¹ Bibyo noo bimoninye Mlume ABETCHA; Lingamina,gubumbile njige hambele ha umenya biliwa mengo ma butogo; na loolwe, byine bimenine mengo ma mbula gya gicho gicho hanyuma ha usola wa oolo. ² Hahi hene hahwile njiga uyaa byaanyi bya sii, haho niganine, Ee Mlume ABETCHA, leelela nutongelela ; Yakobo gwigimana wii ? Yulu mchoo. ³ Mlume guleelele wa yuluya iyo ihisho. Ino ihishi ishibi, gwagana Mlume. ⁴ Bino noo bimoninye Mlume ABETCHA; loola, Mlume ABETCHA gugitile yulu ya uhimana wa ahyaa; nabo noo umaya mabenga mamata, oo nubenja uchigya mgala. Haho niganine, Ee Mlume ABETCHA, leya, nutongelela, Yakobo gwigimana wii? Yulu ii mcho mcho. ⁶ Mlume guleelele iyo ihisho nayo. Ino ihisho ishibi hoo,gwagana Mlume ABETCHA. V 7 Bibyo noo byeli moninye; na loola, Mlume geigimana alibu na ibambacha iyengilwe wa ululiya, guya aluliya ululiya na uboo wage. ⁸ Mlume gusambile , Amosi, wamona ii?Niganine, namona aluliya. Haho Mlume guganine, Loola , nibiya aluliya hawingi ha batu banyi Isilaeli; nishibahita iyaka ata ; ⁹ na ihana yiginyubu ya Isaka ibi mauwa, na ihana ya ihaha ya Isilaeli yidogiwa; na nene nichuwa na ugya uhumana na ndu gya Yeloboamu wa ahilu. ¹⁰ Haho Amazia, ibuli ya Betheli, guhilile mwano wa Yeloboamu, oolo lya Isilaeli, gee nugana, Amosi gwaita mmonywayulu yobemndanduu gya Isilaeli; sii gishinasha uhima binywa byage byose. ¹¹ Yulu Amosi gwagana bino, Yeloboamu gwiwa wa ahilu, na hashi ata iduba Isilaeli yiwaswa kole koo, gulimmambwe, gahume nda sii gyage. ¹² Iyaka Amazia gumsambile Amosi, Gogwe mine usumona, uligile lobe, uisine ibaloo ya Yuda, waye mkati uya, wabuwe uya; ¹³ bino ushibuwe iyakauya Betheli; yulu ii ihana ya ihaha ya oolo, nagyo ii ndu gya buoolo. ¹⁴ Haho Amosi gumgaile na gumsambile Amazia, Nene nishibele mbuwa, na nishibele mwana gwa mbuwa; nibele mmushi, na mlimi gwa bishembe. ¹⁵ nage Mlume gunguhile, handibele hulisha ihichi; Mlume gusambile,, Ugye ubabuwila Isilaeli batu banyi. ¹⁶ Bino, hanohulichiwe inywa ya Mlume; Gogwe ulihugana, Ushibuwe yulu ya Isilaeli, na ushidogome inywa yobe yulu ya Isaka. ¹⁷ wa bibyo Mlume gwagana bino; Mmachobe gubi sengu mmbuga, na baana bobe na misiha gyoba gyihagwa wa ahilu, na lubala lobe lwigabulwa wa mgichi; na gogwe mine wiwa msii gya bubii; nahashi adugwa Isilaeli gwihilwa koo mmambwe uhuma msii gyage.