¹ Ushidagalache mwano gwa lulimi; ushibiye uboo obe hamwechi na tu m'bii, uba gubangisiya wa usapa. ² Ushilamane na sumbilo lya ugya u bubii; na ushibiye mangisiyo gyobe winywa yo yose yulu yaugalwila mibamba na ulamana na sumbilo yulu ya ugobeya uonona. ³ Luundo lobe lushibe luubi lwa mtu yulu myalema yulu ya inywa yage ⁴ Ubemona nambo ng'ombe gya amangu obe ao punda gyage, gyashimina, bilingye ugigiwiche uli mine nagyo. ⁵ Ubegimona punda gya giya mine gulihuuonywa ubegimona gyagwa hasi ha mchigo gwage, gogwe unalichibila ushigiwatiliche, bilingye uguwatiliche ka. ⁶ Ushigobeye uonona wa mbuchu mnda inywa yage. ⁷ Ulibagule koo nainywa lulimi; Bene bashi na abachi na batu ba kiine ushibahage; bululi nene nishim'balila kiini mtu msone. ⁸ Na gogwe ushiguhe ugeda milomo bululi ubo ugeda milomo lulihubabela bene balihumona meeso, na ulugicha binywa bya nine gyina kiine. ⁹ Ushiminene mgenyi; bululi, benywe mugudi mtima gwa mgenyi byaguli, yulu benywe mubele bagenyi mnda sii gya Misili. ¹⁰ Wiuna matete mnda sii gyobe mengo ma myaa mtuba na ubisola na ubuta biingi. ¹¹ bibyo mwaa gwa njwii wigileya sii gilituche na uhola; babo bambuchu hawingi ha batu bobe nabo baaye; na iya yine yabishiga boo, na nyama cha mgala nacho chaaye.Wiita bibyo mnda lubala lobe lwa mizabibu, na lubala lwa lobe lwa mizeituni. ¹² Masugu mtoba wigila mgilo gobe, na lusugu lwa njwii wilitucha, bululi ng'ombe gyobe na punda gyobe chalituche, hanyuma mwaana gwa mgichi gwa mmachana nage na mgenyi balitoleleche. ¹³ Bilingaminywe bibyo byose byandimsambile; na mushilumbule abisa machina ma tunge tubetcha, na bishihulichiwe abisa uhuma mnda anywa obe. ¹⁴ Nyendo chitatu wa mwaa wingitila masugu ma ulitucha. ¹⁵ Wibiya lusugu lwa mikati gishigyagibiwe mshimi; wiiya mikati gishi gyagibiwe mshimi masugu njwii nahi byandiulagile, wa maya mengo menemabiilwe, mwechi gwa Budogo matoswe ( Abibu bululi noo mwechi gwandiuhuminye Misili); na hashimoneya mtu ge gese u mbele wanyi maboo hululu; ¹⁶ iyaka, lusugu lwa ulitucha lwa usola, gugo mtomwe goge gwa mgilogobe gwa mmabala; iyaka, lusugu lwa ulitucha lwa uongola , isula ya mwaa, haho holiongola bibyo byine byolodegele mmabala. ¹⁷ Nyendo chitatu u mwaa batu ba balumyana bobe bose babihugya u mbele wa MLUME, ABETCHA. ¹⁸ Ushitambikile maashi ma butambikilo bwanyi hamwechi na mkati gwagubiwe mshimi, na ata mauta ma lusugu lwanyi lwa ulitucha ushimaleye ushigala ndaa na halwelo. ¹⁹ Ya itangi ya mtomwe gwa sii gyobe wibilusha na ubibiya mnda ndi gya MLUME, Abetcha obe. Nangu ummiya mwaana mbuchi mine gyili umabele ma mnage. ²⁰ Loola, nene natuma malaika gabe hambelehobe, guuse mnda ndila na uuhila ndaa na iya ihana yine yandiulongeche. ²¹ Liuswe weli, Mwahuliche liidi lyage; na mushimchigiliche; bululi gushi mleelela usona wenyu; bululi china lyanyilili mna mwage. ²² Nambo wilihulicha liidi lyage wa vhigilwe; na ugila byose byandihidigima nene; haha noo hene hambi amangu a tumangu tobe, na msusuchi gwa baya benebali huususula. ²³ Bululi malaika manyi miugolwela hambele hobe, Na uuhyicha wine uli Mmamoli, na Mmiti, na Mpelezi, na Mkanaani, na Mhivi, na Myebusi; na nene nibalunga koo. ²⁴ Ushituginamine tubetcha twabo, na ata utugilila; na ushiolweugila nahi bigilanywa byabo; wigichimya abisa na bihanda byabo winoga bihindi bihindi. ²⁵ Benywe mwimgilila MLUME, Abetcha enyu. nage gwiihelelecha iliwa yobe,, na maadi mobe; nene niuhuminya isumi hwingi hobe. ²⁶ Hashibi na mmachana mine gwisolola gumo, na guli igumba, mnda sii gyobe; na lubalo lwa masugu mobe nimawilicha. ²⁷ Nihila iuli yanyi ugolole hambelehobe, na nene nibadanja batu bose bene bolihyiila, nene nibaita batuangu tobe tuumonye migongo gyabo. ²⁸ Nene nihila bwila u mbele obe, bene bichinga Mmiti, na Mkanaani, na Mmiti gahume u mbelle obe . ²⁹ Nishibachinga u mbele obe mnda mwaa gumwechi; yulu sii gishibe hululu, bululi nyama cha mlwanaganywa chinabula abisa na uudegya. ³⁰ Nibachinga lemba lemba u mbele obe, ndaana byolibula gogwe, na uguhyana gigyo sii. ³¹ Nene nuibiila lugumba lobe utula bahali lya Shamu ndaa na bahali lya Bafilisti, iyaka utula mlwanaganywa ndaa nalulo luudi; bululi nibabiya bashami ba giya sii nda uboo; na gogwe wibachinga u mbele obe, ³² Ushibiye malagano hawechi naba, na ata hamwechi na tubetcha twabo. ³³ Bashishame mnd sii gyobe, bashichwe buite wangilile nene buubi; bululi ubetugilila tubetcha twabo, inoihisho hange ibi tande-tande u meeso mbe