¹ Nuulaga hambele a Abetcha, na hambele ha Klisto Yesu , mini kwempendela baya bale na mweko na Babu, yulu naubululwa wake na Buolo bwake. Lesambwe enywa ube tayali , umengo malingye na mengo mashilingye, hambele na ukemeye na Kumonya wahulitololecha na kikyo. ³ Bululi kechwa mengo ma bihanyu mkikyo kwa mweko, wa ulama malanga mabo bobene , belepatela bakikya bihichi bihichi yulu bale na matoo mashi mauhulecha. ⁴ Nabo bele bakola bashihuleche keya kiine, nukalwela eda ya lulimi. ⁵ Kwokwe ube na lengelelo wa bikoko byose, ulitololeche wa bubi, tuhite mkilo kwa hulisamba kwa mweko uhelelecha mkilo gobe. ⁶ Bululi mamo mengo nakiluchiwa na mengo ma lubu lwanyi lwahiya. ⁷ Nabihula bita bibenju, nahwa lwendo, uwasha nahuhusa. ⁸ Hanyuma habibyo, nabeelwa sala kwa kiine, yene Mlume kwa asusu mine Keene mkwempa lusuku luya; bibyo mushi Nene ka, na bato Bose bale bahunde ubukulwawake. ⁹ Ulilongye uchwa wande habelo. ¹⁰ Bululi Dema kwaashika, kuli hubenja ibalo hino ya mano mengo kukele Tesalonika; Kreste, kwakya Galatia, Tito kwabakala Dalmatia. ¹² Bibyo Tikiko nimilile Efeso. ¹³ Kikyo ngubo nikishigile wa Kalapo ubo Trowa. Holicwa hukilete na biya bitabo asa biya bye ebambe. ¹⁴ Eskanda ntumbi kwa shaba kumonyinye bube bwingi wanyi. Nlume kwelepa nehe bikilanywa byake. ¹⁵ Na kokwe ulibakule na huya, bululi kuhanyinye abisa binywa betu. ¹⁶ Ndaa aya asusu hanyi na hutola hashibele kukimene lubi lwanyi, bose bashikele nasaba bashibalwe bube wa etahiyo. Haho Abetha kukimene hamwechi nanyi, kumpele uhoma yulu yamkilokwanyikuya mwano kusambachwe wa uwelela, na bahuliche ibalo yose na nenenahonywe manywa ma tambwe. ¹⁸ Nlume kweponya na enywa yoyose ya hebee, na nunongya nahiye ii buholo bwake bwa ebalo yake ya hekulu, buhaha bunakee milumbu na milumbu. Bibe bibyo. ¹⁹ Salamwa wa Priskana Akila, na baya ba nduu mwa Onesifolo. Elasto kushamine Kolinto, Profimo nishikile ubo Mileto kushiosha. Ulioshe uchwa hamengo mapeho. Eubolo salamwa, na Pude, na Lino, na Klaudia., na bashi wenyu bose. ²² Mlume kube hamwechi na mtema kobe na kene chibe hamwechi nanyi.