima gwa m'bwile ugimba wa saso. ¹⁴ Nilichwiiche kiine, nagyo gimbwilile, Chigilwe gyanyi gibele nahi ichibabo na sala. ¹⁵ Nibele meeso ma ihobu, Nibeleugulu uli mtu mine guli huchunda. Nibele shibana uli msabi, Na mlandu gwa mtu gwandishigidi nigululiye. ¹⁷ Nene nigedile milandu gya bene bashi na kiine, Na ummogonona mmibwa u meenomage. ¹⁸ Haho noo handiganine, Niiwa mnda iisa yanyi, Nene nibucha masugu manyi nahi isee; ¹⁹ Shina lyanyi lyadagalala ndaa na uhiya u maadi, Na imee isushama busugu bose u matabi manyi; ²⁰ Ugengeda wanyi ubi uhya wandi, Na buta bwanyi bwigiwichiwa luhya mnda uboo wanyi. ²¹ Batu bategile matu uupulicha, na uhemba, Bashamine pii yulu bahuliche mihungo gyanyi. ²² Bashidogomine iyaka hanyuma hauhwa uhulicha binywa byanyi; Midogominyi gyanyi gihongolowe wabali nahi maadi. ²³ Babele hupembela nahi uhemba mbula; Bagaliya tunywa twabo abisanahibulagya budogo. ²⁴ Habawile malanga niseile nabo; Na ugema wa yenyi yanyi bashiugwishiche. ²⁵ Nibasobolele ndila, Nishamine nahi mmata gwabo gwa mbuga. Nishamine naho oolo mnda bilume pambwa bya basolokoto, Mlingilisho gwa mmungya gwabo bene bali na malilo.