¹ Paulo, mmtumwa kwa Klisto Yesu, was ubenja wa Abetcha; wa yulu wa alako a mweko ale wa Klisto Yesu. ² Wa Timoteo mwananyi mmunjwa . Keene chibe nobe , nulelela, Na talala kyuhuma wa Abetcha, Tata kwa Klisto Yesu Mlume myetu. ³ Nilihutona Abetcha, kwande hutambekela wa malanga mahaha uwanja hala a baolo banyi, banyi biyande uhengelecha kokwe ukelelela , wa usaba wanyibusuku Na chuba. ⁴ Na nene nelehubenja abisa umona nelehuengelecha luhanga lobe , yulu nakeluchwe Na sasoo; Nihuengelecha talala kwolinakyo ishi ya lububa ,yeene yeshamine umbele wa yaya kobe Loise, Na wee mnobee Eyonike, Na nene nawasha kokwe unakyo. ⁶ . eyo nehuengelecha usenge umana wa Abetcha , wee mndaa mwobe wa ubewa maboo manyi. ⁷ Bululi Abetcha kwasatuha mtema kwa boba, nambo koohoma na kuhubenja na wa mtema kwa ulitolelecha. ⁸ Bibyo ushi mone while ubangeseya wa Mlumyetu, wala ushimone abule nene mmambwa kwakee, bibyo uhembe bibe hamwechi nanyi wa yulu ya enywa , wa lengelelo lya uhama wa Abetcha. ⁹ Mine kwatuhonya na utukita wa ukiswa wa buhaha , ushi wa lengelelo wa bikelanywa byetu beswe , kwa lengelelo wa bikelanywa byetu beswe, kwa lengelelo wa ebalo yake me na Keene chakee. Keene kikyo, tuhelwe wa Klisto Yesu milumbu na milumbu. ¹⁰ Mano mengo yamoneya nubukulwa wa mmonya kwetu Klisto Yesu ; mine kukalule lubu na ubukula mweko kushi kuhudoga , wa eya enywa. ¹¹ Yulu ya eyo nibilwe nabe mlesambi na mtumwa na mkikya. ¹² Wa Yulu eyo napaswa na asusu aya nishidambu Mme bululi mammanake kwande washishe nowasha ukana kulehuwosha uhusa eya nde mpiye bumona wakee na loya lusuku. Ube ntu kumoneya wa binywa bya mweko bye ulehuliche wanyi wa uwasha na uhunjwa wendaa mwa Klisto Yesu. ¹⁴ Uuse wa buya bumona bibenju wa mtema kwa kuhaha kuhushama mnda mwetu. ¹⁵ Wemane mwano kuko, ukana bose Bale Azia, bambakula, bene be umikongo kyabo Figelo na Hermogele ¹⁶ Mlume kabahe keene baya umlango kwake Honesfore , yulu ya nyendo chingi kwatololecha, wala kwasamonena abale uhamba wanyi. ¹⁷ Hene hebele hano Lumi, kwe kingile wa uwoma kwipashile. ¹⁸ Nlume kamme umona keene umeso ma nlume lusuku luya. Wa biya byale ngilele wa bingi ubo Efeso kokwe.