¹ Bino byoka bibyo benywe baachi mubee na eeulii ubalume benyuu benywe; yulu byahuba baange bashi huba na eeulii uu iinywa, babuulwe wa lwendo lwenyu lwa baachi Baboo wa bila nnandoo. ² Babehulola lwendo lwenyu lubenju ,na wa booba. ³ Uuliibenja wenyu ushibe wa Uuliibenja wa ushingaa njuli, na uuchwala bituu bya noloo, wala uuchwala bichwalanywa . ⁴ Ii uba wa ntuu kwa mteema , kwishi kwa uumone , mntaa mwa uulibenja wene uushi wa uudoga, naa mteema kwa uuhola na kwa pii kwene kwa beyi lyuulu uumbele wa Abetcha Pungu. ⁵ Bululii byoka bibyo baachana babahaha babuu liibanja alaa bahiloomutangiila Abetcha, boo muuhuulila ubalume baboo; ⁶ Nahii salaa mwiikee huuliile Abalahamu hakiibele huumpuchaa Mlume ; na benywe ii baana bake nambe mwa huugila bisoka na muushiuambilwa wa booba bobose ⁷ Bino byoka biya benywe baluume, mshame hamwechi na baachi benyuu wa lwenyi , na umma mmachi uunyema ,nahii yombo yene yiishi eeomu nihii benywe, nahii bia pyanaa hamwechi wa keene cha mwegoo, buhukii masabo menyu mashichibelwe. ⁸ Wa uuhwa, mubee na langa limwechi, baa yaano, muundane nahii babuswa, beene Mteema kwa Keene, bauhootelelela; ⁹ Batu bashiba suuwecha bukiiko wa bukiiko ao misoboo wa misoboo, iila miihaa buuhulii mwa buchiwa wa binywa bino , yulu muhiane miihaa. ¹⁰ Wa yulu kenyike mine kwehubenja mwegoo , na uumona lusuku lubenju ,kuchibeeche lulimi lwake lushi tokome buubee , naa milomo kyage kishidogome iibee. ¹¹ Na uleya buubee, naukiila bikoko bisoka; na uueba talalaa na uugiilamaa abisa. ¹² Wa yulu meeso ma Mlume mii hakuluu habene bashi naa atoogwa. Na matuu mage meeuhulecha masabo maboo; na Yenyi ya Mlume yee hekuulu haa bagila buubee. ¹³ Naake iinanyi mine gwebabongol benywe mwahubaa bene asalulu nndaa binywa biya bwene bibenju. ¹⁴ Naa nambe mwahuu susuwa yulu ya chigelwe, mwena huluhulu. Mushi seene yulu ya boba bwabo, na mushichikeleelwe. ¹⁵ Mube masuku mose ugaa ntu kekese mine kwebucha mwano kwa kutagiicho kyene kyee ndaa mwenyu, na mushichikelelwe, ¹⁶ Muubee naa malanga mabenju, ataa mengo mabee huunchingeela benye baa moone abuule, bonyibo bene biihuutuwana mnkyashichi kyenyu kuubenjuu ndaa Klisto. ¹⁷ Bululii ii alambwe uususuwa wa uukiila bisoka, byehuuba hubenja wa Abetcha, naa wanaanguu uukiila buubee ¹⁸ Wa yulu Klisto byoka biya gwesusuwe lwendo lumwechi wa yulu ya buubee ,mine chikelwe wa yulu yaboo benee bashi na keene ,yulu kwa tuuhicha wa Abetcha, kenye nuuwaa ndaa mwa models, naa kenyike noo uchulwa ndaa mwa mteema. ¹⁹ Ndaa mteema guuno kee nuukya byoka biya naa uusambeela wa mteema bene bebele bahambwe. ²⁰ Beene bashibele noo ulisacha alaa, mengo maa utolelecha wa Abetcha hawiibele huuhembecha wa masuku maa Nowa, mengo wato safina hiibwiibele huubachwa, ndaa mwake bachee, batuu eenana bene beehonine uuwa na madee. ²¹ Mnlengiileesho kwa milando keeno ii uuchunjwa weene wee huumonya benywe bino, uushi uuhunya eeyoo ya mmpelee, ila ii uugaa wa buuntuu bwene uumbele wa Abetcha, wa ndiila kya uuchwa wa Yesu Klisto. ²² Mine kweeba uuboo wage wa mlume wa Abetcha, kee ubaa kwehuukya hakuluu umali su, malaika na uuoma wa wingi heebwehwa uusachiwa uusee wage.