¹ I wamana bahanji nami banduku yami balegele banu banu musangu gwami na izigili, yami mwimanesihiu ng'haqnda ya Mwanana; bahanji nami! ² Nihajya Lwodia na Sentike bakae na nyini yiyimu munda mwa Mwanana musahu gulegela. ³ Nabe be nagi, mwimani gwa tima, lujila , ni kuhajya mubakwatiliyebo balwiliju ya musahu gulegela hamonga nami, na Klema na ba boso bahangi ba mulimu, ba na mazina gobo mwitabu ya buome. ⁴ Mukae na musangu mwa Mwanana, ni musahuwila , mukae na musangu. ⁵ Ubatama wenu mwa yuubu na boso. Mwanana nde habwihi. ⁶ Na mushumbulusha na indu yoso ,û byoso mumulagige Vili uhage wenu na wigaya , na atumbu. ⁷ Na ndongo atalala ya Vili, yikizi uyuwa wenu, manizi ya lole mitima na manizi ga Yesu klistu. ⁸ Honga a binetu , muningi ya lujila yoso , ya buneme yoso , yilipasha yoso yilibululi yoso, yoso yileglelejyubu, yoso yi tebubu na bandu, yoso ya buloha na yimutishubu na bandu. ⁹ Yoso yi na miswaqhila , yi mwawitaba na uhuja wami, na yimumwene wami, yitaba na Vili gwa ndogo atalala gwa kanenu. ¹⁰ Nikuzili musangu gwata wa mehe uli Mwanana, wilondena na tima lyenu wali mimi; Banu uninga buose, mubulizi ihindi ya bandu uwimonena. ¹¹ Na wilondena bobo na bwanabo muma, nya wiyigisha, û kâ na musangu mu bihindi byoso. ¹² Nijili û kâa na bindu na usi û kâa na bindu wa byoso na mitambu yoso nigizi kiuta na ukaa na zolo, ukaa na bishwali na ubula. ¹³ Ni,mukusotolela byoso kwiilila yogwa gu mwihana buswata. ¹⁴ Ila mutele byoso ungwatiliojya mu usuba wami. ¹⁵ Mwijili banu baninu,bandu ba Filipi, haubamba wa usahula musahu gulegela , lolwa lunyawenda û Makedonia, nde wali kanisa na gukâamu,au nzahila ng'handa yau, ahana ayi, atambala ayi; ¹⁶ Banu bunga -bwenu i bautahemu, wilondena mwa undumina ngumbu yi'ibili ha nishali û Tesalonika bundu bya ungwatishilijya nabyu. ¹⁷ Nde uboya naha nimukeba bitulilu, nimwikeba buluba bushwali buli u migongo yenu. ¹⁸ Nya ukuza yoso , na ninabyu maliba-maliba; bindu bingililibunji bya undumina Epafolodito byebya bimwa û muha , paha na malashi ga uvumba lya buose , mihizigwitebubu na Vili, na gwelegelejye. ¹⁹ Vili gwami gumutuha byoso byo nabu muma uwilondena na bunji bwa buiizi bwaji, na utaba , mu Yesu Klistu. ²⁰ Uli Vili gwetu na tata wakai atumbu na utaba milumbu na milumba Amina! ²¹ Mulalii bandu boso balumbului mwa Yesu Klistu. ²² Banduku bali hamonga nami bamunulalia. ²³ Balumbului boso bamunulalia, û shali ba bâa mu yende ya Kaizali . Buneme bwa Mwanana Yesu Klistu bwakaï na chiuli genu!