¹ Wo Mɛlkisedɛk tinminsalɛm salɛm masacɛ ni Yaamasa kɔɔtaniba kasaakalashebga ye. ² Ibrahim kwɔseki shɔ ka bɔ Masacɛɛ pkajaara, mɛlkisedɛk r'e t'a kubɛ ka dubaw kɛ a ye. Ibrahima le r'a ka fɛw byɛ ygaa bɔ ka ji a ma. mɛlkisedɛk tinmin teeniya Masacɛ ye gare. A tgɔ kɔɔ min wee. A tinmin Salɛm Masacɛ kun; wo kɔɔ wo ɛrɛ Masacɛ. ³ fa t'afɛ, ba t'afɛ, bruju t'ara. Tee damlan t'ara, shi laban t'ara. Nŋa a kɛra Yaamasa dincɛ bɔnŋɔnkwo ye, ka saaka lashe bgye badaa badaa. ⁴ Yahutuw bemacɛ Ibrahima r'e fɛ shɛniw ygaa bɔ ka ji min ma, a' wotgi boɲaa fɛɛ. ⁵ Levi bɔɔnsɔn miinnu dun Saaka lashebgaya baaraa ra, cee min wuw boora ka ygaa mlan Israɛl mŋɔw fɛ ka kanɲa ni sariya wee. Wo kɔɔ o, aa ra mlan aa shiya nŋɔnw fɛ, hari ka sɔɔ wuw byɛ min Ibrahima bɔsɔnw ye. ⁶ Mɛlkisedɛk ti Levi Bɔɔnsɔn, nŋa ee ygaa mlan Ibrahima fɛ. Yaamasa tin min ka layruta mŋɔ min ye, ee dubaa kɛ wee. ⁷ Ayiwa, dubaa ji bgaa ka ni a sɔɔbga ye, sɔsɔri ti wora. ⁸ Saakalashebgaw ka pan fɛ, miinnu tin ygaa mlan, wuw tinmin mŋɔ sataw ye, nŋa Mlkisedɛk ka pan fɛ, kitaabu wee shɛrɛyaa kɛɛ min kwora, wo ɲranman no, weree ygaa mlaan. ⁹ An sh'a fwɔ kun ko Ibrahima ygaa bɔɔ sgan min na, Levi bɔɔnsɔn miin yga mlan, wo byɛ ygaa bɔɔ wo waatii wee r'a. ¹⁰ Katgu Mɛlkisedɛk taa Ibrahima kunbɛn sgan miinna,Levi tinmin a bɛnmɛncɛɛ srora ban. ¹¹ Sariya miin jira mŋɔ, Levi ka saakalashebgayaa jusgini min wee kan. Nin dapanin yaa tin sɔɔ saakalashebgaya, kun tin t'ara saakalashebga kpɛɛman n'a sgi, wo r'a kɛ Mɛlkisedɛk tgoo ra, a k'a kɛ Arɔn tgoo ra. ¹² n'arasɔɔ nin saakalashebgaya baara wee yɛɛma, wajibi ro sariyaa byɛr'a yɛɛma. ¹³ Wo kwow fwɔra an Matki miin ka pan fɛ, wo bɔra bɔɔnsɔn kpɛɛma na. Wo bɔɔnsɔn shi tinti baarakɛ saakabɔnaan kɔɔ. ¹⁴ A pyɛninno ko anMatkgii min Zuda bɔɔnsɔn ye. Musa komana saakalashebgaw ka kwoora, a ma fwoyi fwɔ Zuda bɔɔnsɔn ka kwora. ^{15 17} A piɛnino ka tɛnmɛn wo kan, ko nin saakalashebgaa jɔ kpɛɛman sgi, miin bɔnimin Mɛlkisedɛk fɛ, wo kɔɔ o ko saakalashebga ma sgi ka kanɲa nin mŋɔw ka sariya fwɔniw ye, nŋa a r'i sgi a yɛɛ ka ɲranmanyaa shebgaya wee baaka ra. ¹⁶ Katgu shɛrɛyaa kɛra a kwora ko: E min saakalashe bga ye badaa badaa Mɛlkisedɛk tgoora. ¹⁸ Wee kanma, sariya cefwɔni kɔɔw wrira a'ka baakatanyaa ni a'ka nafatan ya kanma, ¹⁹ kasɔɔ saariya man she ka fwoyi dapa. Nŋa pan kpɛɛman fɛ, dgi pisaman sgira, an she k'an kpaa Yaamasa ra wee baaka ra. ²⁰ wo kwow ɲanabɔra nin Yaamasa ka kii byɛ ye. mŋɔ kpɛɛmanun kɛra saaka lashebgaw ye, nin kii tɛ. ²¹ Nŋa Yesu sgira ka kɛ saaka lashebga ye ni kii ye. Yaamasa r'e y'a fw'afɛ ko: Matgi r'i kii, wo ti n'a yɛɛma ko: E min saakalashebga ye badaa bada. ²² Wee kan Yesu kɛra layru min sga wee, wo ka pisa nin gare ta wee. ²³ Pan kpɛɛman fɛ, wo saaka lashebgaa kɔɔw tin ka sha, katgu sayaa kanmaa a' tin ti myɛn. ²⁴ Nŋa Yesu ɲranman wee to badaa badaa, wee kanma a ka saaka lashbgaya ti yɛɛma. ²⁵ Wee kanma kun, miinnu na kpaa yaamasa ra aye boora, ee she ka wuw krishi fw'a labanna, bari a ɲranman no badaa bada ka Yaamasa daare a' ye. ²⁶ Saakalashebgaw kuntgi min bɛn an ma, wo min a y'e ye. A senuman no, kɔɔnna dguya waama nŋɔn ja shi t'ara. A paanimun ka bɔ jrumunkɛraw la. A kɔɔtara sankoow sanfɛ. ²⁷ A mŋɔ t'ara ka saaka bɔ dun odun a yɛɛ ka jrumunw kama ban, wo kwɔ, k'a bɔ mŋɔ kpɛɛman ka jrumunw kanma, nafwɔ saakalashebgaw kuntgiw tin na kɛ tinmiin shi, ka sɔɔ a r'a yɛɛ ji, ka kɛ saaka ye sgan miinna, ee wo kɛɛ shaan kenpe. ²⁸ Mŋɔ miinnu baaka ka dgɔ, sariya wee wuw sgi ka kɛ saakalashebgaw kuntgiw ye. Nŋa Yaamasa ka kii koma miin naa sariyaa kwɔ,