¹ Na gogwe ulongye butmbikilo bwa uchigicha buswenge; wibulongya bwa mti gwa msese. ² Ulaha wage ubi wa uboo umwechi na mahenda mage mabi ma uboo umwechi; ngubi chose china uu na uu; na ugya hegulu maboo mabili; masunga mage mabi ma itu imwechi nabo. ³ Gogwe wibuwila na nolo cha chihaha hegulu habo, na mbachu chabo mibamba, na masumga mabo; gogwe wibulongecha na mibimbi gya nolo ubuchunguluwa. ⁴ Hanyuma wilongya pete chibili cha nolo, hasi ha isula yabomchiya mbachu chabo chibili, u ngubi chabo chibili wiita, nacho chibi cha ubiila miti gya uswalila. ⁵ Na giya miti wigiita gibe gya mti gwa msese, na ugiunina na nolo cha chihaha. ⁶ Na gogwe wibubiya umbele wa liya pashia lilihoka nalindolya ubangisiya mbele gya isuba ya uleelela ili hegulu ha ubangisiya, haya handisambana nobe. ⁷ Na Haluni gwichigya buswenge bwa malashi hagulu habo; masugu mose halwelo halibi hulongya maya matala, gwibuchigya. ⁸ Haluni helilamya maya matala mengo ma igolo, gwibuchigya, bube buswenge bwa masugu mose u mbele wa MLUME wa bibushi byenyu byose. ⁹ Mushichigya hegulu habo buswenge bwa igenyi, ata lutangi lwa uchigya nalo, ata lutangi lwa busu, na mushihongolola hegulu habo lutangi lwa byunywa. ¹⁰ Nage Haluni gwiita usambanya hegulu ha masunga mabo lwendo lumwechi wa mwaa; wa maashi ma luya lutangi lwa buubi lwa uita usambanya, lwendo lumwechi wa mwaa gwiita usambanya, u bibushi byenyu byose; ii bihaha abisa wa MLUME. ¹¹ MLUME gudogomine na Musa, na umsambila, ¹² Holibabala baana ba Isilaeli, nahi byalubi lubalo lwabo, haho noo habimma MLUME kila mtu uhogononywa wa mtima gwage, haya holibabala ; bululi hashibe na bisumi hawingi habo, haya holibabala. ¹³ Nayo yine yabihana noo ino; mtu gegese mine gwihita u baya babalilwe gwihana ibaa ya shekeli ulamana na shekeli gya ihana ihaha; (shekeli noo gela maumi mopi;) ibaa ya shekeli wa lutangi lwa MLUME. ¹⁴ Mtu gegese mine gwihita u baya bene babalilwe utula guya guli na myaa maumi mopi na ugililila, gwihana lulo lutangi lwa MLUME. haho noo hali uhana (budget) byetu. ¹⁵ Bamona bashilusha uhima, na ba mbuchu bashilusha bya bihungubu, wa chocho ibaa ya shekeli, habihana lutangi lwa MLUME, yulu ya uita usambanya batu yulu ya mitima gyenyu. ¹⁶ Na gogwe wigaa lulo lufeza lwa usambanya mmaboo ma baana ba Isilaeli, na uchibiya yulu ya bugichi bwa hema lya busambeno; bululi chabe kengelecho wa yulu ya baana ba Isilaeli u meeso ma MLUME, yuluya uita usambanya wa mitima gyenyu. ¹⁷ MLUME gudogomine na Musan na guganine. ¹⁸ Longya na mbiliga gya lusuu, yulu ya ulisuwila; na gogwe wigibiya hawingi ha hema lya busambeno na butambikilo, na gogwe wigibiya maadi. ¹⁹ Haluni na baana bage bilisuwa maboo mabo na magulu mabo mmo. ²⁰ hahohababi hugingila mnda hema lya busambeno; bilisuwa maadi, yulu bashiwe; ao haya habishenena butambikilo yulu bagile, umchigicha MLUME lutangi lwa aahya. ²¹ bibyo bilisuwa maboo mabo na magulu mabo yulu yugana bashiwe; na iyo inywa ibi alago wabali a milumbu, wa Haluni na wa bedulu bage na wa bibushi byabo byose. ²² Hanyuma MLUME gudogomine na Musa, guganine. ²³ Uguhe malashi ma chumba lisoga, manemane cha chibisi shekeli sambi chitano, na mdalasini gwa bushio busoga ibaa ya byoka biya, noo, shekeli sambi chibili na maumi matano, na kane shekeli sambi chibili na maumi matano. ²⁴ na kida shekeli sambi chitano, ulamana na shekeli cha ihanaya ihaha, na mauta ma zeituni nahi mbada chitano; ²⁵ gogwe wimaita mauta ma ubiwa mahaha, na malashi mamasupaganywe wa mgilogwa bwino gwa mlongya gwa malashi; mabi mauta mahaha ma ushinyiwa. ²⁶ Gogwe wishinya hema lya busambenowa mamo mauta, na lilyo lindo lya ubangisiya. ²⁷ namamo mesa, na bitundu byage byose, na mti gwa tala, na bitundu byage byose, na butambikilo bwa uchigicha buswenge. ²⁸ Na butambikilo bwa uchigicha lutangi, hamwechi na bitundu byage byose, na biliga, na songo lyage. ²⁹ Gogwe wigoga bibyo bitundu, yulu bibe bihaha abisa; iyaka, yo yose yine yibyuda bibyo bitundu ibi ihaha. ³⁰ Na gogwe wibashinya mauta Haluni na baana bage, na ubahacha, bululi bangilile mnda mgilo gwa bwibuli. ³¹ Na gogwe widogoma na baana ba Isiaeli na ubasambila, Mama mabi ii mauta mahahana ushinyiwa yulu yanyi nene u bibushi byenyu byose. ³² Mashihongololwa mmitimbigili ya mtu, na mushilongye mange mlingilisho gwa mano nahi byamalongechiwe wa byusupaganya mo; ii mahaha na yenyu mabi mahaha. ³³ Mtu gegese mine gwisupaganya mauta mlingilisho gwa mano, aomtu gegese gwishinya mginyi mano mauta, gugo mtu gwihanyiwa na utelwa koo na batu bage. ³⁴ MLUME gumsambile Musa,liguhile malashi masoga, noo, natafi,na shekelethi na kelbana; byusupaganya mmalashi bisoga hamwechina buswebge busoga; bibyo butundu byose na bibe bya lulingo limwechi; ³⁵ na gogwe wiita malashi ma bibyo bitundu, malashi ma mgilo gwa mino gwa ulongya malashi, mabi malogu abisa,na masoga, mahaha; ³⁶ na gogwe wibiswa abisa, na ubibiya umbele wa mangisiyo mnda hema lya busambeno, hao handisambana nobe; namo mabi wenyu mahaha abisa. ³⁷ Na busenge boliita, mushililongecha busenge bwine buli busupaganyiwe nahi buno buswenge; bubi wenyu buhaha wa yulu ya MLUME. ³⁸ Mtugegese mine gwiita mlingolisho gwa bubo, yulu ya ubunyuka, gugo mtu gwitelwa koo na batu bage.