¹ Hasibele mwaa gwa gutangi gw Koleshi, oolo lya Baajemi, yulu ya inywa ya MLUME yelidogogmine wa anywa a Yelemia bululi ihwile, MLUME gubyulile mtima gwa Koleshi,oolo lya Baajemi, bibyo gutele mtambile mnda buoolo bwage bose, na gugolile iyaka. ² Koleshi, oolo lya Baajemigwagana bino; MLUME, Abetchaa gulu, gupele buoolo bose bwa ino ibaloo; nage gundagile namgubaile ndu uya Yelusalemu gili Yuda. ³ Bino mtu gegese guli mtu gwage, MLUE, Abetcha age, na gabe hamwechi nage, na gaundumuwe ndaa na Yelusalemu, gili Yuda, gagigubae ndu gya MUME, Abetcha a Isilaeli, (gee noo Abetcha), gili uya Yelusalemu. ⁴ Na mtu ggese gushigale ihana yoyoseheli mshame nahi mgenyi, na gawatilichiwe na batu ba iya ihana yeli waili, wa lufeza, na nolo, na bumona, na nyama, uhima bitu bisutangilwa wa mtima hululu gwa mtu, wa yulu ya ndu gya Abetcha, gili uya Yelusalemu. ⁵ Haho noo bachuwile baulu ba milongo gya bamatata, Yuda na Benjamini, na bibuli, na Balawi, ehe, bato bose bene babyulile Abetcha mitima gyabo baundumuwe, bulilu bagubae ndu gya MLLUME, gili uya Yelusalemu. ⁶ Na batu bose bene bashamine hoka nabo ngubi chise bababiile uoma mmaboo mabo, wa titundu bya lufeza, bya nolo, wa bibya na wa nyaman na wa bibya bya ugulwa wa bumona bwiingi, uhima biya byine tangilwe wa mitima gihaha gya batu. ⁷ Iyaka Koleshi, oolo, lihanene bitundu bya ndu gya MLUME, biya byine bichwile na oolo Nebukadleza uhuma nabyo Yelusalemu, na ubibiya mnda ndu gya miishi gyage. ⁸ Ehe, bibyo bitundo noo byelihanene Koleshi, oolo lwa Baamedi, ubibiya mmaboo ma Mithledathi,mmushi gya luhinda; nage gubabalile u meeso ma Sheshbaza, mmulu gwa Yuda. ⁹ Na luno noo lubala lwabyo; bilego bya nolo maumi matatu, bilego bya lufeza uki, tweele maumi mtuba na yahabula; ¹⁰ Bilego bya nolo maumi matatu , na bilego bya lufeza mioga gibilisambi china naumi, na binge bibya uki, ¹¹ bitundu byose bya nolo na bya lufeza bibele byose uki chitano na sambi china. Bibyo byose Sheshbaza guundumwine nabyo, haya baundumwine baya ba ubululwa uhuma nda sii gya Babeli ndaa na Yelusalemu.