² Nahee biya Abetcha Tata mweekibangilwe uumana benywe nndaa mwa buhaha bwa Mtema, wa iihulichi na uuhongolelwa mashi ma Yesu Klisto: Kenee na talala byongechwe wanlii. ³ Atonywe Abetcha na Sake kwa Mlume myetu Yesu Klisto, yulu nndaa kene chake chingi, gwetuhele unge ubuswa uhya yulu ya kutagicho kya mweko. Uu kunda kya uchuwa wa Yesu Klisto mpwingi mwa babuu. ⁴ Yulu ya buhyanya bwene bushiba na iisula, na bwene bushi subulwa ao bishi honga, buchungilwe hekulu yulu yetu. ⁵ Na benywe bene mwiibele huchungwa na uuoma wa Abetcha uhiitela buwasha . Yulu ya talala kyiilii biwe yulu ya ubukulilwa uumengo ma isula. ⁶ Nndaa mwake mwaselela abisa byahoba bino uumengo machoo, nambe na mwachigilelwa na utonywa wa halee na halee. ⁷ Yulu ya utonjwa wa buwasha bwenyu, bwene bwa Alombwe ataa uheta noloo cha chitoguu mwachinabiwa wa ahya yulu ya uchitonda nambe machoo, uumoneya na Pundaa na buhaha na bunyemu wa ubukulilwa wa Yesu Klisto. ⁸ Na kenyike mine kwa mushihumona muhumunda ,nndaa mwake ata byahuba mushihumona, nambe mwahumpasha , muhuu selela abisa wa saso liingi lyene lishinaganywa , lyene ligilule buhaha. ⁹ Mwahuu kaaa isula ya uwasha wenyu , uuhona wa bichulichuli byenyu. Wa mwano kwa uhona wenyu unoo mbua chiebele na uchebelecha, baya biibuile yulu ya Keene chene chibahiila benywe. ¹¹ Beengiche na mengo genge mumuna Mteema kwa Klisto mine kwee ndaa mwabo kwe kimonyinye mengoo miigii bangeeseye hambelee ha uususuwa wene weechwa uususuwa wa Klisto, na buhaha bwene bwa weelama. ¹² Boonuu ununinywa wa ubaa ushiyulu yaboo bobene yulu yenyu tu begilile mmtaa binywa Bino ,byee tokomwee na tewa mabiila wa mwelii na Bino na baya bene beetele mabiila benywe Mwano kwa mweko kwa Mteema kwa kuhaha minekwihililwe uuhumina hakuluu milandu kiino malaika baliihubenja uukingeelela. ¹³ Wa Bino, mwa huuhamba mwendaa kya malanga menyu , mine bene bina huu , kimanina muu utagela wa ukeeleya. Keene chimwe cha uhewa nndaa mwa ubukulilwa wa Yesu Klisto. ¹⁴ Ni hii banaa ba eeulii mushilegiganye na eetiima yenyu ya etangii ya buhukii bwenyu. ¹⁵ Nambe genyike mine kwa mpucha benywe ii mahaha , benye byoka biya mmbee babahaha nndaa lwendo lwenyi lose. ¹⁶ Yulu ibikolwe; mube bahaha ; wa uba Nene nee mahaha. ¹⁷ Nambe mwahu nkesha Tata, kenyike mine kweba biindila kekese ntu wishi wa uutakiila lubii, uhiitiila nkelo kwake , mngiliileele na booba nndaa mengo chenu cha ushama hano nihii bange. ¹⁸ Mumana mwii hokononywa ,ushi wa bitundu byene byebatoka wa bumona ao noloo , muhume ndaa lwendoo lwenyuu lushilwa lubenju lwa mweehelwe na ba masenyuu. ¹⁹ Yulu ya mashi ma bei liingee; nishi ma moo Kwene mushi na eelema ao na abandee, mashi ma Klisto. ²⁰ Na kenyike kwee manywee kiine hambelee ha uubiiwa wa bihanda bya Eebalo, nake kwa ununinywa wa usula ya mengo yulu yenyu. ²¹ Na benywe yulu ya ndeela gyage mmpwashe Abetcha eene anchwuila uhuma mmpabuu na uumha buhaha; na uwasha!wenyu na gutagelo kyenyu byebe nndaa mwa Abetcha. ²² Mwahuchwa uhahacha bichulili byenyu wa eulee kiinee , ata utahila luundo lwa kiinee lwa nduguu , muundane wa naho naho wa Mteema kuhaha. Wa uuba wabuswa ihyaka, ushi wa matete mamadoguu ,wa maya mashi mamadoguu, wa nnandoo kwa Abetcha kwene kwa mwego kwene kyiihusiinga wa milombo. ²⁴ Bululii mpele gose iinihii byanyi. Na buhaha bya bose nahii asusu AA byanyi. Byanyi byahukuma naa asusuake eeba iila hase. ²⁵ Na nnandoo kwa Abetcha Pungu kweshikala milumbu na nnandoo kuunoo ii nnandoo kuuya gubenju gyedogomwe wenyu.