¹ Na binichauhujya yihi limini lyam'fumina mu kanisa na lyamwiboya uli Bamalaika musambu : Mwende na muhumuni uluegulu ya mavu bihulu musambu bya bwazi bwa Vili. ² Gubele biguchawenda, na biguchahong'lola ihulu yaji higulu ya mavu .Na huti libiha na limhuma biliumena bandu bali na kimbanga ya nyama na bawitutugwila ifuatili yaji. ³ Gwabululi biguchahumuna yaji ihulu mw'iziba . Na ziba biligal'lua muloha , paha na gogwa gwa mufu; Na cheä yoso inabuome yafaha, cheä yoso yakum'ng'hana mw'iziba . ⁴ Gwa busatu biguchauhongolola yaji ihulu mu migeze na mu misulu ya mema , nayu biyiugal'lua muloha. ⁵ Na bini chauhujya malaika gwa mema mwiboya : Guli bululi , bebe guli onga , na gwali onga ; Guli gulumbului, hamubili gwa naha gutaha lili alu. ⁶ Wilondena na byebya bibamwanga muloha ya balumbului na Bang'hanga biloto, na bigubaha muloha go gatome: Bakumbene utoma. ⁷ Na binichauhujya altali lyobe ndialujila na lya bululi. ⁸ Gwa buna biguchauhongolola yaji ihulu uluegulu ya yuba.Na yuba biliuhubu usiä bandu kuilila mulilu; ⁹ Na bandu bibachaziga kuilila iyenga ishwali, na bibachautuanga bulomo zina lya Vili guna butashi higulu ya bibi bihilu na ndebaleizi bubiha bwabu kufiila umutumbula. ¹⁰ Gwa butanu biguchauhumuna yaji ihulu kwihumbulu ya nyama . Na butangala bwaji bikuchabwiilubu na mufitu; na bandu bibachamwisum'ng'hanya ndimi na usuma, ¹¹ na bibautua Vili gwa higulu bulomo, ha isa ya usuba wabu na mahuti gabu na nde bafiili uleä bilongwa byabu. ¹² Gwamutuba biguchauhumuna yaji ihulu ya lagala Efulati. Na mema gaji bigaukama sheleme, kuboyela sinda lya MAkasheke gamwafumina um'vila yuba lya bambijyubu. ¹³ Na bini chaumona mufuma muanu mwa kimahaymahaya, na muanu mwa nyama , na muanu mwa Ng'hanga biloto gwa malimi, biuli bisatu bibiha , bya ubagana na nyunda. ¹⁴ Iumumona naha byebya ni biuli bya miuli, bimwitaha bizinga na bimwijila Bakasheke ba alunga-mugaza oso, ku babunga u lugoze lwa tufu liatagala lya Vili mukome. ¹⁵ Hamulole, nimuva bu nyivi. Guli buose ni yogwa guli siä, na guna bilamba byaji, kutina nde sumuä njele-njela na bashaumona buvu bwaji! ¹⁶ Bibachaubabunga handu hamwitaganubu mu lulimi lwa Bayahuidi Halmagedoni. ¹⁷ Gwa musambu biguchauhumuna yaji ihulu mu huyoi. Na biuchafumina mu kanisa , mwihumbulu , yihi liata lyamwiboya: Biole-beh ! ¹⁸ Na wali micheë , mayu, miuma , na uzeza kuata wa mavu ushachitekeanga limu ubambila lolwa mundu hagwakaanga higuluya mavu uzeza kuatagala paha na koä. ¹⁹ Na ibalu chiata biichagabulua biba bisatu, na bibalu bya bisizi bibeyachauluä, na Vili , biguchaunionga Babiloni guata, kumuha ihulu ya mavu ga bwazi bwaji bum'kwenga. ²⁰ Na bisanga byoso bibyachajyoä, na mitenda nda yichimwenubu. ²¹ Na vu;la yiata ya mabwehe, mabwehe gali ganema paha ........., yanywena ufuma higulu na uhulwila bandu; Na bandu bibautua Vili bulomo , samba na chii iilu ya vula ya mabwehe, wilondena na chii iilu yali chiatagala wamehe.