¹ Ayiwa, an lamrini mu nin shere shanman ye minkɛ, kuo wo kuo laa ka bii ngashi, aan wo biɛɛ dabla .Yashɛ min ka teli ka she an kɔɔ ,aan wo dabla . Bii min man siin kɔɔ, aan kaa dgɔbɔ wo la . ² Aan ɲan jɔni to yesu ra wo min mu an ka danaya bɔja ye, n'an laba ye. A sɔnnan ka sgɛ gwegweyri ko , a man muɲan yɛɛ jate, bari ɲinshɔnja min tun man kɔnnan , a ɲan tun mi wo la . sisa, a sginin mu yaa masa krinbo ra. ³ Wo la do, wo min tɔɔrɔ shanman munɲu yashɛkɛlaw bola, aa hakri to wola yaako aa kaanan sgɛ, k'aa pii pga ⁴ A ye vurumin kɛ yashɛ kanman, wo man she yuu bɔ man ba no. ⁵ Aa rɲannan dinfaw ka lajili ɲunnun nan le waa? A ko :N'diin , kanna e ba yaa masa ka lajili man. N'an min lajila, E kaa e pii pga. ⁶ Bari mgɔ min kuo ka ji mantgi ye E wee laji . A sɔnnan ka min kɛ a din ye , E wee ɲan wgan . ⁷ Aa ka hɛrɛ kanman lo aa min tɔrɔla yaa masa laa mlan nanfuɔ a dinw .Din jɔɔn min ɲin nan fa ta laji? ⁸ Yaa masa la ka dinw biɛɛ laji. N'a t'aa ye laji, wo sgannan aa ye ta dinw ye, aa ɲanmgɔdin nee ye. ⁹ An ne woofaw laa laji , an ne sɔn aa taman .An fa yaa masa min mu ɲiin tgi ye, mɔn nan an ti sɔn wo ta man k'aa to ɲii nan ? ¹⁰ An woofaw ka lajili min waateni kuo lee, aa tun naan laji ka kanɲan n'aa ka hakrinan wee.Nga mɛn yaa masa l'aa laji aan ka ɲan kanman wasa kan kɛ mgɔɲanmanw ye na fuɔa yɛɛ. ¹¹ N'aa min lajila waate min nan, a man ji dɛ! Wee dgie la. Nga mɛn kɔfɛ, li nafa nin hɛrɛ ni teeniya ye, ¹² Wo kanman, aa boo pganiw kɔɔta, aa sin minnu dgidgi, ka wo jɔ ka ɲan . ¹³ Kasrateni tgɔman, wola, minnu sinkee man ɲiin, wuu sinka mgu, Nga a la shɔn. ¹⁴ Aa ye laa banman, hɛrɛ laa sɔɔ aa nin mgɔ biɛɛ shɛ .Aa lee kaa piye franɲi wo tɛ mgɛ shi tinan mantgi je . ¹⁵ Aa yɛɛ mlan wasa mgɔ shi kanan e ba yaa masa ka nɛɛma nan . Dri shi kanan kɛ yridgu ye ka wri aa shɛman ka nŋan mini dun ka mgɔ shanman halaki. ¹⁶ Mgɔ shi kaa kɛ kakala ye, waaman yaa masa ɲansrabii ye, n'a fuɔ E zawu, min nan ka kɔɔya pii dunni nan. ¹⁷ Aa la bɔn ko wo kɔfɛ, a tun man fɛ aa fa laa duba kɛ a ye, nga aa lee ya ba. Ee daareli kɛ nga wo man ɲan . ¹⁸ Gale gale mgɔw gwaala yaa masa ka kru la tgo min nan mgɔ she ka mgan min nan, aa man gwaa wo la tin. Wuu fiɛn lee ni kaba fiin , ni jibibaɲi safiin dguw, ¹⁹ Ka bruru fiyɛnkan ni komakanba mɛn .wo mɛn bga man she, aa lee ko yaa masa ka koman aa fɛ kun .Bari sariya min tun sgi la, aa tun ti she wo kɔɔ . ²⁰ A tun fuɔla ko: mgɔ shiman kan ka yɛɛ kru ɲiin ka, hali biɛka. Nin fɛ wo fɛ ka yɛɛ, wo ka kan ka buin ka pga. ²¹ Kuo ɲin ɲnansra tun ka buun , fuɔ musa lee y'a fuɔ: Ebe ne min yɛɛ yɛɛla sraya kuo dgu fɛ. ²² Nga mɛn aa ye kwiin, kwaa la siyɔn kru nin ɲintgi yaa masa ka dgu la, ninwo min sankoo Zeruzalɛmu ye, ki kwaa mɛkɛ shanman shanman nan nii wuu min ɲannanpiɛɛ la. ²³ Mgɔ gale minnun tgɔ sɛbɛnin mu alijina la, aa ye kwaara wuu la, ka kwaa yaa masa la, adamadinw biɛɛ kitibga wo. Mgɔ teeni minnu l'a nankun dapaa aaye kwaala wuu la. ²⁴ Yesu min mun bɛkula shinjibga ye, aa ye kwaara wo la, a bishi min bɔnnan, aa kwaara wo la .Wo bishi wee fɛ ɲannanman ji a man ka tɛnmɛn Abɛli ta ka. ²⁵ Min mu komanan aa fɛ, aa jelaja, aa kaa ba a ka koman nan. Bari gale mgɔw banan yaa masa ka koma fuɔ bga la, min tun min aa shɛman dgu koo ka. wo la, aa man krishi yankwan nan . Min nin to alijinan l'a ka koman an fɛ, n'an k'aa ba wo la, an ka ɲankwan ta tɛmɛ gale mgɔw ta ka waa? ²⁶ Min komankan tun dgukoo dgudgu, sisa wo ko: Ne n'an to dgukoo laa dgudgu shi ɲan kee kun, nga mɛn a ti nan da wo man, sankoola fannan ɲu nan sɔɔ a la. ²⁷ Na ka fuɔ ko ( shyan kee kun ) Wo kɔɔ ko fɛ minnu nan dgudgu, wuu nan trun. Minnu ti dgudgu, wuu lee to ɲin . ²⁸ Ayiwa, yaa masa nan sgi jaan man min ti she ka shɛn, wola, aan fuo ka a bata, ka kanɲan nan yɛɛ sako ye, ni yɛɛ mandgi nin sra ya wee. ²⁹ Bari, an ka yaa masa min fiɛnlee min shiɛnni kɛ.