¹ Shɛn na baremanw, ne ma she ka koma aa fɛ nafwɔ Ɲin Senuma sra tgɔnmabgaw fɛ, nŋa ne koma na aa fɛ n'afwɔ dyɛn sra tgɔnmabgaw fɛ, n'afwɔ dinwleni nun Krista ra. ² Ne nɔnnɔn wee jii aa maa, n'ma sgo ji aa ma, bari aa tin ti she ka duni kpriman dun, ari biin aa ti she wo dun. ³ Bari ari biin aa mi dyɛn kwow sra tgɔnmabgaw ree ye. ktgu ceerenya ni komaminsinw miinnu m'aa shɛma , wuu t'a yra ko aa mi diyɛn kwow sra tgɔnmabgaw ye wa? Aa ti tgɔnma na andamadinw ka tgoya we ra wa? ⁴ Ni jɔ k'a fwɔ ko; «Ne mi Pori ta ree;» jɔ kpɛɛman ne ko: «Ne mi Apolɔsi ta ree,» wo ti andamaadinw tgo ye wa? ⁵ Apolɔsi mi jon ye, Pori fran mi jon ye? Yaa-Masa ka baaradin nee mu, aa danaya kɛɛ miinnu sababu ra, Matgi r'a ka baaraw jɔɔ karifaa miinnu maa. ⁶ Ne dani kɛɛ, Apolɔsi re ya sɔn, nŋa Yaa-Masa e r'a fiin. ⁷ Wo tgo ra, mi dani kɛɛ ni miin n'a sɔn, wu i fwoshi ye, fwɔ Yaa-Masa miin n'a fiin. ⁸ Sisa, miin dani kɛɛ ani miin n'a sɔɔn, wuu ka kan. Yaa-Masa na wuu biɛ ken-ken saa ka kaɲa ni aa ka baara kɛniw ye. ⁹ Bari, an ni Yaa-Masa mi baarakɛŋɔn ree ye. Aaye mi Yaa-Masa ka ji ree, a ni a ka sho jɔta. ¹⁰ Nee sho juu sgii ka kaɲan ni Yaa-Masa ka nɛɛma jinin wee ne ma, n'afwɔ shojɔra hakriman. Sisa, mŋɔ kpɛɛman shɔ jɔɔ wo ju wee kan. Nŋa biɛ ken-ken n'a yɛɛ kɔɔshi aa ka sho jɔ tgoo ra wo kan. ¹¹ Ju miin sgi ra, wee Yesu Krista ree. Mŋɔshi ti she ka jɔ kpɛɛman sgi wo kwɔ. ¹² Sisa, ni mŋɔ jɔ ka sho jɔ wo juu kan ni sanu ye, waamaa waripiɛ, waamaa sende sgɔn gwrɛnw, waamaa yri, waamaa byin yaren, waamaa ɲɔnkaaw, ¹³ a biɛ ken-ken we baara miinu shi kɛɛ, wo na yra. Wo na dɔn kiti tgɛ dun, sabu fiɛɛn na a yra.Mŋɔw biɛ ken-ken ka baara na kɔɔbɔ fɛɛn fɛ, ka a shi dɔn. ¹⁴ Ni mŋɔɔ miin ka baara kɛnin ma giin, wo na braji sɔɔ. ¹⁵ Nŋa ni mŋɔ miin ka baara kɛnin ka giin; wo na bɔɔn a ka braji ra. Wo biɛ n'a ta a yɛɛkun na krishi n'afwɔ a mi ka fyɛn shɛtgɛ. ¹⁶ Aa t'a dɔn ko aa mi Yaa-Masa batoshoba wee ye, ko Yaa-Masa ɲin sginin mu aa kɔɔnna waa? ¹⁷ Ni mŋɔ miin ka Yaa-Masa batoshobaa shɛn, Yaa-Masa na wo tgi shɛn bari Yaa-Masa batoshobaa ka senu, wo mi aaye ye. ¹⁸ Mŋɔshi k'ii yɛɛ lafri. Ni mŋɔ miin k'a yɛɛ myiiri hakritgi ye aa shɛma ka kaɲa ni diyan ɲiin kwow yee, wo ra a yɛɛ kɛ n'afwɔ naroman, yaako a ra kɛ hakritgi ye sɛbɛ ra. ¹⁹ Bari diyan ɲin ka hakritgiya wee naromanya ree Yaa-Masa ɲana. Bari a sɛbɛnin mu kitaabu ra ko: «Ee hakritgiw mlan yru ra ni aa yɛɛkunw ka cekuya wee ye.» ²⁰ A sɛbɛnin fran ko: «Matgi wee hakritgiw ka myiriyaw dɔn ko wuu mi fwu ree.» ²¹ Wee kanma mŋɔshi k'ii yɛɛ boɲa mŋɔw kwo ra, bari fɛn biɛ m'aye ta ree. ²² Pori wo, Apolɔsi wo, Piɛri wo, diyan wo, ɲanamanya wo, saya wo, sisa fɛnw wo, fɛn nataw wo, fɛn bɩe m'aaye ta ree, ²³ aaye mi Krista ta ye, Krista mi Yaa-Masa ta ye.