¹ Naa nambe bambuwa baa lulimi baakimane hapanga ha batuu ,nahii hapanga henyuu byoka biya bya beeba bakigya ba lulimi bene biichwa uugingecha mmhano kwa buuwasha bwa lulimi wa lubisakuule, booba huulichingoola ataa Mlume mine kwiibakulile, haabiba huu liitata bobene uuluutogya lwene kishi baa siinga. ² Naa batuu bengii biilama bikoko byabo bya pite na maseii; naa wa buululii bwaba ndeela kya Keene kyiituiwa. ³ Naa ntaa hubenja biiliiha bobene alambwe wa ndeela kyenyuu naa mitokominyi kiibii. ⁴ Wa yuulu kwa huuba Abetcha kwa sahuulecha malaika mengo mene mabilubile , ila kusibatelile mmeena , naa uu babeeya ntaa buuhambwa bya ntoo baahembwe lusuku lwa uususuwa. ⁵ Naa kwishilechiche tunguu lya alaa , ila kwiichungiile Nowa hamwechi na bange mnjwee, mneesambi kwa kiine,mengo magee leshila maatii hakuluu ha Pungu lose lwa baya bene bashiba seena Abetcha. ⁶ Yaka kee nusuusula mabuuka ma Sodoma naa Gomora haauuma kalucha na huumaleta mntoo, kee kiila biya yuulu muube Mnlengiileesho wabo bene biishama wananguu uuseena Abetcha. ⁷ Kee nuhonya Loti ,kuya mine Keene ,mine kweechigelelwe abisa na mkyashichi kwa maseii baya babeeya, ⁸ Yulu kuuno ntuu mine kwa kiine kwa hushama mpanga Mwano , wa umona na uuchulicha , naa uuliisuusuula nntaa Mteema kwake kwene kiine masuku mose wa bikoko byabo byene bushings ndeela kiibenjuu. ⁹ Mmbe Mlume kwahuuchwa namuna nahee nuhonya bahaha nntaa uutonjwa naa ubeeya bene bashi nteela keebenjuu. ¹⁰ Nambe abisa baya biihuulonda mmpiilii nntaa iiteema ya bikoko biibee na uunenuwa buuhela . ¹¹ Bene bii huutonda bahuulonda mapenji maabo bobene , bashihutonda hautuwaa bya lwengee, nambee ii malaika bwene ii bauulu abisa wa uuoma weene , bashihuuleta nsambeekanya Muubee ha egulu habo hembele ha Mlume . ¹² Nambe baano ,nahii bichimu bishii na lwenyi, baabushilwe nahii nyama kaa baauu waswa na uuchiminywa , hauutuwana nntaa binywa ( milanduu ) kya beshikitee beetokiwa nntaa lutogya lwabo, ¹³ Huuhewa buubee nahii Alambwe ao uukiila buubee , haabee seelela nntaa boolwa mengo maa nchubaa ,bileko na biihuunguu leelo, huulonda buulonda buuhugii nntaa uuselela wabo wa luundo mengo mabiihukiila saso hamwechi nenyuu; ¹⁴ Baa meso mene ii makiiluchu naa maasei ,batuu beene bashihoosho uushika na bolobechiwa nntaa buuwasha ; baana baa mmpendo. ¹⁵ Bahuu leya nndeela kya Balama mwaana kwa Beori, mine kiiundjile Alembwe aa buuuhuuliihulii. ¹⁶ Naa kwiiambelwe wa uuluuba wake kemine; Linda kishioosha uutokoma kya huutokoma na liitee lya ntuu kwa huuchibela miishi kya eeya eebulii. ¹⁷ Bano iibishima byene byena matii ,naa malisuu meene miimakuhwe na ii mbee luutii; beene baa biiwe bembe ao luuhiinda buuhisu bwandoo. ¹⁸ Yulu biitokome biinywa byuulu bya uunenuna , baliihuutendela nntaa eeteema ya mmpelii ,wa maseii, batuu baandjiche uuseena baya been uushama nntaa buuhugii. ¹⁹ Bahuuliisamba uulechwa , nabo bobene ii baacha ba luutogya ,yuulu ntuu kabe iiswa naa kuuno ntuu, kenyike byoka biya kwaleshiwa nntaa buucha. ²⁰ Wa yuulu baya basinine uusubuwa wa mmeebaloo wa ndeela kya uumana Mlume naa Mmhonya Yesu Klisto , nahii bahuuwaswa wa eenywa eeno yaka naa uuiswa , mshaminyi kwabo kwa eesuula kwesiile kuubee nanguu nahii kwa gutangii. ²¹ Yuulu bwababa bisoka wabo nahii bashabamana ndeela kya keebenjuu , uuhita uumana , uuhwa uuleya aya alako Ahaha aabeehelwe. ²² Naa yatobowa yuulu yabo uuhutana na mibanga kuya kwa Keene : Aawa aahusuwelela biselwa byake weene ,naa ngulube lyene kyakogwa kyahuusulela yaka mmpiswaswa byake.