¹ Niihutela iibumbu baata bene balii hoponda henyu nene mine nii mmataa hamwechi nabo, mmpangeseya kwa maasusuu ma Klisto, naa mshamii kwa lwengee lwene lwii ununinywa. ² Liishwee iihichi ya Abetcha yene yii hapanga henyuu, mmuubakimanina , ushi wa uuoma, ila wa wa mapenji, nahii Abetcha byagee huu unda; naa ushi yuulu ya bumona bwa eeyoo, ila wa malanga miiho. ³ Na mushihyelele uulolelwa wa mweehelwe, ila mmbee na milengiilecho kya uugiganya wa iiya iihichi. ⁴ Naa mengo Mmuuchi kwa mhela hagemoneya , mwiihewa alambwe aa lwengee ashibatoka. ⁵ Byoka bibyo benywe lwenyuu bawa lubaga muube na iiuli uu baata. Naa benywe Bose, nnehambele uulisacha yuulu mmtumigiilane ; wa buululii Abetcha eehuhetana na bene bina eebulii,naa kwiihubaha baa uulisacha keene. ⁶ Mniisacha abisa hasee ha unoo wa uuoma wa Abetcha, yuulu kwa ntone benywe wa mengoo make. ⁷ Bakenyi ususuawa wenyu wose yuulu take, wa buululii kenyike kwehuu monya benywe. ⁸ Muubee na uliingilesha wa uulola , mpee kwenyuu. Agenga, nahii tambwe kya tuuka na uuchunguuluwa chunguluwa hauebe ntuu kyiimine . ⁹ Na benywe muu heetane nakyo nakyo nndaa buuwasha bwenyuu mmuumana muba asusuwe ayaa abiya aahuuwiilela uubandugu henyuu bene bii mmeebaloo. ¹⁰ Naa Abetcha kwa Kene chose mine kwambuucha benywe uugingela nntaa lwengee lwage lwa milumbu nntaa Klisto, mmbee mwa huuhwa uususulwa wa mengo chinee ,kenyike mine kweennongya benywe naa uukimiiya benywe naa numpenja benywe uuoma. ¹¹ Wake uube uuhyelela ataa milumbu na milumbu Amina. ¹² Wa uuboo wa Silvano, mnshiwetuu mmpwasha nahii byandii baampala, naa mkolela benywe wa binywa niche nnii huumhaa mhano naa uumbangiisiiya wa uuba geeno na kenee kya Keene kya Abetcha; kimanywe miima nntaa mwagee. ¹³ Minenyuu kwii nntaa Babeli , msobolwa hamwechi, kwa huu nntanya benywe , naa maluko byokabia , mwana nanyii ¹⁴ Muutanyane wa uuchunjwa miswe wa luundo. Talala kyeeba wenyuu bose bene balii ntaa Klisto.