¹ Wo kama, badinw, yaa masa laa ye minnu kri k'aa kɛ a taw ye, aa ye laa Yesu fɛɛ, min mu yaa masa ka cedin, ni sakala shegaw kuntgiba ye yaa masa ka sra la an min kuo fuɔ ² Yesu kɛla kantgi ye yaa masa ɲakɔɔ a ka baara biɛɛ la n'a fuɔ Musa tun kɛla kantgi ye a ka baara biɛɛ la yaa masa ka sho kɔɔnna tgo min na ³ Shojɔbga tgɔ sɔɔ ka tɛmɛ a ka shoo jɔnin ka tgo min na, wo tgo kee na,Yesu jɔja ka buun ni Musa ta ye. ⁴ Ayiwaa, shoo biɛɛ nan jɔbga lo, nga mɛn fɛɛn biɛɛ lajɛnnin dabga yaa masa lee. ⁵ Musa wkin kɛla baarakɛla kantgi ye kuoo biɛɛ la yaa masa ka shoo kɔɔnnan. Yaa masa komaŋɔn tun no. Nga mɛn krisita min mu yaa masa dincɛ ye wo kɛla kantgi ye yaa masa ka sho kɔɔnan. ⁶ An n'an dgiya da fɛɛ min ka, nan k'an yra owe ya ka da wo la kuosɛbɛ, aan nan kɛ a ka shomgow ye. ⁷ We kama, ɲin senuma y'a fuɔ ko: N'aa ka kan mɛn bii. ⁸ Aa kaa dosokun gwreya e ko ba waate ra, kɔɔtgɛlidun nan kogoko kɔɔnnan. ⁹ Wo ja la, aa faw laa bahe yaa masa ma ka kɔɔbɔ. Ka sɔɔ ne kuo min biɛɛ kɛ sa bi naani kɔɔnan, aa wo je. ¹⁰ We la to nee jinmin aa kɔɔ, ne y'a fuɔ ko nunu kuin nan to la waate biɛɛ, aa ma ne ka sra dɔn ba. ¹¹ Djimininkuodgu fɛ ne ya fuɔ ka gwreya ko aa tinan sɔɔ ka dun ka lafiɛnjaa la. ¹² wola badinw, aa biɛɛ l'aa yɛɛ mlan aa shi ka kɛ mgɔdgu ye, danabiya kaa n'a to a le kaa ba ɲintgi yaa masa la. ¹³ Nga mɛn aa nŋɔn laji dun wo dun hali ni wee kɛ waateya kuo ye, min fuɔ e ko byi yaako yacɛ kana mgɔ shi bla tookwevaa la. ¹⁴ An nan damlan ni dgi min ye , n'aan ka to wo ka fuɔɔ a da naan, wola, an min krisita tgɔnmonŋɔn ye ¹⁵ A fuɔla yaa masa ka koman nan ko:N'aa ka yaa masa ka koman mɛn byi, aa ka dosokun gwreya e ko aa faw banan yaa masa tgo min nan . ¹⁶ Mgɔ jɔnnu yaa masa ka koman mɛn ka ba? Musa bɔla nin minu ye Ezipiti jammanna la, wuu lo. ¹⁷ Yaa masa jimminan jɔɔn nu kɔɔ saan bi naani kɔɔnnan? Minnu yacɛ kɛ n'aan shuw tola koŋoko kɔnnan, wuu lo . ¹⁸ E ko jɔɔnnu tina dun a ka jaa labɛnnin nanka lafiɛn ? Wo baabgaw tɛ waa ¹⁹ Wo la, an man jela fannan k'aa ka dananbiya kan man, aa man she dun