¹ Bibaumbeha lenje lyali bi mujyeleti, bibaboya : Yigoya , na gupima Kanisa ka Vili, altali na booso bamwitendela. ² Ila mbalaza ya haza ya kanisa , yileë haza na nduyipima : Yoho i yihelubu bisizi, na bamwashatuä (bamwawatigila na byahi) mu jyaati yilumbului mu miezi maumi gana na yibili. ³ Nimwauhana uli bashuula bam,i babili buswata bwa ulota , baveete bisahu, mu matufu elufu yimu na miaha yibili na maumi mutuba. ⁴ I yeya mihafu yibili na matala gabili bali sihi u luebu lwa mwana gwa Alunga-Mugaza . ⁵ Hutu mundu nde' mubatela bubiha , mulilu gum'fuma muanu mwabu na gousia ba meze babu; Na hutu mundu gum'beleguila ybatela bubiha , gukumbene gwayihagubu biel'bieubiu. ⁶ Banabuswata bwa uziga , naha vula nde yimwena mu gaga matufu gabam'bosha ; Na ba'na buswata bwa usindisha mema bu muloha , na ushwejya al;unga-mugaza mu iilu yoso,hoooso hanhan habamulegelejya. ⁷ Habamuvuya bushuula bwabu yogwa nyama gum'banda ufuma mu hongwa gumwabataha lugoze , gumwabatimuna , na ubihaga. ⁸ Na mahiti gabu gamwa yaniubu mu jyaati yiata, yimwitaganubu, mu mana ga tima , Sodoma na Misli , ku koä wauhulilubu Mwanana gwabu. ⁹ Balumi ba bandu, batubila , bandimi na ba bisizi ,. bamwamonanga mahiti gabu matufu gasatu na iba na nde ba mwahana yihi lya naha mahiti gabu gajyami. ¹⁰ NA hasulubu yabu bandu ba alunga-mugaza bamwamwengamwenga na bamwakaä mu musangu, na bamwawihejy'gena tugubu bamu na banji, wilondena na baba ba ng'hanga biloto babili bausuvya bandu ba alunga-mugaza. ¹¹ Manyuma ga matufu gasatu na iba, chiuli ya buome, ufuma wa Vili, bichi uvushwela munda mwabu, na bibachali wimana higulu ya biahi byabu; na moyo gushwali bishwelela booso b'aba ba'ubamona. ¹² Na bibauhujyanena yihi ufumina higulu lya ubasahila : Mubande kuunu !Na bibaubanda higulu mu matimba ; na bameze babu ba'ubamwona. ¹³ Momwa mu cheä ihindi , bikuuka uzeza kuata wa alunga -mugaza , na iba ya umi ya jyaati, bichiuhulula , bandu elufu musambu baufa mu koä uzeza wa alunga-mugaza , na baaba banji bibautina na bibauhana lulumbi uli Vili gwa higulu. ¹⁴ Iliu ya bubili chi-kuila .Lola , ibizi ya busatu chi'muva bibinu. ¹⁵ Malaika gwa musambu biguugumba mumbanda.Na bikuuhujyia mayu gumini-gumini higulu gamwiboya : BUtangala bwa alunga a chona buhanubu uli mwanana gwetu na uli Klistu gwaji ; Na ndem'tayala miaka na milumbu. ¹⁶ NA banunu maumi gabili na bana ,bali hasihasi û luebu lwa Vili mu bihumbulu byabu , bibauhula ibul'vunu, na bibautendela Vili , ¹⁷ Bam'boya: Tukufuekusha, Mwanana Vili mwini buswata , beebe gulio, na gwalio, wilondena na byebya bikuukujya buswata bobe booso na bigukuuza butangala boobe. ¹⁸ Bisizi bya umona bwazi ; Na bwazi bobe bibuuvyaga na lugumbu lufia lwa ukalila bafu, lwa usumbwila tugubu basosegeshu bobe bang'hanga biloto, balumbului na baabu bam'tina zina lyobe ,balenge na baulu na wihaga na utuwa bâba booso baonaga alunga-mugaza. ¹⁹ Na kanisa a Vili ali higulu bikawezulua , na sanduku ya ilonje biyiubalua munda mwa kanisa . Na bikuhem'ng'hana, bikuujyia mayu, mitundu, uzeza wa alunga-mugaza , na vula ya bwehe.