¹ Ga matufu Yuani mubatizu gwa uvuyaga nangha ya moolo mu buonono bwa Yudea . ² Biguboya mulee bubi , buvuyaji bwa Vili gwa igulu bu té habwihi. ³ Yuani i yoga gwa wisambubu na Isaya ng'hanga-biloto biguuboya ba na jihi lya munolu mu buonono , muvubi sinda lya mwanana mugolole ma sinda gaji. ⁴ Yuani guna ilamba yaji ga mubi guaji gwa iseba ya ngamia , na mubi gwaji mu mibi yaji, chaulya yaji ni zige na mangoni ga bui bwa mwito . ⁵ Na bandu boso yo û Yelusalema, mu Yudea goso na ma jyaati yoso ga habwihi na Yolodani,baumufiila boso habwihi na jehe; ⁶ na ubatizubu boso û mujeye gwa Yolodani habaulea bubi. ⁷ Ila gwa umona bashali baufuma û Bafalisayu na Basadukayu bauvuyaga na lubatizubu lwaji, je biguuboya , banu bana ba nyoa , ni nani gunuswahila na mujoe izi imuvuyaga ? ⁸ Mbya buose mufumishi bubiha bumulagijya nang'ha gwa ulea bubi. ⁹ Na nde muningabobo na batutu na shetu Abulahamu , ila niunusot'lwela banu , Vili guli buguila mabwehe mu gaga gali hanu yugu mwana au bana banji Abulahamu. ¹⁰ Haha temu litulubu ala mu isizi ya miti , na gogo muti gushi na fumisha bulobu gugusesa na ugusumbula û mulilu . ¹¹ Ila mimi ninubatiza na mema , binwaulea bubi; Ila yoga guvuyaga umanyuma gami gu na buswata wagila mimi,si na lihusa ga utolola migozi ya bilatui byagi , ni yoga gunubatiza na Chiuli ilumbului na mulilu. ¹² Lubezelulu mu igaza lyaji; luombo ni jemunini gu moolo, na gumukomba chiwanja yaji, na bebya bisasu byoso ubisambula û mulilu byoso byaziji. ¹³ Chii ihindi Yesu gwafuma û Galilaya , gwawenda wa Yuani gwa mubatizubu. ¹⁴ Hanha Yuani biguubenga ,mimi numkeba uvuaga ube, babe guuva wami! ¹⁵ Yesu biguumusot'lwela : Yitaba bibi biniuboya , na mimi nibagage byoso akamukabili , aku'mbatiza. ¹⁶ Na chea ihindi , Yesu jemufuma ku ubatizubu mu mema. Gwa ukatua haha gu chiuli ga Vili bichiuta ulwegulu yaji. ¹⁷ Ba haha jihi la Vili biliufuma higulu bili w'isamba nang'ha yugu î mwanami gwalegelejye wa mehe.