¹ Hutu wa Klistu uliulendubu, Hutu uli uhoyagalubu wa miholo hangati ya ivulu, Hutu uli ubaa haminga mu chiuli , Hutu uli binisonya na lusa. ² Mugalushi musangu gwami wa lubilu, mukai na munigi mumu, na ivulu kiimu, chiuli kiinu, na uninga kuumu. ³ Nda mutaha ng'handa wa biki'lyena na wimon'ganesha , ila wa witusha kila mundu kwa balii mwinajyi gulegela ukilila jem'nindu. ⁴ Jimu gwenu , nda mwibalila ukuza yenu, gwa balii ukuza wa bangi. ⁵ Mukai na munigi mumu mu biyali munda mwa Yesu Klistu , ⁶ gwali paa na Vili, nda wimona nang'haha ni ng'handa ya ukaa paa na Vili , ⁷ Nang'haha gwa witusha jem'ninu, na witaha muhia , na ukaa paa na mundu ; na witusha paa na mundu gooso, ⁸ gwa vete mubili gwa mundu , na witusha vuu ufa , vuu ufa wa musalaba . ⁹ Na honga Vili gwa mubajya umuhaha zina lili ulwegulu ya mazina gooso, ¹⁰ ukilila zina lya Yesu kila ngumba ya fyami na bindu bioso bili higulu, mu mavu na mu lwasi gwa mavu, ¹¹ Na ndimi yooso ya hajyi bin'sonya û zina lya Yesu Klistu ni mwanana , mu utiubwijya wa tutu Vili-Nyambi. ¹² Honga , baleg'lejye, bibi bimuli balumbului matufu gooso, mwikwashinena ubua wenu hamonga na moyo na uzeza, hashi bobo paa na hanyali nenu, ila ya yende nenu nagu bwash'liu; ¹³ Ni Vili gum'taha mulimu hangati yenu uvula na utaha, ukilila uvula. ¹⁴ Mutaha bindu byooso nda munghinghita wala wihehena, ¹⁵ Ndam'kaa basim'kushubu na balimbana , bana ba Vili bashim'kandilubu û luichia lubiha na mbaa, yeya yim'ziga paa na ilimba mu Alunga Mugaza . ¹⁶ Muwati ng'handa ya buome na nimwitubwizya, lutufu lwa Klistu, bisha nijyoe na utumika wa unini-nini ¹⁷ Najyi nikalilubu wa mulambu, na kazi ya ukilila witaba wenu, niselela na uselela nenu na banu booso. ¹⁸ Banu musag'luyi bibebya na musag'lui hamonga nami. ¹⁹ Na ukungila Mwanana Yesu gutuma Timoteyu gwa gwashi buswata wa bibi mukuzi yeya yim'nulola. ²⁰ Na bibi nda uli mundu gingi hanu gwa mwihejyegena nagi ng'handa ya tima na ulola bimuli; 21 Na yooso bam'keba ukuza wabu, na ushu wa Yexsu Klistu. ²² Bawishejya ku lendula , bawitaha bahia ba musahu haminga nami, paa na mwana hamonga na shagi . ²³ Ni kuungila umutuma yugu nikuzi yeya yim'kila wenu; ²⁴ Nim'kugila mwanana na nimuv'gaya na mim'nindu hamonga koo wenu. ²⁵ Nina muma gwa umutuima ndugu Epaflodito, lugoze gum'taha nami mulimu honga saloha hamonga nami, ni mutwana gwenu ni muhunduma gwa magumu genu. ²⁶ Gu namuma gwa ubamona bigumonna bwwazi bwamehe, nihujyinene nang'ha gwali hanu na lufu bigukut'gana na ugav'gaya wenu. ²⁷ Gwa na lufu , wa binu, gulihabuihi ufa; ila Vili gwa mufila bin'sonya , hashi wagi bobo, ila na mimi, si kaa na bwasi halwegulu ya bwasi. ²⁸ Nitele hami-hooso nang'haha nimutumi na hanu mumona honga mumone ulegela, na mimi nikatushi ma bwasi bwananabu. ²⁹ Mumutambuli wazina lya Mwanana na musangu gooso , mukai bandu bana inemu. ³⁰ Wqa mulimu gwa Klistu, gwali habwihi ufaqha na utusha tima ligi ; Gwa hana mubili gwagi uboya ya kumbani na ba babasha-liu.