¹ Paolo, mmilwa gwa Keleshito Yesu wa ubenja wa Abetcha, na Timoteo,mshiwetu,, ubashiwetu bahaha, bawilile mnda mwa Keleshito, bali uya Kolosai. Keene na chibe wenyu, na uwasha, chuuhuma wa Abetcha setu . ³ Buswchi wa Abetcha, Sage gwa Mlumyetu Yesu Keleshitu, masugu mose tuli humsabila; ⁴ utula hatuhuliche mwano gwa uwasha wenyumnda mwa Keleshito Yesu, na luunddo lwamulinalo u bahaha bose; ⁵ wa yulu ya maudagilo mamuiilwe lindo hegulu; gwine gwamuhuliche mwano gwage aala wainwa ya kiine ya Mwano Gubenju; ⁶ guhiile wenyu,nahi byabili mmibaloo yose, na ubuta biguma bya uula, nahi byabili wenyu nao, utula masugu mamuhuliche mumanineabisa keene cha Abetcha mnda winene; ⁷ nahi byamugigichiwe na Epafra, mgichi netu mmunjwa, mineguli hugila wa uwilila wa Keleshito yulu yenyu; ⁸ nage gutusambila luundo lwenyu mnda Mtima. ⁹ Yulu ya iyo na beswe, utula luya lusugu lwatuhuliche, tushihuleya usaba na umsabila benwe, bululi mugiluchiwe malango na benja wage na lwengu lose na umana wa mtima; ¹⁰ muhame nahi bili mishamenyi gyenyu wa Mlume, na ugila byeli hubenja abisa; naubuta biguma bya migilo gibenju, na ugililila ii malango ma Abetcha ¹¹ mwiwatilichiwa wa uosha wage, wa uoma wa ugengeda wage, mube na uhemba ose na ulitolelecha hamweehi na saso; ¹² na uuma Tata buswachi, gwam'biya na benwe uhewa iiba ya buhyana hamwechi na bahaha mnda mwa lwenge. ¹³ Nage gutuhogononye mnda uoma wa mdo, gutubulule na utugingicha mnda buoloo bwa Mwana gwa luundo lwage; ¹⁴ uhitila gee tulina ohogononwa , noo, uleelelwa wa bubi; ¹⁵ Nage ii mlingilisho gwa Abetcha gushihumoneya, m'buswa gwa mtangi gwa bibumbilwe byose. ¹⁶ Wa uba mnda mwage bitu byose bibumbilwe, byine bili hegulu na bili hegulu ha bitete, bilihumoneya na bshi humoneya; uba ii biti bya buolo, nambo ii bene mabuga, uba ii buolo, nambo ii uhyilila; bitu byose bibumbilwe wa ndila gyage. ¹⁷ Nage gubele lubelee bitu byose, na bitu byose ii bililunge nage. ¹⁸ Nage noo mse gwa m'bili, noo, gwa lubunga; nage ii utula,ii m'buswa gwa mtangi gwa babu, bululi gee gabe mtuchi gwa byose. ¹⁹ yulu mnda mwage uwilila ose ushame; ²⁰ na yulu yage gabismbanye bitu byose naihuli chuli yage ya mwego, na helihwa ubiya talala wa ndila gya mashi ma mti gwa asusu age; yulu yage,uba ii bitu bili hegulu ha bitete, nambo bili hegulu ha gulu. ²¹ Na benwe bene babele haya hautula basambuane, iyaka tumangu wa malanga menyu, wa bigilanwa byenyu bibii, bino gwamsambanya; ²² mnda m'bili gwa nyama chage, wa uwa wage, bululi habahyiche benwe umbele wage, bashi na tubachi na bibala; ²³ mushame kaa mndawa uya uwsha, na ubiwa hegulu ha mawe, mube bagimanyu; musahugalulwa na uleya maudagilo ma Mwano gwa Gubenju gwamuhulicha mwano gwage, gulisambilwe uu bibumbilwe byose bili hano hasi ha gulu, nene Paolo nibele mgichi gwago ²⁴ Bino naseelelea susu andi nao wa yulu yenyu; iyaka nauwilicha mnda m'bili gwanyi aya asusu ene ashigelewa Keleshito, wa yulu ya m'bili gwage, noo lubunga lwage; ²⁵ guitilwe uba mgichi gwalo, ulamana na ugilila Abetcha, wandihelwe uba alambwe enyu, nawiliche inwa ya Abetcha; ²⁶ lubisagulu luya lubishilwe aala nawa bibushi byose, bina hanobaununilwa bahaha bage; ²⁷ wine Abetcha abendiche ubamanya byauli bumbona bwa ugengeda wa lubisagulu lunouu Mioga, nabo noo Keleshito mnda mwenyu, maudagilo ma ugengeda ²⁸ guya nime beswe tulihusamba mwno gwage, na umlangulula mtu gegese wa lwengu lose, bululi tuoche ubahyicha batu bose uba bawilile wa Keleshito. ²⁹ Na nene nalihana wainwa yokaiyo, mulihane wa ugila mgilo gwage guya mine gulihugila mgilo mnda mwanyi wa uoma.