¹ Ne Pori, Krista Yesu ka cedin wo Yaa Masa sako baakara, ka kanɲa ni a ka kriri wee, a ni an baremancɛ Sositɛni sɛbɛ ŋin ce ² YAA-MASA ka eglisi ma miin mi Korɛnti, aaye miinnu krira ka kɛ senunmanw ye k'aa bɔ dana kǝa saniya Yesu Krista ra, a ni miinnu biɛ an Matgi Yesu Krista tgɔ kri ja o ja. Aye mi an ni wuu bɩɛ Matgi wee. ³ An fa YAA-MASA ni Mtgi Yesu Krista ra nɛɛma ni dososhɔn ji aa ma. ^{4 6} Ne baaka da ne ka YAA-MASA ye aa kwora sgaan biɛ a ka nɛɛma kanma, wo miin jira aa maKrista Yesu ra. ⁵ Aa duba sɔɔ fɛn biɛ ra ayee ra, fwɔ ka she komaan biɛ ni dɔnniya biɛ ra, bari Krista shɛrɛya shɛntgiyara aa shɛma. ⁷ Wo tgo ra, ka aa to an Matgi Yesu Krista yrari makɔɔnri ra, YAA-MASA ka ɲinninfɛ shi ti n'aa dɛsɛ. ⁸ Ayee na aa makpeya fran fwɔ a labaan na, yaako aa yaakibii ra sɔɔ an Matgi Yesu Krista ka kititgɛ dun na. ⁹ YAA-MASA mi kantgi ree, aye raa krii ka kɛ a Dincɛ an Matgi Yesu Krista jɛnnŋɔnw ye. ¹⁰ Mbaremanw, ne r'aa jeraja an Matgi Yesu Krista tgɔɔ kanma: «Aa kan kɛ keen ye, paari kaa kɛ aa shɛma, aa kɔɔnw kɛ keen ye, wo kɔɔ wo, ŋaniɲa keen na kɛ aa ra, ni myiriya kɛen. ¹¹ Nbaremanw, a fwɔra ne fɛ Klowe ka shomŋɔw jɔɔ fɛ ko sɔsɔriw mi aa shɛma. ¹² Sisa, ne m'afɛ ka min fwɔ wo fɛɛ ɲin ye ko: «Aa jɔɔ r'a fwɔ ko: Ne min Pori ta ree, jɔɔ ree ko ko ne min Apolɔsi ta ye, jɔɔ ree ko kun ko ne min Piɛri ta ye, jɔ kpɛɛman nee ko ko ne min Krista ta ree.» ¹³ Krista taran taran nine mun wa? Pori kpenkpen na yiri kan aa kanma wa? Aa batisera Pori tgɔ ra wa? ¹⁴ Nee baaka da YAA-MASA ye bari ne ma mŋɔshi batise ni krisipusi ni gayusi tɛ, ¹⁵ yaako mŋɔshi kaa n'a fwɔ ko aa batisera ne tgɔ ra. ¹⁶ Shɛn ro, nee Sitefanasi ka sho kɔɔnna mŋɔw fran batisee. NI ne ka kɛ ka mŋɔ kpɛɛman batise wuu kɔfɛ, ne yri ti wora. ¹⁷ Katgu Krista ma ne ce ka batiseri kɛ, ee ne cee ka kabaro junman wee fwɔ, nŋa mŋɔw ka hakritgiya komaa tɛ, yaako Krista kpenkpenyri kwoo kaa na kɛ kpansanman ye? ¹⁸ Bari Krista kpenkpenyri kwo wanjuri wee naromanya ree harakibgashɔw fɛ, nŋa an ne miinnu krishi, YAA-MASA ka shebgaya nɔn no. ¹⁹ Bari a sɛbɛnin mu ko: «Ne na hakritgiw ka hakritgiya shɛn, ka kwodɔnnaw ka dɔnniya kɛ fu ye.» ²⁰ Wora sa hakritgi mi miin? Sariya kaamŋɔ mi miin? Waati ɲin sɔsɔrikɛra mi miin? YAA-MASA maa yra ko diyɛn ɲin na hakritgiya wee naromanya ye wa? ²¹ YAA-MASA ka hakitgiya miin ni yra diyan na, diyan ni a ka hakritgiya ma she ka YAA-MASA dɔn wo fɛ. Wee kanma YAA-MASA re yaa latgɛ ka dananbgaw krishi kpenkpenyri wanjuri naromanya fɛ. ²² Bari yawutuw tgɛnmashɛ kabakwomanw nee yaara, grɛkiw ree hakritgiya yaara. ²³ Nŋa aane Krista kpenkpennin wanjuri wee kɛ. Wo wanjuri wee kunnashɛnri ree yawutuw ɲanan, shiya kpɛɛw fɛ naromanya ro. ²⁴ Nŋa YAA-MASA miinnu kri, yawutuw ni shiya kpɛɛw kpiin, wuu ɲana, Krista mi YAA-MASA ka shebgaya ni a ka hakritgiya wee ye. ²⁵ Katgu hakritgiya mi YAA-MASA ka naromanya ra ka tɛnmɛ mŋɔw ka hakritgiya kan, baaka mi YAA-MASA ka baakatanya ra ka tɛnmɛ mŋɔw baaka kan. ²⁶ Mbaremanw, YAA-MASA r'aye miinnu kri, aa myiiri aa yɛɛ kwora. Miinnu jate hakritgiw ye diyan ŋin na, wuu man sha aa shɛma. Fgantgiw man sha aa ra, mŋɔ tgɔbaw man sha aa ra. ²⁷ Nŋa diyan miinnu jate naromanw ye, YAA-MASA wuu ree woomaan yaako a ra hakritgiw muun. Diyan fɛn miinnu jate baakantanw ye, YAA-MASA wuu re woomaan ka baakamanw muun. ²⁸ Diyan fɛn miinnu jate fɛn gwansan ye, ee nunŋun fɛn miinnu na, ari fɛn miinnu ti foyi ye, YAA-MASA wuu re woomaan, yaako fɛn miinnu jate, wuu ree ka kɛ fu ye, ²⁹ yaako adamadin shi kaa na a yɛɛ boɲa YAA-MASA ɲakɔɔ. ³⁰ Nŋa YAA-MASA re baakaa ra, aa mi Krista Yesu ra. YAA-MASA Yesu re kɛɛ an ka hakritgiya ni an ka teennin ya wee, an ka sannyari ni an ka kunmabɔri fran sɔɔ aye ra. ³¹ A sɛbɛra tan kitaabu ra kó «Miin'a yɛɛ boɲa, wo tgi r'a yɛɛ Mtgi ra.»